“Takuat, aana imeq, suna akornutaassava kuineqarnissannut?” – Apustilit Suliaat 8:36

Sooq kuisissavit, tamannalu qanoq pisarpa?

Kuisinnikkut takutissavat inooriaaserisimasannik taamaatitsisimallutit Guutillu piumasaatut inuulersimallutit.

• Matthæusi 28:19, 20

  Jehova kiffartorfigissagukku kuisittariaqarputit.

• Tussiaat 40:9

  Kuisinnikkut Guutimut kiffartorusullutit ersersissavat.

• Matthæusi 3:16

  Kuisinneq imermut morsutsitaanikkut pisarpoq soorlu Jiisusi kuisikkami morsutsitaasimasoq.

‘Guutimut asanninneq tassaavoq inassutai maleruaratsigit, inassutaalu artornartuunngillat.’ – 1 Johannesi 5:3

Sooq Jehovamut tunniulluinnarnissat merserissanngiliuk?

• Tussiaat 103:14; Esaja 41:10

  Jehovamut tunniulluinnarumallutit naammalluinnartuusariaqanngilatit. Eqqortuliornissannut ikiussavaatit.

• Kolossemiut 1:10

  Jehova pakatsissasoralugu siooranerit Jehovamut asanninnerit iluaqutigalugu ajugaaffigisinnaavat.

“Guuti, piumasat malillugu iliornissaq tassa kajungerisara; inatsisitit uanga ilunni ipput.” – Tussiaat 40:9

Jehovamut tunniulluinnarumallutit susariaqarpit?

• Johannesi 17:3

  GUUTIP OQAASIANIK ATUAQQISSAARTARIT

  Jehova aamma Jiisusi ilisarisimalikkit. Ilisarisimanerujartortillugit asanerujartussavatit.

• Hebræerit 11:6

  UPPERNERIT NAKUSSATSIGUK

  Guutip neriorsuutai Jiisusillu pilliutaata ajortimit toqumillu annaassissutaasinnaanera upperilluinnakkit.

• Apustilit Suliaat 3:19

  ALLAMIK ISUMATAARIT

  Tamanna isumaqarpoq eqqunngitsuliorsimanernik ilumoorluni peqqissimissutiginninneq.

  ALLAMUT SAAGIT

  Allamut saanneq isumaqarpoq eqqunngitsuliortarunnaarneq eqqortumillu iliuuseqartalerneq.

• 1 Petrusi 4:2

  TUNNIULLUINNARIT

  Ilumoorluni qinunikkut Jehovamut tunniulluinnarneq tassaavoq taassuminnga pallorfiginnikkumalluni taassumalu piumasaatut iliornissamik pingaarnerpaatitsiniarluni neriorsuineq.