‘Nerukeqaaq inuussummut isaaffik tassungalu aqqutaa ameqaluni; ikittuinnaappullu taassuminnga nanisisut!’ – Matthæusi 7:14

Qanoq nalunngissinnaavarput Guutip akuerinngisaanik upperisarsioqatigiittoqartoq?

• Matthæusi 7:21-23

  Imaanngilaq upperisarsioqatigiit tamaasa Guutip iluarigai. Ilaat Guutip piumasaatut iliorneq ajorput.

• Matthæusi 7:13, 14

  Pallorfiginninneq ilumoortoq inuunermut naassaanngitsumut sammivoq. Upperisarsiorneq eqqunngitsoq suujunnaarsitaanissamut sammivoq.

• Matthæusi 7:16, 17

  Upperisaq ilumoortoq suliaasigut ilisarineqarsinnaavoq. Upperisat tamaasa misissortariaqanngilatit; Biibilimi ajoqersuutit misissuinnarsinnaavatit.

• 1 Thessalonikamiut 2:13; 2 Timotheusi 3:16, 17

  Biibilimi allassimasut kisiisa upperikkit ilinniartitsissutigalugillu.

• Matthæusi 4:10; Johannesi 17:6

  Jehova pallorfigiuk taassumalu aqqa atortarlugu.

• Johannesi 13:35

  Ilumoortumik asannittuugit.

• Johannesi 3:36; Apustilit Suliaat 4:12

  Jiisusi naalaguk. Guutip Jiisusi aqqutigalugu annaassinnaavaatigut.

• Johannesi 18:36; Apustilit Suliaat 5:29

  Politikkimut akuliuteqinak.

• Matthæusi 24:14; 6:10

  Guutip naalagaaffiata ajornartorsiutinut aaqqiissutissatuaanera ilinniartitsissutigiuk.

Guutimik pallorfiginninnerit taassumannga iluarineqassappat susariaqarpit?

• Jaaku 2:19

  Guutip upperinissaa naammanngilaq. Biibilimi oqaaserisai naapertorlugit iliuuseqartariaqarputit.

• Esaja 52:11; Saqqummersitat 17:5

  Upperisarsiornerup eqqunngitsup, imaluunniit ‘Babylonersuup’, Guutip iluarinngisaatut inuit pallorfiginninnissaannik ilinniartittarpai. Ajoqersuutit eqqunngitsut ilagaat ataasiullunilu pingasuussusermik, tarnip toqujuitsuuneranik anniarfimmillu ajoqersuutit.

• Saqqummersitat 18:4, 8

  Ungasinngitsukkut Jehovap upperisarsiornerit eqqunngitsut tamaasa suujunnaarsissavai. Upperisarsiornermut eqqunngitsumut tunngasut tamaasa itigartilluinnartariaqarpatit.

• Markusi 10:28-30

  Imaassinnaavoq akerlilersorneqarumaartutit, Jehovalli imminiinngisaannassavaatit.