“Naalagaaffiit tikiulli, piumasat qilammisut nunamissaaq pili.” – Matthæusi 6:9-13

Guutip naalagaaffia suua?

• Saqqummersitat 11:15

  Guutip naalagaaffia qilammiit nunarsuarmut naalakkersuisussaavoq.

• 1 Timotheusi 6:15

  Guutip naalagaaffiani Jiisusi kunngiuvoq.

• Saqqummersitat 14:1, 4

  Inuit 144.000-t Jiisusi qilammiit naalakkersueqatigissavaat.

• Hebræerit 4:15; 5:8

  Jiisusip 144.000-llu qanoq misiginersugut ajornartorsiutivullu nalaattakkavut paasisinnaavaat.

“Nikanartut eqqartuutissavai eqqortumik pineqartillugit.” – Esaja 11:4

Sooq Jiisusi Guutip naalagaaffiani kunngiusussatut piukkunnarnerpaava?

• 1 Timotheusi 6:16

  Inuit naalakkersuisut tamarmik toqusarput, Jiisusili toqunngisaannassaaq. Uagutsinnullu iliuuserisassai ajunngitsut tamarmik naassaanngitsumik iluaqutaassapput.

• Esaja 11:2-4

  Jiisusi inummit naalakkersuisumit kimilluunniit ajunnginnerungaartunik iliuuseqarsinnaavoq. Nunarsuarmi naalakkersuisunit tamanit pissaaneqarneruvoq. Naapertuilluartuuvoq misiginneqataasarlunilu.

“Qilaap Guutiata naalagaaffik qaqugumulluunniit atasussaq pilersikkumaarpaa.” – Danieli 2:44

Guutip naalagaaffia sunik naammassisaqareerpa? Siunissami sunik naammassisaqassava?

• Saqqummersitat 12:7-12

  Jiisusi 1914-imi kunnginngornermi kingorna Saatani qilammit nunamut igippaa. Taamaattuminguna ajornartorsiungaarnerit naalliungaarnerillu nunarsuarmi tamarmi nalaanneqartartut.

• Oqaluussisartup oqaasii 8:9; Saqqummersitat 16:16

  Harmagedonimi Guutip naalagaaffiata nunarsuarmi naalakkersuisut ajortut peqquserluttullu tamaasa piuneerutissavai.

• Tussiaat 37:10

  Inuit ajortumik iliortuartut piuneerussaajumaarput.

• Saqqummersitat 22:1-3

  Guutip naalagaaffia nunarsuarmut naalakkersuilerpat inuit napparsimasarunnaarlutillu toqusarunnaassapput, inuillu tamarmik Guutip aqqa ataqqissavaat.