“Akornannit anigitsi avissaarlugillu ... mingunnartumillu attueqinasi.” – 2 Korinthimiut 6:17

Sooq assilissanik siuaasanillu pallorfiginninneq eqqunngitsuliornerua?

• 2 Mosesi 20:4, 5; 1 Johannesi 5:21

  Guutisiornitsinni assilissanik atuinissarput Jehovap kissaatiginngilaa.

• 5 Mosesi 18:10-12

  Toqusimasunut attaveqarsorisut anersaapilunnut attaveqartarput.

“Kisimi atortuuli Naalakkap iluarisaa.” – Efesosimiut 5:10

Nalliuttorsiornermut peqataassanerlutit qanoq ilillutit aalajangersinnaaviuk?

• Ezekieli 44:23; 2 Korinthimiut 6:14, 15

  Guutimik nalusunit pilerfeqarnersoq misissoruk.

• 2 Mosesi 32:2-10

  Nalliuttorsiortut ajunngitsumik isumaqaraluartut imaassinnaavoq Guutip nalliuttorsiorneq akuerinngikkaa.

• Danieli 3:1-27

  Inunnik, peqatigiiffinnik inuiaassutsimullu ilisarnaatinik pingaartitsilersitsisunik nalliuttorsioqataaqinak.

• 1 Timotheusi 1:18, 19

  Naliliisinnaassuseqarit, Jehovamulli ilerasuuteqanngittuarnissat qulakkeeruk.

“Tamatigut oqaluttassaasi inussiarnersumik tarajulimmillu, ilisimaqqullugu kikkut tamaasa qanoq akisariaqartassagisi.” – Kolossemiut 4:6

Upperisat allanut qanoq nassuiassaviuk?

• Matthæusi 7:12

  Allat namminneq aalajangersimanerat ataqqiuk, soorlu illit ataqqineqarnissat kissaatigigit.

• 2 Timotheusi 2:24

  Inussiarnersuujuarit, upperisallu oqqassutigeqinagu.

• 1 Petrusi 3:15, 16

  Upperisat qanilaarlutit ataqqinnillutillu illersortaruk.

• Hebræerit 10:24, 25

  Upperisavit apeqquserneqarnerani qanoq oqarsinnaaninnik kristumiut ataatsimiinnerini allanit ikiorneqarlutillu kajumissaarneqassaatit.