‘Toqungasut sunnguamilluunniit ilisimasaqanngillat.’ – Oqaluussisartup oqaasii 9:5

Toqugutta qanoq pisoqassava?

• Tussiaat 146:3, 4; Oqaluussisartup oqaasii 9:6, 10

  Toqusut isigisaqarsinnaanatillu tusaasaqarsinnaanatillu eqqarsarsinnaanngillat.

• Johannesi 11:11-14

  Jiisusip toqu sininnermut assersuuppaa.

“Orpik ajunngitsumillu ajortumillu ilisimalersitsisoq neriffigissanngilat, neriffigigaluarukkumi toqussaatit!” – 1 Mosesi 2:17

Sooq inuit toqusarpat?

• 1 Mosesi 3:1-6

  Guutip inatsisaanik unioqqutitsinerup kingunissaa pillugu Saatanip Eva salloqittarpaa. Adami Evalu Jehovamut naalannginnamik ajortuliorput naggataatigullu toqullutik.

• 1 Mosesi 3:19

  Adami toqugami piujunnaarpoq.

• Romamiut 5:12

  Ajorti siuaasatsinnit siullernit kingornussarput nappaammut toqussutaasartumut assersuunneqarsinnaavoq. Tamatta ajortiliusutut inunngoratta toqusarpugut.

• 1 Korinthimiut 15:26

  Toqu Biibilimi akeqqatut taaneqarpoq.

“Angut toquguni uummaqqissinnaava? Utaqqiumaarpunga ... aniguisitaanissama tungaanut.” – Jobi 14:14, NW

Toqu pillugu ilumoortoq nalunnginnatsigu toqusut pillugit ajoqersuutinit kukkusunit sunit inussiaajunnaarpugut?

• 1 Johannesi 4:8

  Anniarfimmik ajoqersuut Jehovamut nikanarsaataavoq. Inunnik taamatut anniartitsinavianngisaannarpoq.

• Saqqummersitat 4:11

  Toqusimasut inuppassuarnit siooragineqartarput, taamaattumik Jehova pinnagu toqusimasut pallorfigineqartarput. Jehova Guutiuvoq ilumoortoq, taannalu kisiat pallorfigisussaavarput.