‘Inuup Ernera tikiuppoq inuunini akissatut tunniutissallugu amerlasuut utertinneqaatissaattut.’ – Matthæusi 20:28

Sooq utertitsissut pisariaqartipparput?

• 1 Mosesi 3:17-19

  Naalannginnami Adamip Jehovamik ikinnguteqarnini Paratiisimilu inuunini naammalluinnartoq annaavai.

• Romamiut 5:12

  Adamip iliuusaa pissutigalugu ajorti toqulu kingornuppavut.

• Efesosimiut 1:7

  Utertitsissut tassaavoq Jehovap inunnik ajortimit toqumillu aniguisitsissutaa.

‘Guutip ernituani silarsuarmut aallartippaa taassumuuna inooqqulluta.’ – 1 Johannesi 4:9

Jehovap utertitsissut qanoq pilersippaa?

• Tussiaat 49:8, 9

  Inuunerup naammalluinnartup Adamip annaasaata nalinga arlaannattaluunniit akilersinnaanngilaa.

• Lukasi 1:35

  Jehovap Ernini asasani nunarsuarmukartippaa inuttut naammalluinnartutut inunngorniassammat.

• Romamiut 3:23, 24; Hebræerit 9:24

  Makititaanermi kingorna Jiisusi qilammut uterpoq, qilammilu inuunermi naammalluinnartup nalinga utertitsissutitut Jehovamut tunniuppaa.

‘Qulliit tamaasa isaannit allarterumaarpai, toqulu peerukkumaarpoq.’ – Saqqummersitat 21:4

Utertitsissut qanoq iluaqutigisinnaavarput?

• 1 Johannesi 1:8, 9

  Ajortitsinnik isumakkeerfigineqarsinnaavugut.

• Hebræerit 9:13, 14

  Guutimut ilerasuuteqanngissinnaavugut.

• Romamiut 6:23

  Inuuneq naassaanngitsoq neriuutigisinnaavarput.

• Galatiamiut 2:20

  Utertitsissut tunissutaavoq Jehovap Jiisusillu uagutsinnut asanninnerannut uppernarsaataasoq.

‘Guutip ernituani tunniussimavaa taassumunnga uppertoq kinaluunniit naassaanngitsumik inooqqullugu.’ – Johannesi 3:16

Qanoq ersersissinnaavarput utertitsissut Guutip tunissutaa qujamasuutigalutigu?

• Johannesi 17:3

  Jehova Jiisusilu ilisarisimalikkit ilaarlugillu.

• Lukasi 22:19

  Jiisusip toquneranik eqqaaniaalluni nalliuttorsiorneq ukiut tamaasa najuuffigisaruk.

• Johannesi 3:36; Jaaku 2:26

  Jiisusi upperineraannarnagu iliuuseqarit. Taassuma uagutsinnut peqqussutai maleruartakkit.