UL­LUMIK­KUT nal­liut­torsior­nerit up­perisarsior­nermut tun­ngas­sutil­lit al­lal­lu nunani as­sigiin­ngitsuni nuan­narineqar­tut amerlanersaat Biibilimit aal­laaveqan­ngil­lat. Taavami sumit aal­laaveqar­pat? Atuagaateqarfiliaruit im­maqa soqutiginar­tis­savat qinerlerfis­siani as­sigiin­ngitsuni nal­liut­torsior­nerit nuan­narineqar­tut pil­lugit qanoq al­las­simasoqar­neranik misis­suinis­sat. Ilaan­nik misis­suilaariar­ta.

Poorski. Kristumiuuneraqatigiit poorskimut tun­ngatil­lugu ileq­qui sumit aal­laaveqar­pat? Atuak­kami Danske Højtidsskikke-mi ima  al­las­simavoq: “Guutimik nalusut uper­naamik nal­liut­torsiutigin­nit­tar­neran­ni ileq­qut arlal­lit kristumiut poorskimik nal­liut­torsiutigin­nin­neran­nut ilan­ngun­neqarsimap­put man­nalu tikil­lugu suli ileq­qorineqarlutik.” Tas­sa poorskimut tun­ngatil­lugu ileq­qut Guutimik nalusut guutisior­neran­nit aal­laaveqar­put. Poorskisior­nermi Jiisusip makis­simanera nal­liut­torsiutiginerar­neqar­tar­poq, poorskimul­li tun­ngatil­lugu ileq­qut kristumius­sutsimit aal­laaveqan­ngil­lat. As­sersuutigalugu ukaleq, imaluun­niit kaniina, poorskimi ator­neqar­tar­toq pil­lugu ujarlerfis­siami ima al­las­simasoqar­poq: “Kaniina ilisar­naataavoq Guutimik nalusut ator­tagaat, aam­ma qitor­nigajus­sutsimut as­sersuutaajuaan­narsimavoq.” – The Catholic Encyclopedia.

Ukiortaarsiorneq. Ukior­taaq ukior­taarsior­nermul­lu tun­ngatil­lugu ileq­qut nunamiit nunamut as­sigiin­ngis­sin­naasar­put. Tamatumin­nga nal­liut­torsiutigin­nit­tar­nerup aal­laavia pil­lugu ujarlerfis­siami ima al­las­simasoqar­poq: “Kr.in.si. ukiumi 46-mi Romamiut naalagaata Julius Cæsarip januaarip aal­laq­qaataat ukior­taan­ngor­tip­paa. Romamiut ul­loq taan­na Janusimut, isaaf­fin­nut matunul­lu aal­lar­tif­fin­nul­lu guutigititamut, pigitip­paat. Januaarip qaam­mataata ateriler­paa Janusi, marlun­nik kiinalik – aap­paa siumut sam­misoq aap­paalu kingumut sam­misoq.” (The World Book Encyclopedia) Tas­sa ukior­taarsior­neq Guutimik nalusut ileq­quinik tun­ngaveqar­poq.

Halloweeni. Ujarlerfis­siami ima al­las­simasoqar­poq: “Hal­loweenimut tun­ngatil­lugu ileq­qut ilaat druidit [itsaq kelterit palasiisa] kristumius­suseq sioq­qul­lugu nal­liut­torsior­nermin­ni ileq­qulersuutaan­nit aal­laaveqar­put. Kelterit guutigisatik pingaar­nerit marluk – seqinermut guutigititaq toqusimasunul­lu guutigititaq ... novembarip aal­laq­qaataan­ni kelterit ukior­taavan­ni nal­liut­torsiutigineqar­tar­toq – ataq­qiniarlugit nal­liut­torsior­tar­put. Toqusimasunik nal­liut­torsiutigin­nin­neq kristumiut ileq­quinut ilan­ngun­neqariar­tuaar­poq.” – The Encyclopedia Americana.

Nalliuttorsiornerit allat. Silarsuaq tamak­kerlugu nal­liut­torsiutigineqar­tar­tut tamaasa eq­qar­torsin­naan­ngilavut. Nal­liut­torsior­neril­li inun­nik peqatigiif­fin­nil­lu inuit pilersitaan­nik pingaar­torsiutigin­nit­tut Jehovap iluarin­ngilai. (Jeremia 17:5-7; Apustilit Suliaat 10:25, 26) Aam­ma eq­qumaf­figiuk up­perisarsior­nik­kut nal­liut­torsior­nerit aal­laavii Jehovap apeq­qutaatit­tarai. (Esaja 52:11; Saq­qum­mersitat 18:4) Guutip nal­liut­torsior­ner­nut al­lanut qanoq isigin­nit­taaseqar­nera paasiumal­lugu najoq­qutas­siat Biibilimeersut kapitali 16-imi eq­qaaneqar­tut iluaqutigisin­naavatit.