Immikkoortoq 4
Israelikkut kunngiisa siullersaanniit Babylonimi tigusaaqqaneq tikillugu
Saul Israelikkut kunngiisa siullersaraat. Kisianni Jehovap tunuartippaa, taannalu taarsiullugu David kunnginngortillugu. David pillugu ilinniagassavut amerlaqaat. Inuusuttunnguulluni inorujussuaq Goliatimik atilik toquppaa. Kingornatigut imminik sinngaginnittumit kunngimit Saulimit qimaavoq. Taavalu Davidip ajortuliornissaraluanit arnap pinneqisup Abigajilip pinngitsoortippaa.
Taavalu tusassavarput Davidip ernera Salomon, David kingoraarlugu Israelimi kunnginngortoq. Israelikkut kunngii siulliit pingasut tamarmik immikkut ukiut 40-t kunngiupput. Salomonili toqummat Israel avippoq naalagaaffiit marlunngorlutik, aappaa avannarleq aappaalu kujalleq.
Naalagaaffik avannarleq naggueqatigiit qulit piat ukiuni 257-ini atavoq, taavalu Assyriamiunit piuneerunneqarluni. Ukiullu 133-t qaangiummata naalagaaffik kujalleq naggueqatigiit marluk piat piuneerunneqarpoq. Taamanikkullu Israelikkut tigusatut Babylonimukaanneqarput. Taamaalillunilu ukiuni 510-ni pisimasut IMMIKKOORTOQ 4-mi oqaluttuarineqarput, pisimasullu amerlaqisut pissanganartut taamaasillutik uatsinnut takutinneqarput.
IMMIKKOORTUMI UANI
OQALUTTUAQ 56
Israelimi kunngi siulleq
Sauli Guutimit toqqarneqariarluni kingusinnerusukkut ajattorneqalerpoq. Taanna pingaarutilimmik ilinniutigisinnaavarput.
OQALUTTUAQ 57
Guutip Daavi qineraa
Pruffiiti Samuelip Daavi pillugu takusinnaanngisaa sunaana Guutip maluginiaraa?
OQALUTTUAQ 58
Daavi Goliatilu
Daavi Goliatimut akiuuppoq, illusariaateeqqani atuinnanngilaa, sakkummilli sakkortunerujussuarmik atugaqarpoq.
OQALUTTUAQ 59
Daavi qimaasariaqartoq
Siullermik Saulip Daavi iluaraa, sinngallunili toqukkusulerpaa. Sooq?
OQALUTTUAQ 61
Daavi kunnginngortoq
Israelimi kunngitut piukkunnaateqarnini Daavip iliuutsimigut iliuusererusunngisamigullu ersersippaa.
OQALUTTUAQ 62
Daavikkunni ajornartorsiutit
Ataasiarluni ajortumik kukkugami Daavi imminut ilaquttaminullu ukiorpassuarnut ajornartorsiutinik pilersitsivoq.
OQALUTTUAQ 64
Salomo naalaffiliortitsisoq
Salomo ilisimasuugaluarluni sianiitsuliornissamut eqqunngitsuliornissamullu akuersisinneqarpoq.
OQALUTTUAQ 65
Naalagaaffik avittoq
Jeroboami naalakkersuilerami ingerlaannaq inuit Guutip inatsisaanik unioqqutitsisippai.
OQALUTTUAQ 67
Joshafatip Jehova tatigaa
Sooq sakkutuut erinarsortut sakkoqartinnagit saaminnut pisillugit sorsugiassagamik?
OQALUTTUAQ 68
Nukappiaqqat uummaqqittut
Toqusimasumik uummartitseqqittoqarsinnaava? Taama pisoqarnikuuvoq!
MEEQQANUT 69
Niviarsiaqqap angut ikioraa
Oqaluussinissaminut sapiissuseqarmat tupinnartuliornermik kinguneqarpoq.
OQALUTTUAQ 70
Jona aalisagarsuarlu
Jehovamut naalattarnissamik Jona pingaarutilimmik ilikkagaqarpoq.
OQALUTTUAQ 71
Paratiisissamik neriorsuut
Paratiisi siulleq mikivoq; uumalli nunarsuaq tamakkissavaa.
OQALUTTUAQ 72
Guutip kunngi Hizkija ikioraa
Unnummi ataatsimi inngilip Assyriamiut sakkutuui 185.000-t toquppai.
OQALUTTUAQ 74
Angut qunusuitsoq
Jeremia pruffiitinngornissamut inuusuppallaarsorigaluarpoq, Guutilli nalunngilaa sapinngitsoq.
OQALUTTUAQ 76
Jerusalemi piuneerunneqartoq
Sooq Israelikkut akeraasa, Babylonimiut, Jerusalemimik piuneerussinissaat Guutip akueraa?
