Oqaluttuaq 1

1. Ajunngitsut tamarmik sumit pisarpat, arlaanik eqqaasaqarsinnaavit?

2.  Guutip pinngortitaa siulleq sunaava?

3.  Inngili siulleq sooq immikkut ittuua?

4.  Nuna pileqqaarami qanoq isikkoqarpa? (Assiliaq takuuk).

5.  Guutip nuna inunnut uumasunullu qanoq najugassatut piareersalerpaa?

Saniatigut apeqqutit:

1. Jeremia 10:12 atuaruk.

   Guutip pissusiisa ilaat suut pinngortitami takuneqarsinnaappat? (Es 40:26; Rom 11:33)

2. Kolossemiut 1:15-17 atuakkit.

   Jiisusi pinngortitseqataava, tamannalu Jiisusimut isiginnittaatsitsinnut qanoq sunniuteqassava? (Kol 1:15-17)

3. 1 Mosesi 1:1-10 atuakkit.

   1. Nuna qanoq pinngortinneqarpa? (1 Mos 1:1)

   2. Pinngortitsiffiup ulluata siullianni susoqarpa? (1 Mos 1:3-5)

   3. Pinngortitsiffiup ulluata aappaanni susoqarsimanera oqaluttuariuk. (1 Mos 1:7, 8)

Oqaluttuaq 2

1. Nuna inunnit najugaqarfigineqalersinnaaniassammat Guuti qanoq iliorpa?

2. Uumasut assigiinngitsorpassuit Guutip pinngortitai oqaluttuariakkit. (Asseq takuuk).

3. Sooq naatsiivik Edeni immikkut ittuua?

4. Guutip nunarsuaq tamaat sumik siunertaqarfigaa?

Saniatigut apeqqutit:

1. 1 Mosesi 1:11-25 atuakkit.

   1. Pinngortitsiffiup ulluisa pingajuanni Guutip suut pinngortippai? (1 Mos 1:12)

   2. Pinngortitsiffiup ulluisa sisamaanni qanoq pisoqarpa? (1 Mos 1:16)

   3. Pinngortitsiffiup ulluisa tallimaanni arfernannilu uumasut suut Guutip pinngortippai? (1 Mos 1:20, 21, 25)

2. 1 Mosesi 2:8, 9 atuakkit.

   Orpiit immikkut ittut suut marluk Guutip naatsiivimmut inissippai, taakkulu sumut assersuutaappat?

Oqaluttuaq 3

1. Oqaluttuaq 3-mi aamma oqaluttuaq 2-mi assiliartat sukkut assigiinngissuteqarpat?

2. Kiap inuk siulleq pinngortippaa, inullu taanna qanoq ateqarpa?

3. Guutip Adami sumik suliassippaa?

4. Sooq Guutip Adami itisuumik sinilersippaa?

5. Adami Evalu qanoq sivisutigisumik inuusinnaappat, Jehovallu nuna taakkununnga qanoq iliorfigeqquaa?

Saniatigut apeqqutit:

1. Tussiaat 83:19 atuaruk.

   Guuti qanoq ateqarpa, nunarsuarmullu qanoq oqartussaassuseqarpa? (Jer 16:21; Dan 4:14)

2. 1 Mosesi 1:26-31 atuakkit.

   1. Pinngortitsiffiup ulluisa arfernanni suna pingaarnerpaava, tassanilu pinngortinneqartoq uumasunit qanoq allaanerussuteqarpa? (1 Mos 1:26)

   2. Jehovap inuit uumasullu pisariaqartitaannik sunik tunivai? (1 Mos 1:30)

3. 1 Mosesi 2:7-25 atuakkit.

   1. Adami uumasunik atsersueqquneqarami susariaqarpa? (1 Mos 2:19)

   2. Mosesimik allakkat siullerni 2:24-mi allassimasut iluaqutigalugit Jehovap isiginnittaasia aappariinnermut, averusernermut avinnermullu qanoq paasisinnaavarput? (Matt 19:4-6, 9)

Oqaluttuaq 4

1. Assilissami takusinnaasanni Adami Evalu suppat?

2. Sooq Jehovap pillarpai?

3. Pulateriaarsuup Eva qanoq oqarfigaa?

4. Kiap pulateriaarsuk Evamut oqalutsippaa?

5. Sooq Adamip Evallu Paratiisi qimattariaqarpaat?

Saniatigut apeqqutit:

1. 1 Mosesi 2:16, 17 aamma 3:1-13, 24.

   1. Sooq pulateriaarsuup Evamut apeqqutaata Jehova eqqunngitsumik isigineqalersippaa? (1 Mos 3:1-5; 1 Joh 5:3)

   2. Sooq Eva iliuuserisimasai uagutsinnut ilinniutaava? (Fil 4:8; Jaak 1:14, 15; 1 Joh 2:16)

   3. Qanoq Adami Evalu iliuuserisaminnut akisussaassuseqarumanngillat? (1 Mos 3:12, 13)

   4. Kerubit Edenip kangiani inissisimasut Jehovap kisimi oqartussaajuaannarnissaa qanoq isumagaat? (1 Mos 3:24)

2. Saqqummersitat 12:9 atuaruk.

   Saatanip inuiannik tamanik Guutimit allamut saatsitsiniarnera iluatsippa? (1 Joh 5:19)

Oqaluttuaq 5

1. Adami Evalu naatsiivik Edenip avataani qanoq ippat?

2. Adami Evalu sujartulerpat, aamma sooq?

3. Adamip Evallu meeraat sooq utoqqalillutillu toqussappat?

4. Adamip Evallu Jehovap oqaasii naalassimasuuppatigit, meeqqatillu qanoq inuuneqarsimassagaluarpat?

5. Eva naalannginnini pissutigalugu qanoq anniartarpa?

6. Adamip Evallu erneri siulliit marluk qanoq ateqarpat?

7. Assilissami meeqqat allat kikkuuppat?

Saniatigut apeqqutit:

1. 1 Mosesi 3:16-23 aamma 4:1, 2 atuakkit.

   1. Nunap perloqqusaanera Adamip inuuneranut qanoq sunniuteqarpa? (1 Mos 3:17-19; Rom 8:20, 22)

   2. Ateq Eva, “inuusoq”-mik isumaqartoq, sooq naleqquppa? (1 Mos 3:20)

   3. Jehovap Adami Evalu naak ajortulioreersut qanoq isumassorpai? (1 Mos 3:7, 21)

2. Saqqummersitat 21:3, 4 atuakkit.

   “Siulliit” suut peernissaat illit erinigaagit?

Oqaluttuaq 6

1. Kaini Abelilu sulerippat?

2. Kaini Abelilu Jehovamut sunik tunissuteqarpat?

3. Sooq Jehovap Abelip tunissutaa iluaraa, Kainillu tunissutaa iluarinagu?

4. Kaini inuttut qanoq ittuua, Jehovallu qanoq ilioqquaa?

5. Qatanngunni narsaammi kisimeeqatigileramiuk Kaini qanoq iliorpa?

6. Qatanngunni toqoreeramiuk Kaini qanoq pineqarpa?

Saniatigut apeqqutit:

1. 1 Mosesi 4:2-26 atuakkit.

   1. Kainip navianartorsiornera Jehovap Biibilimi qanoq oqaatigaa? (1 Mos 4:7)

   2. Kainip pissusivia qanoq qulaarneqarpa? (1 Mos 4:9)

   3. Jehovap pisuussuteqanngitsumik toqutsineq qanoq isigaa? (1 Mos 4:10; Es 26:21)

2. 1 Johannesi 3:11, 12 atuakkit.

   1. Sooq Kaini kamalerpa, tamannalu uagutsinnut qanoq mianersoqqussutaava? (1 Mos 4:4, 5; Uss 14:30; 28:22)

   2. Biibilimi qanoq ersersinneqarpa Jehovamut ilumoorfiginnittuarsinnaasugut naak ilaquttavut tamarmik Jehovamik assortuisuugaluartut? (Tuss 27:10; Matt 10:21, 22)

3. Johannesi 11:25 atuaruk.

   Jehovap naapertuilluarneq pissutigalugu toqusut tamaasa sumik neriorsorpai? (Joh 5:24)

Oqaluttuaq 7

1. Enoki sooq allaanerua?

2. Sooq inuit Enokip nalaani taama ajortigippat?

3. Inuit qanoq ajortuliortarpat? (Assiliaq takuuk).

4. Sooq Enoki sapiitsuusariaqarpa?

5. Taamanikkut inuit qassinik ukioqalertarpat, Enokili toqugami qassinik ukioqarpa?

6. Enokip toqunerata kingorna qanoq pisoqarpa?

Saniatigut apeqqutit:

1. 1 Mosesi 5:21-24, 27 atuakkit.

   1. Enoki Jehovamut qanoq ittumik attaveqarpa? (1 Mos 5:24)

   2. Biibili naapertorlugu kina sivisunerpaamik inuusimava, toqugamilu qassinik ukioqarpa? (1 Mos 5:27)

2. 1 Mosesi 6:5 atuaruk.

   Enoki toqoreermat nunami pissutsit qanoq ajortigilerpat, tamannalu ullutsinnut qanoq naleqqiunneqarsinnaava? (2 Tim 3:13)

3. Hebræerit 11:5 atuaruk.

   Enokip pissusaa suna ‘Guutimit iluarisaasimava’, qanorlu kinguneqartumik? (1 Mos 5:22)

4. Judasi 14, 15 atuakkit.

   Ullumikkut inuit sorsunnissamik Harmagedonimik mianersoqqugaangatsigit Enokip sapiissusia qanoq ilaarsinnaavarput? (2 Tim 4:2; Hebr 13:6)

Oqaluttuaq 8

1. Guutip inngiliisa ilaat Saatanimut naalalermata qanoq pisoqarpa?

2. Sooq inngilit ilaat qilammi suliareqquneqartut qimallugit nunamut aqqarpat?

3. Sooq inngilit nunamukarnerat inuttullu isikkoqalernerat eqqunngitsuliornerua?

4. Inngilit qitornaat qanoq allaassuteqarpat?

5. Assiliaq takuuk. Inngilit qitornaat inorujussuanngoramik qanoq iliorpat?

6. Enokip kingorna angut ajunngitsoq kina nunami inuua, aamma sooq Guutip iluaraa?

Saniatigut apeqqutit:

1. 1 Mosesi 6:1-8 atuakkit.

   Mosesimik allakkat siullerni 6:6-imi allassimaneratut iliuutsivut Jehovap qanoq sunnerneqaatigisarpai? (Tuss 78:40, 41; Uss 27:11)

2. Judasi 6 atuaruk.

   Inngilit Noap nalaani “inigisassaraluaminnik qimatsisut” qanoq uagutsinnut mianersoqqussutaappat? (1 Kor 3:5-9; 2 Petr 2:4, 9, 10)

Oqaluttuaq 9

1. Noa ilaqutaalu qassiuppat, Noallu erneri pingasut qanoq ateqarpat?

2. Guutip Noa sumik immikkut suliassaqartippaa, aamma sooq?

3. Inuit Noap umiarsuaq pillugu oqaluttuummatik qanoq qisuariarpat?

4. Guutip uumasut Noamut qanoq iliorfigeqquai?

5. Guutip matu matoreerpagu Noa ilaqutaalu qanoq iliussappat?

Saniatigut apeqqutit:

1. 1 Mosesi 6:9-22 atuakkit.

   1. Noap kiffartornera sooq Guutimut ilumoortumut maluginiarnarpa? (1 Mos 6:9, 22)

   2. Jehovap nakuuserneq qanoq isigaa, tamannalu qanoq aliikkusersuutinik toqqaasarnitsinnut sunniuteqartariaqarpa? (1 Mos 6:11, 12; Tuss 11:5)

   3. Jehovap peqatigiissortai aqqutigalugit siunnersorneqaraangatta qanoq Noa ilaarsinnaavarput? (1 Mos 6:22; 1 Joh 5:3)

2. 1 Mosesi 7:1-9 atuakkit.

   Sooq uagutsinnut qiimmaallannarpa Jehovap Noamik naammalluinnanngitsuusumik iluartutut isiginninnera? (1 Mos 7:1; Uss 10:16; Es 26:7)

Oqaluttuaq 10

1. Sooq siallilermat umiarsuarmut isertoqarsinnaajunnaarpa?

2. Ullut unnuallu qassit Jehova siallertitsiva, imerlu qanoq qaffasitsigilerpa?

3. Imeq nuna qarsullugu qaffakkiartulermat umiarsuaq sua?

4. Inorujussuit Ulersuarmit aniguippat, ataataallu qanoq pippat?

5. Qaammatit tallimat qaangiummata umiarsuaq qanoq piva?

6. Sooq Noap tulugaq umiarsuarmit tingitippaa?

7. Noap qanoq paasivaa imersuaq apparsimasoq?

8. Noa ilaqutaalu ukioq ataaseq sinnerlugu umiarsuarmeereersut Guutip Noa qanoq oqarfigaa?

Saniatigut apeqqutit:

1. 1 Mosesi 7:10-24 atuakkit.

   1. Nunami uumassuseqartunut piuneerutitsineq qanoq annertutigaa? (1 Mos 7:23)

   2. Piffissaq qanoq sivisutigisoq qaangiummat imersuaq appariartulerpa? (1 Mos 7:24)

2. 1 Mosesi 8:1-17 atuakkit.

   1 Mosesi 8:17-imi qanoq ersersinneqarpa aallaqqaammulli Jehovap nunamut siunertaa allanngorsimanngitsoq? (1 Mos 1:22)

3. 1 Petrusi 3:19, 20 atuakkit.

   1. Inngilit pikitsitsisimasut qilammut uteramik qanoq eqqartuunneqarpat? (Jud 6)

   2. Noa ilaqutaalu pillugit oqaluttuaq Jehovap innuttaminik aniguisitsisinnaaneranik tatiginninnerput qanoq nakussatsissutigaarput? (2 Petr 2:9)

Oqaluttuaq 11

1. Assilissami takusinnaasattut, Noa umiarsuarmit niugami qanoq ilioqqaarpa?

2. Ulersuup kingorna Guutip Noa ilaqutaalu qanoq peqquai?

3. Guuti sumik neriorsuiva?

4. Neriusaap sumik eqqaasissavaatigut?

Saniatigut apeqqutit:

1. 1 Mosesi 8:18-22 atuakkit.

   1. Ullumikkut qanoq Jehovamut ‘naamajuminartumik’ tunisisinnaavugut? (1 Mos 8:21; Hebr 13:15, 16)

   2. Jehovap inuit uummatikkut pissusaat suna maluginiarpaa, taamaattumillu mianersoqqussut suna eqqaamajuartariaqarparput? (1 Mos 8:21; Matt 15:18, 19)

2. 1 Mosesi 9:9-17 atuakkit.

   1. Jehovap nunami uumassusillit tamaasa qanoq angerfigeqatigai? (1 Mos 9:10, 11)

   2. Neriusaamik angeruseq qanoq sivisutigisumik atuutissava? (1 Mos 9:16)

Oqaluttuaq 12

1. Nimrodi kinaava, Guutillu taanna iluaraa?

2. Nalunngiliuk sooq assilissami inuit qarmasissianik sanasut?

3. Sooq Guutip sanaartornerat nuannarinngilaa?

4. Guutip qanoq qaqiffiliarsualiorneq unitsippaa?

5. Illoqarfik qanoq atserneqarpa, aterlu taanna qanoq isumaqarpa?

6. Guuti oqaatsinik paatsiveerutitsereermat inuit qanoq iliorpat?

Saniatigut apeqqutit:

1. 1 Mosesi 10:1, 8-10 atuakkit.

   Nimrodip suna ilisarnaatigaa, tamannalu uagutsinnut qanoq mianersoqqussutaava? (Uss 3:31)

2. 1 Mosesi 11:1-9 atuakkit.

   Suna pissutigalugu qaqiffiliarsualiorumappat, aamma sooq pilersaarusiaq iluatsinnavianngila? (1 Mos 11:4; Uss 16:18; Joh 5:44)

Oqaluttuaq 13

1. Inuit illoqarfimmi Urimi najugaqartut qanoq ittuuppat?

2. Angut assilissamiittoq kinaava, qanga inunngorpa, sumilu najugaqarpa?

3. Guutip Aaperaat qanoq peqquaa?

4. Sooq Aaperaat Guutip ikinngutaanik taaneqarpa?

5. Aaperaap Urimit kikkut aallaqatigai?

6. Aaperaat Kana’animut tikimmat Guutip qanoq oqarfigaa?

7. Aaperaat 99-inik ukioqartoq Guutip sumik neriorsorpaa?

Saniatigut apeqqutit:

1. 1 Mosesi 11:27-32 atuakkit.

   1. Aaperaat Lotilu qanoq ilaqutariippat? (1 Mos 11:27)

   2. Naak Biibilimi allassimagaluartoq Tera Kana’aniliartitsisoq, taava qanoq ililluta nalunngilarput Aaperaat nammineq aallarniartoq, aammalu sooq taamaaliorpa? (1 Mos 11:31; ApS 7:2-4)

2. 1 Mosesi 12:1-7 atuakkit.

   Aaperaat Kana’animut apuummat Jehovap Aaperaamik angerutsimut suna ilannguppaa? (1 Mos 12:7)

3. 1 Mosesi 17:1-8, 15-17 atuakkit.

   1. Abrami 99-inik ukioqarluni qanoq allamik ateqalerpa, aamma sooq? (1 Mos 17:5)

   2. Sara pilluaqqussutissanik sunik tunineqarumaartoq Jehova neriorsuiva? (1 Mos 17:15, 16)

4. 1 Mosesi 18:9-19 atuakkit.

   1. Mosesimik allakkat siulliit 18:19 naapertorlugu ataataasut sumik akisussaaffeqarpat? (5 Mos 6:6, 7; Ef 6:4)

   2. Sara pillugu oqaluttuaq sorleq ersersitsiva Jehovamut isertugaqarsinnaanngitsugut? (1 Mos 18:12, 15; Tuss 44:22)

Oqaluttuaq 14

1. Guutip Aaperaat sumik neriorsorpaa, neriorsuutinilu qanoq naammassivaa?

2. Aaperaap uppernera Guutip qanoq misilippaa? (Assiliaq takuuk).

3. Aaperaat qanoq iliorpa paasinngikkaluarlugu sooq Guutip taama peqqugaani?

4. Aaperaap ernini toqunniarlugu savik tigummagu qanoq pisoqarpa?

5. Aaperaap Guutimut qanoq uppertigaa?

6. Aaperaap pilliutissaanik Guutip qanoq pissaqartippaa?

Saniatigut apeqqutit:

1. 1 Mosesi 21:1-7 atuakkit.

   Sooq Aaperaap ullut arfineq-pingajuanni ernini kipineqartippaa? (1 Mos 17:10-12; 21:4)

2. 1 Mosesi 22:1-18 atuakkit.

   Iisaaq qanoq ataataminut Aaperaamut naalatsigitippa, tamannalu qanoq pisussamut pingaarnerungaartumut tikkuussiva? (1 Mos 22:7-9; 1 Kor 5:7; Fil 2:8, 9)

Oqaluttuaq 15

1. Sooq Aaperaat Lotilu avissaarpat?

2. Sooq Loti Sodomami najugaqarusuppa?

3. Sodomamiut qanoq ittuuppat?

4. Inngilit marluk qanoq Loti mianersoqquaat?

5. Lotip nulia sooq napasunngorpa tarajoq?

6. Lotip nulia qanoq ilinniutigisinnaavarput?

Saniatigut apeqqutit:

1. 1 Mosesi 13:5-13 atuakkit.

   Isumaqatigiinngissutinik aaqqiiniarutta Aaperaat qanoq ilinniarfigisinnaavarput? (1 Mos 13:8, 9; Rom 12:10; Fil 2:3, 4)

2. 1 Mosesi 18:20-33 atuakkit.

   Jehovap Aaperaamut iliuusiata qanoq Jehovap Jiisusillu naapertuilluartumik eqqartuussiumaarnerannik uagutsinnut tatiginnilersitsippat? (1 Mos 18:25, 26; Matt 25:31-33)

3. 1 Mosesi 19:1-29 atuakkit.

   1. Guutip isiginnittaasia anguteqatigiinneq pillugu oqaluttuami tassani qanoq erserpa? (1 Mos 19:5, 13; 3 Mos 20:13)

   2. Lotip Aperaallu Guutip innersuussutaanut qisuariarnerat qanoq assigiinngissuteqarpat, qanorlu ilinniarfigisinnaavarput? (1 Mos 19:15, 16, 19, 20; 22:3)

4. Lukasi 17:28-32 atuakkit.

   Lotip nulia pigisanut qanoq isiginnittaaseqarpa, tamannalu qanoq uagutsinnut mianersoqqussutaava? (Luk 12:15; 17:31, 32; Matt 6:19-21, 25)

5. 2 Petrusi 2:6-8 atuakkit.

   Lotip guutiitsunut isiginnittariaasia qanoq ilaarsinnaavarput? (Ez 9:4; 1 Joh 2:15-17)

Oqaluttuaq 16

1. Angut arnarlu assilissamiittut kikkuuppat?

2. Aaperaat ernini nuliassarsiuukkamiuk qanoq iliorpa, aamma sooq?

3. Aaperaap kiffaata qinnutaa qanoq akineqarpa?

4. Rebekka aperineqarami Isak uigilerumaneraa qanoq akiva?

5. Sooq Iisaaq nuannaaqqilerpa?

Saniatigut apeqqutit:

1. 1 Mosesi 24:1-67 atuakkit.

   1. Rebekkap Aaperaap kiffaa puilasuliami naapittani qanoq pissuserissaarfigaa? (1 Mos 24:17-20; Uss 31:17, 31)

   2. Aaperaap Iisaamut aalajangigai kristumiunut ullumikkut qanoq maligassaalluarpat? (1 Mos 24:37, 38; 1 Kor 7:39; 2 Kor 6:14)

   3. Sooq Iisaaq assigalugu eqqarsaatiginneqqissaartuartariaqarpugut? (1 Mos 24:63; Tuss 77:13; Fil 4:8)

Oqaluttuaq 17

1. Esaui Jaakulu kikkuuppat, qanorlu assigiinngissuteqarpat?

2. Esaui Jaakulu aatartik Aaperaat toqummat qassinik ukioqarpat?

3. Esauip ataatani anaananilu qanoq aliasutsippai?

4. Sooq Esauip qatanngunni Jaaku kamaatingaalerpaa?

5. Iisaap ernini Jaaku qanoq peqquaa?

Saniatigut apeqqutit:

1. 1 Mosesi 25:5-11, 20-34 atuakkit.

   1. Jehova Rebekkap erneri marluk pillugit qanoq siulittuiva? (1 Mos 25:23)

   2. Jaakup Esauillu angajulliussuseq qanoq assigiinngitsumik isumaqarfigaat? (1 Mos 25:31-34)

2. 1 Mosesi 26:34, 35; 27:1-46 aamma 28:1-5 atuakkit.

   1. Esauip anersaakkut naleqartut pingaartippallaanngikkai qanoq erserpa? (1 Mos 26:34, 35; 27:46)

   2. Iisaap Jaaku Guutimit pilluaqqusaaniassammat qanoq peqquaa? (1 Mos 28:1-4)

3. Hebræerit 12:16, 17 atuakkit.

   Esauip maligassiaata qanoq ersersippaa illernartunik asissuineq qanoq kinguneqartartoq?

Oqaluttuaq 18

1. Arnaq inuusuttoq assilissamiittoq kinaava, Jaakullu qanoq ikiorpaa?

2. Jaaku Rakeli nuliartaariumallugu qanoq iliorniarpa?

3. Jaakup Rakeli nuliarilernissaanut piffissanngormat Labani qanoq iliorpa?

4. Jaakup Rakeli nuliarilerumallugu suna akueraa?

Saniatigut apeqqutit:

1. 1 Mosesi 29:1-30 atuakkit.

   1. Qanoq erserpa Jaaku assuarnaatsuusoq naak Labanip salloqittaraluaraani, qanorlu ilinniarfigisinnaavarput? (1 Mos 25:27; 29:26-28; Matt 5:37)

   2. Asanninneq asannilersoornerlu qanoq assigiinngissuteqartut Jaaku qanoq ersersitsiva? (1 Mos 29:18, 20, 30; Erin 8:6)

   3. Arnat sisamat kikkut Jaakup inooqatigai kingusinnerusukkullu ernertaarfigalugit? (1 Mos 29:23, 24, 28, 29)

Oqaluttuaq 19

1. Jaakup nulianilu siulliup Leap erneri arfinillit qanoq ateqarpat?

2. Leap kiffaata Zilpap Jaakumik erneri marluk qanoq ateqarpat?

3. Rakelip kiffaata Bilhap Jaakumik erneri marluk qanoq ateqarpat?

4. Rakelip erneri marluk qanoq ateqarpat, nukarlerlu inunngormat qanoq pisoqarpa?

5. Jaakup erneri katillutik qassiuppat, kialu taakku nagguigaa? (Assiliaq takuuk).

Saniatigut apeqqutit:

1. 1 Mosesi 29:32-35; 30:1-26; aamma 35:16-19 atuakkit.

   Itsaq nukappiaqqat hebræeriusut qanoq atserneqarajuttarpat, soorlu Jaakup ernerisa aqqaneq-marluusut atserneqarnerattut?

2. 1 Mosesi 37:35 atuaruk.

   Qanoq ililluta nalunngilarput Jaakup Dina kisiat paniginngikkaa naak taassuma aqqa kisiat Biibilimi eqqaaneqaraluartoq? (1 Mos 37:34, 35)

Oqaluttuaq 20

1. Sooq Aaperaap Iisaallu qitornatik Kana’animiunik aappaninnissaat kissaatiginngilaat?

2. Jaakup niviarsissat Kana’animiut Dinap ilagisarmagit iluaraa?

3. Assilissami angut Dinamut isigisoq kinaava, qanorlu ajortumik iliorpa?

4. Dinap qatanngutai Simmiuut Levilu susoqarsimanera tusaramikku qanoq iliorpat?

5. Simmiuup Levillu iliuusaat Jaakup iluaraa?

6. Ilaqutariinni taakkunani ajornartorsiutit tamarmik qanoq aallartippat?

Saniatigut apeqqutit:

1. 1 Mosesi 34:1-31 atuakkit.

   1. Dinap niviarsissat Kana’animiut ataasiaannarluni pulaarpai? Nassuiaruk. (1 Mos 34:1, NW)

   2. Sooq Dina nammineq niviarsiaassutsimi annaaneranut pisooqataava? (Gal 6:7)

   3. Ullumikkut inuusuttut qanoq ersersissinnaavaat Dinap iliuusaa mianersoqqussutaasoq ilinniutigigitsik? (Uss 13:20; 1 Kor 15:33; 1 Joh 5:19)

Oqaluttuaq 21

1. Sooq Josefi qatanngumminit sinngagineqarpa, qanorlu iliorpat?

2. Josefip qatanngutaasa qanoq piniaraluarpaat, Rubenili qanoq oqarpa?

3. Niuertut Ismaelikkuusut takkummata susoqarpa?

4. Josefip qatanngutai qanoq iliorpat ataatamik Josefi toqusimasoriniassammagu?

Saniatigut apeqqutit:

1. 1 Mosesi 37:1-35 atuakkit.

   1. Ilagiinni ingasattumik unioqqutitsisumik ajortuliortoqassagaluarpat kristumiut qanoq Josefip maligassiaa ilaarsinnaavaat? (1 Mos 37:2; 3 Mos 5:1; 1 Kor 1:11)

   2. Sooq Josefi qatanngutiminit killuutigineqarpa? (1 Mos 37:11, 18; Uss 27:4; Jaak 3:14-16)

   3. Jaaku aliasuttut pisarnerattut qanoq iliorpa? (1 Mos 37:35)

Oqaluttuaq 22

1. Josefi Egyptenimukaanneqarami qassinik ukioqarpa, tassanilu qanoq pineqarpa?

2. Sooq Josefi parnaarussaava?

3. Parnaarussivimmi Josefi sumik akisussaaffilerneqarpa?

4. Josefi parnaarussivimmiitilluni taassuma Faraop immitsisuanut iffiortuanullu qanoq iliorpa?

5. Immitsisoq parnaarussivimmit anereermat qanoq pisoqarpa?

Saniatigut apeqqutit:

1. 1 Mosesi 39:1-23 atuakkit.

   Naak Josefip nalaani Guuti allasiorneq pillugu allassimasumik inatsisiliorsimanngikkaluartoq, suna pillugu Josefi Potifarip nulianit qimaasariaqarpa? (1 Mos 2:24; 20:3; 39:9)

2. 1 Mosesi 40:1-23 atuakkit.

   1. Immitsisup sinnattua isumaalu Jehovap Josefimut saqqummersitaa naatsumik nassuiaruk. (1 Mos 40:9-13)

   2. Iffiortoq qanoq sinnattorpa, sinnattualu qanoq isumaqarpa? (1 Mos 40:16-19)

   3. Ullumikkut kiffaq ilumoortoq silatoorlu qanoq Josefi ilaarlugu isiginnittaaseqarpat? (1 Mos 40:8; Tuss 36:10; Joh 17:17; ApS 17:2, 3)

   4. Inuuissiortarneq kristumiut qanoq isigisariaqaraat Mosesimik allakkat siullerni 40:20-mi qanoq erserpa? (Oqal 7:1; Mark 6:21-28)

Oqaluttuaq 23

1. Unnuat ilaanni Farao sua?

2. Sooq immitsisup kiisami Josefi eqqaalerpaa?

3. Assilissami takusinnaasattut Faraop sinnattugai marluk suuppat?

4. Josefip sinnattut qanoq isumaqarnerarpai?

5. Josefi qanoq ililluni Egyptenimi Faraomut tulliulluni pingaarnerpaanngorpa?

6. Josefip qatanngutai sooq Egypteniliarpat, sunalu pillugu taanna ilisarinngilaat?

7. Sinnattut suut Josefip eqqaamavai, sunalu paasilerpaa?

Saniatigut apeqqutit:

1. 1 Mosesi 41:1-57 atuakkit.

   1. Josefi qanoq ililluni Jehovamik eqqaasitsisarpa, kristumiullu Josefip maligassiaa qanoq ilaarsinnaavaat? (1 Mos 41:16, 25, 28; Matt 5:16; 1 Petr 2:12)

   2. Egyptenimi ukiut peqangaarfiusut ukiullu tulliuttut kaannersuaqarfiusut qanoq Jehovap innuttaasa anersaakkut inissisimaffiannut kristumiussutsillu anersaakkut inissisimaffiannut assigiissuteqarpat? (1 Mos 41:29, 30; Am 8:11, 12)

2. 1 Mosesi 42:1-8 aamma 50:20 atuakkit.

   Nunat arlaanni inuup inissisimanera ataqqiniarlugu sikiffiginninneq ileqqorineqarpat, taava Jehovamik pallorfiginnittut taamaaliorpata eqqunngitsuliornerua? (1 Mos 42:6)

Oqaluttuaq 24

1. Sooq Josefip qatanngutini kilitsissiaanerarpai?

2. Sooq Jaakup ernini nukarleq, Benjamini, Egypteniliartippaa?

3. Josefip imertarfiutaa sølviusoq qanoq ililluni Benjaminip puujutaanut ikineqarpa?

4. Benjamini angerlaqataasinnaaniassammat Juda sumik neqeroorpa?

5. Josefip qatanngutai qanoq pitsaanngornerusimappat?

Saniatigut apeqqutit:

1. 1 Mosesi 42:9-38 atuakkit.

   Sooq Josefip oqaasii Mosesimik allakkat siullerni 42:18-imi allassimasut ullumikkut Jehovap peqatigiissortaani akisussaaffilerneqartunut eqqaasitsissutaappat pitsaasut? (Neh 5:15; 2 Kor 7:1, 2)

2. 1 Mosesi 43:1-34 atuakkit.

   1. Qanoq erserpa Juda qatanngutini sinnerlugit oqaaseqartartuutitaasoq naak Rubeni angajulliliaagaluartoq? (1 Mos 43:3, 8, 9; 44:14, 18; 1 Nal 5:2)

   2. Josefip qatanngutini qanoruna misilikkunarai, aamma sooq? (1 Mos 43:33, 34)

3. 1 Mosesi 44:1-34 atuakkit.

   1. Josefi qanoq iliorluni kinaassutsini qatanngutiminut isertorpaa? (1 Mos 44:5, 15; 3 Mos 19:26)

   2. Josefip qatanngutaasa qanoq takutippaat imminnut sinngagiunnaarsimallutik? (1 Mos 44:13, 33, 34)

Oqaluttuaq 25

1. Josefip qatanngutini kinaanerminik paasitimmagit qanoq pisoqarpa?

2. Josefip inussiarnerluni qatanngutini sumik nassuiaappai?

3. Farao Josefip qatanngutai pillugit tusaramigit qanoq oqarpa?

4. Jaakup ilaqutai Egyptenimut nuukkamik qassiuppat?

5. Jaakup kinguaavi qanoq taagorneqarpat, aamma sooq?

Saniatigut apeqqutit:

1. 1 Mosesi 45:1-28 atuakkit.

   Josefi pillugu Biibilimi oqaluttuamit qanoq erserpa Jehovap kiffai ajoquserniarlugit siunertaqartut Jehovap taakku ajunngitsumut saatissinnaagai? (1 Mos 45:5-8; Es 8:10; Fil 1:12-14)

2. 1 Mosesi 46:1-27 atuakkit.

   Jaaku Egypteniliartillugu Jehovap sumik neriorsorpaa? (1 Mos 46:1-4)

Oqaluttuaq 26

1. Jobi kinaava?

2. Saatani sugaluarpa, tamatuminngalu iluatsitsiva?

3. Jehovap Saatani sumik periarfissippaa, aamma sooq?

4. Sooq Jobip nuliata uini oqarfigaa ‘Guuti perloqquinnaruk toqullutillu’? (Assiliaq takuuk).

5. Assilissap aappaani takusinnaasattut Jehovap Jobi qanoq pilluaqquaa, aamma sooq?

6. Jobitut Jehovamut aalajaakkutta qanoq pilluaqquneqarumaarpugut?

Saniatigut apeqqutit:

1. Jobi 1:1-22 atuakkit.

   Ullumikkut kristumiut Jobi qanoq ilaarsinnaavaat? (Job 1:1; Fil 2:15; 2 Petr 3:14)

2. Jobi 2:1-13 atuakkit.

   Jobi nulialu Saatanimit saassunneqaramik qanoq assigiinngilluinnartumik qisuariarpat? (Job 2:9, 10; Uss 19:3; Mika 7:7; Mal 3:14)

3. Jobi 42:10-17 atuakkit.

   1. Jobip Jiisusillu aalajaattuarnertik pissutigalugu pilluaqquneqarnerat qanoq assingussuteqarpat? (Job 42:12; Fil 2:9-11)

   2. Jobip Guutimut aalajaannini pissutigalugu pilluaqquneqarneri sooq qiimmaallaatigissavavut? (Job 42:10, 12; Hebr 6:10; Jaak 1:2-4, 12; 5:11)

Oqaluttuaq 27

1. Assilissami angut iperaatalik kinaava, kinalu iperartorpaa?

2. Josefi toqoreermat Israelikkut qanoq pippat?

3. Sooq Egyptenimiut Israelikkut aarlerigilerpaat?

4. Faraop arnat Israelikkut arnartaannut ernisussiortut qanoq oqarfigai?

Saniatigut apeqqutit:

1. 2 Mosesi 1:6-22 atuakkit.

   1. Jehovap Aaperaamut neriorsuutini qanoq eqquutitilerpaa? (2 Mos 1:7; 1 Mos 12:2; ApS 7:17)

   2. Hebræerit ernisussiortui qanoq inuunerup illernassusianik ataqqinnittuuppat? (2 Mos 1:17; 1 Mos 9:6)

   3. Ernisussiortut Jehovamut aalajaannertik pissutigalugu qanoq pilluaqquneqarpat? (2 Mos 1:20, 21; Uss 19:17)

   4. Jehovap siunertaa Aaperaap kinguaassaa neriorsuutigisaasoq pillugu Saatanip qanoq assortorniaraluarpaa? (2 Mos 1:22; Matt 2:16)

Oqaluttuaq 28

1. Assilissami naalungiarsuk kinaava, arnarlu tasiuisoq kinaava?

2. Mosesip anaanaa Mosesi toqunneqaqqunagu qanoq iliorpa?

3. Niviarsiaraq assilissamiittoq kinaava, qanorlu iliorpa?

4. Faraop paniata naalungiarsuk nassaarimmagu Mirjamip suna siunnersuutigaa?

5. Kunngip pania Mosesip anaanaanut qanoq oqarpa?

Saniatigut apeqqut:

1. 2 Mosesi 2:1-10 atuakkit.

   Mosesi meeraaneraniilli anaanaa tassunga ajoqersuinissaminut qanoq periarfissaqarpa, tamannalu qanoq ullumikkut angajoqqaanut maligassaalluarpa? (2 Mos 2:9, 10; 5 Mos 6:6-9; Uss 22:6; Ef 6:4; 2 Tim 3:15)

Oqaluttuaq 29

1. Mosesi sumi peroriartorpa, angajoqqaavilu pillugit sumik ilisimasaqarpugut?

2. Mosesi 40-nik ukioqarluni qanoq iliorpa?

3. Mosesip angut Israelikkuusoq unataasoq qanoq oqarfigaa, angutillu qanoq akiva?

4. Sooq Mosesi Egyptenimit qimaava?

5. Mosesi sumut qimaava, kikkullu naapippai?

6. Ukiuni 40-ni tulliuttuni Mosesi suleriva?

Saniatigut apeqqutit:

1. 2 Mosesi 2:11-25 atuakkit.

   Mosesip qanoq ersersippaa Jehova innuttaalu ilumoorfigalugit naak ukiorpassuarni Egyptenimiut ilisimassusiannik ajoqersorneqarsimagaluarluni? (2 Mos 2:11, 12; Hebr 11:24)

2. Apustilit Suliaat 7:22-29 atuakkit.

   Mosesip nammineerluni Israelikkunnik Egyptenimiut naqisimanninnerannik annaassiniarnera qanoq ilinniutigisinnaavarput? (ApS 7:23-25; 1 Petr 5:6, 10)

Oqaluttuaq 30

1. Qaqqaq assilissamiittoq qanoq taaguuteqarpa?

2. Mosesip savaatini ilagalugit qaqqamut pigami eqqumiitsoq takusaa oqaluttuariuk.

3. Orpikkamit ikumasumit nipi qanoq oqarpa, oqaluttorlu kinaava?

4. Guutip Israelikkut Egyptenimit aniguiseqqullugit oqarfigimmani Mosesi qanoq akiva?

5. Mosesi Israelikkut aperippanni kimit aallartitaanerluni Guutip qanoq akeqquaa?

6. Mosesip qanoq uppernarsarsinnaavaa Guutimit aallartitaalluni?

Saniatigut apeqqutit:

1. 2 Mosesi 3:1-22 atuakkit.

   Mosesip misigisaa qanoq Jehovap uagutsinnut ikiuiumaarneranik tatiginnilissutigaarput, naak teokratiimut tunngasumik suliassinneqassagaluarutta piukkunnartutut misiginngikkaluartugut? (2 Mos 3:11, 13; 2 Kor 3:5, 6)

2. 2 Mosesi 4:1-20 atuakkit.

   1. Mosesip isiginnittaasia ukiuni 40-ni Midjanimiinnerani qanoq allanngorpa, ilagiinnilu kiffartortunngorusuttut tamanna qanoq ilinniutigisinnaavaat? (2 Mos 2:11, 12; 4:10, 13; Mika 6:8; 1 Tim 3:1, 6, 10)

   2. Mosesip maligassiaa sukkut tatiginnilissutigisinnaavarput Jehovap peqatigiissortai aqqutigalugit perorsaatissinneqassagaluarutta? (2 Mos 4:12-14; Tuss 103:14; Hebr 12:4-11)

Oqaluttuaq 31

1. Mosesip Aronillu tupinnartuliaat Israelikkut qanoq qisuariarfigaat?

2. Mosesip Aronillu Farao qanoq oqarfigaat, Faraolu qanoq akiva?

3. Assilissami Aronip ajaappissani nunamut nalummagu susoqarpa?

4. Jehovap Farao qanoq anusinngorsarpaa, Faraolu qanoq iliuuseqarpa?

5. Perluit qulissaat naammat qanoq pisoqarpa?

Saniatigut apeqqutit:

1. 2 Mosesi 4:27-31 aamma 5:1-23 atuakkit.

   Farao qanoq isumaqarpa oqarami: ‘Jehova naluara’? (2 Mos 5:2; 1 Sam 2:12; Rom 1:21)

2. 2 Mosesi 6:1-13, 26-30 atuakkit.

   1. Jehova qanoq Aaperaamut, Iisaamut Jaakumullu ilisaritissimanngila? (2 Mos 3:13, 14; 6:3; 1 Mos 12:8)

   2. Qanoq misigisimanarpa paasitinneqarluni Jehovap Mosesi kiffatut atorsimagaa, naak Mosesi nammineq suliassaminut piukkunnartutut misigisimanngikkaluartoq? (2 Mos 6:12, 30; Luk 21:13-15)

3. 2 Mosesi 7:1-13 atuakkit.

   1. Ullumikkut Guutip kiffaasa qanoq ilinniutigisinnaavaat Mosesip Aronillu qunusuillutik Jehovap pillaatissai Faraomut oqaatigimmatigit? (2 Mos 7:2, 3, 6; ApS 4:29-31)

   2. Jehovap qanoq takutippaa Egyptenimiut guutiinit annerungaarluni? (2 Mos 7:12; 1 Nal 29:12)

Oqaluttuaq 32

1. Assilissat tunngavigalugit perluit pingasut siulliit Jehovap Egyptenimut nalliutitai oqaluttuarikkit.

2. Perluit pingasut siulliit perluillu sinneri qanoq assigiinngissuteqarpat?

3. Perluit sisamaat, tallimaat arfernallu suuppat?

4. Perluit arfineq-aappaat, arfineq-pingajuat qulingiluaallu oqaluttuarikkit.

5. Perluit qulissaat pinnginnerani Jehovap Israelikkut qanoq ilioqquai?

6. Perluit qulissaat sunaava, tamatumalu kingorna qanoq pisoqarpa?

Saniatigut apeqqutit:

1. 2 Mosesi 7:19–8:19 atuakkit.

   1. Naak Egyptenimiut angakkuarniartartuisa perluit marluk siulliit Jehovameersut ilaarsinnaagaluarlugit, perluit pingajuata kingorna suna nassuerutigisariaqarpaat? (2 Mos 8:14, 15; Matt 12:24-28)

   2. Perluit sisamaata qanoq ersersippaa Jehovap innuttani illersorsinnaagai, Guutillu innuttai qanoq misigippat ‘annikilliortitaangaarnissaq’ siulittuutigineqartoq qanilliartortillugu? (2 Mos 8:18, 19; Saqq 7:13, 14; 2 Nal 16:9)

2. 2 Mosesi 8:20; 9:3, 6, 10, 11, 14, 16, 23-25; aamma 10:13-15, 21-23 atuakkit.

   1. Farao angakkuarniartartullu eqimattakkuutaanut kikkunnut assersuutaappat, ullumikkuttaaq taakku qanoq iliorsinnaanngillat? (2 Mos 8:6, 14, 15; 9:14)

   2. Mosesimik allakkat aappaanni 9:16-imi allassimasup qanoq paasitippaatigut sooq Jehovap Saatanip ulloq manna tikillugu piunera akuerigaa? (Rom 9:21, 22)

3. 2 Mosesi 12:21-32 atuakkit.

   Qanoq ilillutik amerlasuut poorski pillugu annaanneqarpat, poorskilu sumut tikkuussiva? (2 Mos 12:21-23; Joh 1:29; Rom 5:18, 19, 21; 1 Kor 5:7)

Oqaluttuaq 33

1. Angutit, arnat meeqqallu Israelikkuusut qassit Egyptenimiit aallarpat, kikkut aamma ilaappat?

2. Faraop Israelikkut aallarnissaat akuerereerlugu qanoq misigilerpa, qanorlu iliorpa?

3. Jehovap innuttani Egyptenimiunit saassunneqaqqunagit qanoq iliorpa?

4. Mosesip ajaappissani Immamut Aappalaartumut isatsimmagu qanoq pisoqarpa, Israelikkullu qanoq iliorpat?

5. Egyptenimiut Israelikkut immakkut malersulermatigit qanoq pisoqarpa?

6. Israelikkut Jehovamit aniguisinneqarnertik nuannaarutigalugulu qujamasuutigigitsik qanoq takutippaat?

Saniatigut apeqqutit:

1. 2 Mosesi 12:33-36 atuakkit.

   Jehovap innuttami ukiorpassuarni Egyptenimiunut inussiaasimanerannut annaasaannut taartaasinnaasunik qanoq isumagivai? (2 Mos 3:21, 22; 12:35, 36)

2. 2 Mosesi 14:1-31 atuakkit.

   Mosesip oqaasii Mosesimik allakkat aappaanni 14:13, 14-imiittut ullumikkut Harmagedoni qanilliartortillugu Guutip kiffaanut qanoq sunniuteqarpat? (2 Nal 20:17; Tuss 91:8)

3. 2 Mosesi 15:1-8, 20, 21 atuakkit.

   1. Sooq Jehovap kiffaasa taassumunnga unnersiutiginnissutinik erinarsornissaat naleqqulluartuua? (2 Mos 15:1, 2; Tuss 105:2, 3; Saqq 15:3, 4)

   2. Mirjami arnallu allat Immami Aappalaartumeersut Jehovamut unnersiutiginninnermi qanoq ullumikkut arnanut kristumiunut maligassaappat? (2 Mos 15:20, 21; Tuss 68:12)

Oqaluttuaq 34

1. Assilissami inuit nunamit sunik katersuippat, katersugaallu qanoq taaneqarpat?

2. Mannanik katersuinermut atatillugu Mosesip inuit qanoq peqquai?

3. Jehovap ullut arfernanni inuit qanoq peqquai, aamma sooq?

4. Ullut arfineq-aappaanni manna toqqorneqarnerani Jehova qanoq tupinnartuliortarpa?

5. Jehovap inuit mannamik qanoq sivisutigisumik nerisaqartippai?

Saniatigut apeqqutit:

1. 2 Mosesi 16:1-36 aamma 4 Mosesi 11:7-9 atuakkit.

   1. Mosesimik allakkat aappaanni 16:8-mi qanoq ersersinneqarpa kristumiut ilagiissaanni Guutip siulersuineratigut toqqakkat ataqqisariaqarivut? (Hebr 13:17)

   2. Israelikkut inoqajuitsumi aatsaat Jehovap ikiuineratigut inuusinnaallutik qanoq ullut tamaasa eqqaasinneqartarpat? (2 Mos 16:14-16, 35; 5 Mos 8:2, 3)

   3. Jiisusip oqarneratut manna qanoq assersuutaasumik isumaqarpa, uagullu ‘timiusaq qilaap pigisaa’ qanoq iluaqutigisinnaavarput? (Joh 6:31-35, 40)

2. Josva 5:10-12 atuakkit.

   Ukiuni qanoq amerlatigisuni Israelikkut mannanik nerisaqarpat, tamannalu qanoq misilinneqaatigaat, uagullu oqaluttuaq tamanna qanoq ilinniutigisinnaavarput? (2 Mos 16:35; 4 Mos 11:4-6; 1 Kor 10:10, 11)

Oqaluttuaq 35

1. Qaammatit marlussuit qaangiuttut Egyptenimit aniguisinneqarnermik kingorna Israelikkut sumi tammaarpat?

2. Jehovap inuit qanoq peqqullugit oqarfigai, qanorlu akippat?

3. Sooq Jehovap Mosesi ujaqqanik allaffissianik marlunnik tunivaa?

4. Jehovap Israelikkut inatsisinik sunik tunivai Inatsisit qulit saniatigut?

5. Inatsisit marluk suut Jiisusip pingaarnerpaanerarpai?

Saniatigut apeqqutit:

1. 2 Mosesi 19:1-25; 20:1-21; 24:12-18; aamma 31:18 atuakkit.

   Mosesimik allakkat aappaanni 19:8-mi allassimasup qanoq paasitippaatigut kristumiutut tunniulluinnarneq qanoq paasisariaqartoq? (Matt 16:24; 1 Petr 4:1-3)

2. 5 Mosesi 6:4-6; 3 Mosesi 19:18; aamma Matthæusi 22:36-40 atuakkit.

   Kristumiut qanoq takutippaat Guutimut inoqatiminnullu asannissuseqarlutik? (Mark 6:34; ApS 4:20; Rom 15:2)

Oqaluttuaq 36

1. Inuit assilissamiittut suppat, aamma sooq?

2. Sooq Jehova kamappa, Mosesillu inuit qanoq iliortut takugamigit nammineq qanoq iliorpa?

3. Mosesip angutit ilaat qanoq peqquai?

4. Oqaluttuaq tamanna qanoq ilinniutigisinnaavarput?

Saniatigut apeqqutit:

1. 2 Mosesi 32:1-35 atuakkit.

   1. Jehovap eqqunngitsumik upperisarsiornerup pallorfiginninnermut ilumoortumut akuliuussinermut qanoq isiginninnera oqaluttuap matuma qanoq ersersippaa? (2 Mos 32:4-6, 10; 1 Kor 10:7, 11)

   2. Kristumiut suna mianersorfigisariaqarpaat aliikkusersorniaraangamik soorlu erinarsornermi qitinnermilu? (2 Mos 32:18, 19; Ef 5:15, 16; 1 Joh 2:15-17)

   3. Naggueqatigiit Levikkut eqqortunut aalajangiussisimanerminnut qanoq maligassaalluarpat? (2 Mos 32:25-28; Tuss 18:26)

Oqaluttuaq 37

1. Illuliaq assilissamiittoq qanoq taaneqartarpa, sumullu atorneqartarpa?

2. Sooq Jehovap Mosesi oqarfigaa tupeq isateruminartunngorlugu sananeqassasoq?

3. Illerfik ineeqqami toqqup isuaniittoq sunaava, sunillu imaqarpa?

4. Jehovap kina palasiuninngortippaa, palasiunerullu suut suliassarai?

5. Atortut pingasut suut toqqup initaani annermiippat?

6. Atortut marluk suut Illernartuutip silarlianiippat, sumullu atorneqartarpat?

Saniatigut apeqqutit:

1. 2 Mosesi 25:8-40; 26:1-37; 27:1-8; aamma 28:1 atuakkit.

   Kerubit ‘angerutsip illerfianiittut’ sumut assersuutaappat? (2 Mos 25:20, 22; 4 Mos 7:89; 2 Kng 19:15)

2. 2 Mosesi 30:1-10, 17-21; 34:1, 2; aamma Hebræerit 9:1-5 atuakkit.

   1. Sooq Jehovap erseqqissaarpaa palasit tupermi kiffartortut timikkut minguitsuujuartariaqartut, tamannalu ullumikkut uagutsinnut qanoq sunniuteqartariaqarpa? (2 Mos 30:18-21; 40:30, 31; Hebr 10:22)

   2. Apustilip Paulusip Hebræerit kristumiut allaffigigamigit qanoq takutippaa Tupeq Naapeqatigiittarfik inatsisillu tunngavigalugit angeruseq taakkua allaffiginerata nalaani atortuujunnaareersimasut? (Hebr 9:1, 9; 10:1)

Oqaluttuaq 38

1. Viindruuarpassuit assilissamiittut suna immikkuullaarissutigaat, suminngaanneerpallu?

2. Sooq Mosesip alapernaarsuisut aqqaneq-marluk Kana’anip nunaanut aallartippai?

3. Alapernaarsuisut ilaat qulit uteramik Mosesimut qanoq oqarpat?

4. Alapernaarsuisut marluk Jehova tatigalugu qanoq takutippaat, qanorlu ateqarpat?

5. Sooq Jehova kamappa, Mosesilu qanoq oqarfigaa?

Saniatigut apeqqutit:

1. 4 Mosesi 13:1-33 atuakkit.

   1. Kikkut nunamut alapernaarsuisussatut toqqarneqarpat, sumillu periarfissaqarluarpat? (4 Mos 13:2, 3, 18-20)

   2. Sooq Josva Kalebilu pisumut allanit allaanerusumik isumaqarpat, tamannalu qanoq ilinniarfigisinnaavarput? (4 Mos 13:28-30; Matt 17:20; 2 Kor 5:7)

2. 4 Mosesi 14:1-38 atuakkit.

   1. Jehovap nunami oqaaseqartitaasa oqalorujuffigineqannginnissaannut mianersoqqussut suna ilinniarfigisinnaavarput? (4 Mos 14:2, 3, 27; Matt 25:40, 45; 1 Kor 10:10)

   2. Mosesimik allakkat sisamaat 14:24-mi qanoq ersersinneqarpa Jehovap kiffani inuttut ataasiakkaatut soqutigigai? (1 Kng 19:18; Uss 15:3)

Oqaluttuaq 39

1. Kikkut Mosesip Aronillu siulersuinerannut pikitsitsippat, Mosesimullu qanoq oqarpat?

2. Mosesip Kora taassumalu malittai 250-it qanoq peqquai?

3. Mosesip inuit qanoq oqarfigai, nipangermallu susoqarpa?

4. Kora malittaalu 250-it qanoq pippat?

5. Aronip ernerata Eleazarip angutit toqusut aamaasivii kanngussaasut qanoq pivai, aamma sooq?

6. Sooq Jehovap Aronip ajaappiaa sikkertippaa? (Assiliaq takuuk).

Saniatigut apeqqutit:

1. 4 Mosesi 16:1-17:14 atuakkit.

   1. Kora malittaalu qanoq iliorpat, taamaaliornerallu sooq Jehovamut pikitsitsinerua? (4 Mos 16:9, 10, 18; 3 Mos 10:1, 2; Uss 11:2)

   2. Kora ‘ilagiinnilu qullersaasut’ 250-it qanoq eqqunngitsumik isiginnittaaseqalersimappat? (4 Mos 16:1-3; Uss 15:33; Es 49:7)

2. 4 Mosesi 17:16-26 aamma 26:10 atuakkit.

   1. Aronip ajaappiaata sikkernera sumut takussutissaava, sunalu pillugu Jehova oqarpa angerutsip illerfianiissasoq? (4 Mos 17:20, 23, 25)

   2. Aronip ajaappiaanut pisoq pingaartoq sumut ilinniutigisinnaavarput? (4 Mos 17:25; ApS 20:28; Fil 2:14; Hebr 13:17)

Oqaluttuaq 40

1. Jehovap Israelikkut inoqajuitsumiitillugit qanoq isumassorpai?

2. Kadesjimi tammaartillutik Israelikkut suna maalaarutigaat?

3. Jehovap inuit taakkualu nersutaataat qanoq ililluni imissaqartippai?

4. Assilissami angut imminut tikkuartoq kinaava, aamma sooq taamaaliorpa?

5. Sooq Jehovap Mosesi Aronilu kamaappai, qanorlu pillarneqarpat?

6. Qaqqami Horimi qanoq pisoqarpa, kinalu Israelikkunnut palasiuninngorpa?

Saniatigut apeqqutit:

1. 4 Mosesi 20:1-13, 22-29 aamma 5 Mosesi 29:4 atuakkit.

   1. Jehovap inoqajuitsumi Israelikkunnik isumassuinera qanoq ilinniutigaarput? (5 Mos 29:4; Matt 6:31; Hebr 13:5; Jaak 1:17)

   2. Jehovap Israelikkunnut Mosesimit Aronimillu illernartinneqannginnini qanoq isumaqarfigaa? (4 Mos 20:12; 1 Kor 10:12; Saqq 4:11)

   3. Mosesip Jehovamit perorsarneqarnerminut qisuariarnera qanoq ilinniarfigisinnaavarput? (4 Mos 12:3; 20:12, 27, 28; 5 Mos 32:4; Hebr 12:7-11)

Oqaluttuaq 41

1. Assilissami qisummut napasumut nermussimasoq sunaava, sunalu pillugu Jehovap Mosesimut iverteqquaa?

2. Qanoq ilillutik Israelikkut takutippaat Jehovamit isumassorneqarnertik qujamasuutiginngikkitsik?

3. Jehovap pillaatitut pulateriaarsuit toqunartullit takkutsimmagit inuit Mosesi qanoq peqquaat?

4. Sooq Jehovap Mosesi kanngussammik pulateriaarsuusalioqquaa?

5. Oqaluttuaq tamanna qanoq ilinniarfigisinnaavarput?

Saniatigut apeqqutit:

1. 4 Mosesi 21:4-9 atuakkit.

   1. Israelikkut Jehovamit nerisassanik isumassorneqarnerminnik maalaarnerat ullumikkut uagutsinnut qanoq mianersoqqussutaava? (4 Mos 21:5, 6; Rom 2:4)

   2. Ukiut hundredellit arlallit tamatuma kingorna Israelikkut pulateriaarsuusaliaq kanngussak qanoq atorpaat, kunngillu Hizkijap qanoq pivaa? (4 Mos 21:9; 2 Kng 18:1-4)

2. Johannesi 3:14, 15 atuakkit.

   Sooq pulateriaarsuusaliaq kanngussak qisummut nermussaq Jiisusip qisummut kikiattugaaneranut assersuutaalluarpa? (Gal 3:13; 1 Petr 2:24)

Oqaluttuaq 42

1. Balaki kinaava, sunalu pillugu Bileami qaaqquaa?

2. Sooq Bileamip siutituujutaa aqqusinermi aquippa?

3. Bileamip siutitooq qanoq oqartoq tusaavaa?

4. Inngilip Bileami qanoq oqarfigaa?

5. Bileamip Israelikkut perloqquniaraluarmagit qanoq pisoqarpa?

Saniatigut apeqqutit:

1. 4 Mosesi 21:21-35 atuakkit.

   Sooq Israelikkut Amorikkut kunngiat Sihoni aamma Bashanip kunngia Ogi ajugaaffigaat? (4 Mos 21:21, 23, 33, 34)

2. 4 Mosesi 22:1-40 atuakkit.

   Sooq Bileamip Israelikkut perloqquniaraluarpai, tamannalu qanoq ilinniutigisinnaavarput? (4 Mos 22:16, 17; Uss 6:16, 18; 2 Petr 2:15; Jud 11)

3. 4 Mosesi 23:1-30 atuakkit.

   Naak Bileami Jehovamut pallorfiginnittutut oqalukkaluartoq, iliuusiisa qanoq takutippaat taamaanngitsoq? (4 Mos 23:3, 11-14; 1 Sam 15:22)

4. 4 Mosesi 24:1-25 atuakkit.

   Oqaluttuap tamatuma qanoq Guutip siunertaaminik naammassinnikkumaarneranik upperinninnerput nakussatsippaa? (4 Mos 24:10; Es 54:17)

Oqaluttuaq 43

1. Assilissami Mosesip nikorfaqatai angutit marluk kikkuuppat?

2. Jehovap Josva qanoq oqarfigaa?

3. Sooq Mosesi qaqqap Nebop qaanut majuarpa, Jehovallu qanoq oqarfigaa?

4. Mosesi toqugami qassinik ukioqarpa?

5. Sooq inuit aliasuppat, kisiannili aamma sooq nuannaarnissaminnut pissutissaqarpat?

Saniatigut apeqqutit:

1. 4 Mosesi 27:12-23 atuakkit.

   Josva Jehovamit sumik annertuumik suliassinneqarpa, qanorlu takusinnaavarput Jehovap ullumikkut innuttani isumagisarai? (4 Mos 27:15-19; ApS 20:28; Hebr 13:7)

2. 5 Mosesi 3:23-29 atuakkit.

   Sooq Jehovap nunamut neriorsuutigisamut Mosesip Aronillu isernissaat akuerinngilaa, tamannalu qanoq ilinniutigisinnaavarput? (5 Mos 3:25-27; 4 Mos 20:12, 13)

3. 5 Mosesi 31:1-8, 14-23 atuakkit.

   Mosesip Israelikkunnut oqaasiisa kingulliit qanoq takutippaat maniguulluni Jehovap perorsaanera akuerigaa? (5 Mos 31:6-8, 23)

4. 5 Mosesi 32:45-52 atuakkit.

   Jehovap oqaasii inuunitsinnut qanoq sunniuteqartariaqarpat? (5 Mos 32:47; 3 Mos 18:5; Hebr 4:12)

5. 5 Mosesi 34:1-12 atuakkit.

   Naak Mosesip Jehova takusimanngisaannaraluaraa, Mosesimik allakkat tallimaat 34:10-mi Jehovamut attaveqarnera qanoq erserpa? (2 Mos 33:11, 20; 4 Mos 12:8)

Oqaluttuaq 44

1. Rahabi sumi najugaqarpa?

2. Angutit marluk assilissamiittut kikkuuppat, aamma sooq Jerikomiippat?

3. Jerikop kunngiata Rahabi qanoq peqquaa, qanorlu akivaa?

4. Rahabip angutit marluk taakku qanoq ikiorpai, sumillu qinnuigai?

5. Alapernaarsuisut marluk taakku Rahabi sumik neriorsorpaat?

Saniatigut apeqqutit:

1. Josva 2:1-24 atuakkit.

   Israelikkut Jeriko saassummassuk Jehovap neriorsuutaa Mosesimik allakkat aappaannit 23:28-miittoq qanoq eqquutsinneqarpa? (Jos 2:9-11)

2. Hebræerit 11:31 atuaruk.

   Qanoq uppernerup pingaaruteqassusia Rahabimik oqaluttuap ersersippaa? (Rom 1:17; Hebr 10:39; Jaak 2:25)

Oqaluttuaq 45

1. Israelikkut Jordanip kuussuagut ikaarsinnaaqqullugit Jehova qanoq tupinnartuliorpa?

2. Qanoq Israelikkut uppernermik takutitsisariaqarpat Jordanip kuussua ikaarsinnaaqqullugu?

3. Sooq Jehovap Josva kuussuarmit ujaqqanik 12-inik katersueqquaa?

4. Palasit Jordanip kuussuanit qaqiniariartut qanoq pisoqarpa?

Saniatigut apeqqutit:

1. Josva 3:1-17 atuakkit.

   1. Oqaluttuami matumani takutinneqartutut, Jehovamit ikiorneqarlutalu pilluaqquneqassagutta suna pisariaqarpa? (Jos 3:13, 15; Uss 3:5; Jaak 2:22, 26)

   2. Israelikkut nunamut neriorsuutigisamut apuukkiartorlutik ikaarmata Jordanip kuussua qanoq piva, taamatullu pisoqarnerata Jehovap aqqa qanoq qutsissisippaa? (Jos 3:15; 4:18; Tuss 66:5-7)

2. Josva 4:1-18 atuakkit.

   Suna siunertaraat ujaqqat 12-it Jordanip kuussuaanit qaqitat Gilgalimullu ilineqartut? (Jos 4:4-7)

Oqaluttuaq 46

1. Jehovap sakkutuut palasillu ulluni arfinilinni qanoq ilioqquai?

2. Angutit Ullut arfineq-aappaanni qanoq iliussappat?

3. Assilissami Jerikop qarmarsui qanoq pineqalerpat?

4. Sooq allunaasaq aappallarissoq igalaamit nivingava?

5. Josvap sakkutuut illoqarfik taassumalu innuttai qanoq iliorfigeqquai, kisianni sølvit, kuultit, kanngussat savimernillu soqquai?

6. Alapernaarsuisut marluk qanoq ilioqquneqarpat?

Saniatigut apeqqutit:

1. Josva 6:1-25 atuakkit.

   1. Israelikkut ullut arfineq-aappaanni Jerikomik kaajallaanerat qanoq ulluni kingullerni makkunani Jehovap Nalunaajaasuisa oqaluussisarnerannut assersuutigineqarsinnaava? (Jos 6:15, 16; Es 60:22; Matt 24:14; 1 Kor 9:16)

   2. Josva 6:26-mi siulittuutigineqartoq qanoq ukiut 500-t missaasa kingorna eqquutitinneqarpa, Jehovallu oqaasii pillugit sumik paasitinneqarpugut? (1 Kng 16:34; Es 55:11)

Oqaluttuaq 47

1. Assilissami pigisanik akisuunik Jerikomeersunik angut nunamut assaassisoq kinaava, kikkullu ikiorpaat?

2. Sooq Akanip ilaqutaasalu iliornerat taama ajortigaa?

3. Josvap sooq Israelikkut Ajimi ajugaaffigineqarnersut apeqqutigimmagu Jehova qanoq akiva?

4. Akani ilaqutaalu Josvamut sassartinneqaramik qanoq pineqarpat?

5. Akanip pillarneqarnera qanoq ilinniutigisinnaavarput?

Saniatigut apeqqutit:

1. Josva 7:1-26 atuakkit.

   1. Josvap qinnutai Pinngortitsisiminut attaveqarneranik qanoq paasititsippat? (Jos 7:7-9; Tuss 119:145; 1 Joh 5:14)

   2. Akanimik pisimasoq qanoq takutitsiva, tamannalu qanoq uagutsinnut mianersoqqussutaava? (Jos 7:11, 14, 15; Uss 15:3; 1 Tim 5:24; Hebr 4:13)

2. Josva 8:1-29 atuakkit.

   Tamatta immikkut qanoq kristumiut ilagiissaannut ullumikkut akisussaaffeqarpugut? (Jos 7:13; 3 Mos 5:1; Uss 28:13)

Oqaluttuaq 48

1. Qanoq ililluni takuneqarsinnaava Gibeonimiut eqqaamiuminnit Kana’animiunit allaanerusut?

2. Assilissami Gibeonimiut suppat, aamma sooq?

3. Josvap Israelimilu siulersuisut Gibeonimiut sumik neriorsorpaat, ullulli pingasut qaangiummata suna paasivaat?

4. Kunngit illoqarfinnit allaneersut Gibeonimiut Israelikkut eqqisseqatigisimagaat tusarmassuk susoqarpa?

Saniatigut apeqqutit:

1. Josva 9:1-27 atuakkit.

   1. Naak Jehova Israelikkut ‘nunap inuinik tamanik nunguteqqusilluni’ peqqusigaluarluni Gibeonimiunut asattuussinermigut pissusimi ilaat suna erserpa? (Jos 9:22, 24; Matt 9:13; ApS 10:34, 35; 2 Pet 3:9)

   2. Josvap Gibeonimiunut neriorsuumminik eqquutitsinera ullumikkut kristumiunut qanoq maligassaalluarpa? (Jos 9:18, 19; Matt 5:37; Ef 4:25)

2. Josva 10:1-5 atuakkit.

   Ullumikkut Gibeonimiut amerlangaartunit qanoq ilaarneqarpat, taamaattumillu qanoq pineqartarpat? (Jos 10:4; Zak 8:23; Matt 25:35-40; Saqq 12:17)

Oqaluttuaq 49

1. (Assiliaq takuuk). Josva qanoq-una oqartoq, aamma sooq taamak oqarpa?

2. Jehovap Josva sakkutuuilu qanoq ikiorpai?

3. Josvap kunngit akeraasut qassit ajugaaffigai, qanorlu sivisussuseqarpa?

4. Sooq Josvap Kana’anip nunaa agguarpaa?

5. Josva qassinik ukioqarluni toqua, toqoreermallu Israelikkut qanoq pippat?

Saniatigut apeqqutit:

1. Josva 10:6-15 atuakkit.

   Jehovap Israelikkut pillugit seqinermik qaammammillu unitsitsinera nalunnginnatsigu, ullumikkut tamanna uatsinnut sumik tatiginnilertitsiva? (Jos 10:8, 10, 12, 13; Tuss 18:4; Uss 18:10)

2. Josva 12:7-24 atuakkit.

   Kiarpiamuna Kana’animiut kunngii 31-t ajugaaffigigai, sunalu pillugu tamanna ullumikkut uagutsinnut pingaaruteqarpa? (Jos 12:7; 24:11-13; 5 Mos 31:8; Luk 21:9, 25-28)

3. Josva 14:1-5 atuakkit.

   Nuna Israelikkut naggueqatigiivinut qanoq agguarneqarpa, taamatullu aaqqissuussisoqarnera qanoq paratiisissami pisoqarnissaanik ersersitsiva? (Jos 14:2; Es 65:21; Ez 47:21-23; 1 Kor 14:33)

4. Eqqartuussisut 2:8-13 atuakkit.

   Ullumikkut kikkut Josva assigalugu tunussinermut illersuisuuppat? (Eqq 2:8, 10, 11; Matt 24:45-47; 2 Th 2:3-6; Tit 1:7-9; Saqq 1:1; 2:1, 2)

Oqaluttuaq 50

1. Eqqartuussisut kikkuuppat, qanorlu ateqarpat?

2. Debora sumik immikkut pisinnaatitaaffilerneqarpa, sunalu suliassaraa?

3. Israelikkut kunngi Jabinimit taassumalu sakkutuut naalagaannit Siseramit sioorasaarneqarmata Deborap eqqartuussisoq Baraki Jehovamit nalunaarutiginneqqusissummit sumik tusarlerpaa, kinalu nersugassaanerarpaa?

4. Jaelip sapiitsuunini qanoq takutippaa?

5. Kunngi Jabinip toqunerata kingorna qanoq pisoqarpa?

Saniatigut apeqqutit:

1. Eqqartuussisut 2:14-22 atuakkit.

   Qanoq ilillutik Israelikkut Jehovap kamanneranit eqqorneqarpat, tamannalu qanoq ilinniarfigisinnaavarput? (Eqq 2:20; Uss 3:1, 2; Ez 18:21-23)

2. Eqqartuussisut 4:1-24 atuakkit.

   Ullumikkut kristumiut arnat Deborap Jaelillu uppernerat sapiissusiallu qanoq ilinniarfigisinnaavaat? (Eqq 4:4, 8, 9, 14, 21, 22; Uss 31:30; 1 Kor 16:13)

3. Eqqartuussisut 5:1-31 atuakkit.

   Barakip Deborallu ajugaanersiummik erinarsornerat qanoq Harmagedonimi sorsunnissami qinnutitut atorneqarsinnaava? (Eqq 5:3, 31; 1 Nal 16:8-10; Saqq 7:9, 10; 16:16; 19:19-21)

Oqaluttuaq 51

1. Sooq No’omi Moabikkut nunaanni najugaqalerpa?

2. Ruthi Orpalu kikkuuppat?

3. No’omip Ruthi Orpalu innuttaminnut uteqqummagit qanoq qisuariarpat?

4. Boazi kinaava, taassumalu Ruthi No’omilu qanoq ikiorpai?

5. Boazip Ruthillu ernertaavat qanoq ateqarpa, taannalu sooq eqqaamassavarput?

Saniatigut apeqqutit:

1. Ruthi 1:1-17 atuakkit.

   1. Ruthip ilumoorfiginnilluni tunniusimanini qanoq oqaatsimigut ersersippaa? (Ruth 1:16, 17)

   2. Ruthip isiginnittaasia ‘savanut allanut’ tanitanut ullumikkut nunamiittunut isiginnittaasiannut qanoq naleqqiunneqarsinnaava? (Joh 10:16; Zak 8:23)

2. Ruthi 2:1-23 atuakkit.

   Ullumikkut arnanut inuusuttunut Ruthi qanoq maligassaalluarpa? (Ruth 2:17, 18; Uss 23:22; 31:15)

3. Ruthi 3:5-13 atuakkit.

   1. Ruthip angummut inuusunnerusumut katinnani Boazi katikkumammagu Boazip tamanna qanoq isumaqarfigaa?

   2. Ruthip ilumoorfiginnilluni tunniusimanermut isiginnittaasia sumik ilinniarfigisinnaavarput? (Ruth 3:10; 1 Kor 13:4, 5)

4. Ruthi 4:7-17 atuakkit.

   Ullumikkut kristumiut angutit Boazi qanoq ilaarsinnaavaat? (Ruth 4:9, 10; 1 Tim 3:1, 12, 13; 5:8)

Oqaluttuaq 52

1. Israelikkut qanoq aamma sooq navianartorsiorpat?

2. Sooq Jehova oqarpa Gideonip sakkutuui amerlavallaartut?

3. Gideonip angutit annilaangasut uteqqoreermagit qassit sinneruppat?

4. Assiliamiittoq oqaluttuariuk Jehovap qanoq Gideonip sakkutuui 300-innanngortikkai?

5. Gideonip angutitani 300-t qanoq immikkoortiterpai, Israelikkullu sorsunnermi qanoq ilillutik ajugaappat?

Saniatigut apeqqutit:

1. Eqqartuussisut 6:36-40 atuakkit.

   1. Gideonip qanoq ililluni Jehovap piumasaanik ilisimanninnini qulakkeerpaa?

   2. Ullumikkut Jehovap piumasaa suunersoq qanoq paasiniarsinnaavarput? (Uss 2:3-6; Matt 7:7-11; 2 Tim 3:16, 17)

2. Eqqartuussisut 7:1-25 atuakkit.

   1. Angutit soqutigisaqanngitsut assiginagit angutit 300-t eqqumalluartut qanoq ilinniarfigisinnaavavut? (Eqq 7:3, 6; Rom 13:11, 12; Ef 5:15-17)

   2. Angutit 300-t Gideonip iliusaanik eqqumaffiginninnermikkut ilikkagaqartut assigalugit uagut qanoq ililluta Gideoni annerusoq, Jiisusi Kristusi, ilinniarfigisinnaavarput? (Eqq 7:17; Matt 11:29, 30; 28:19, 20; 1 Petr 2:21)

   3. Jehovap peqatigiissortaani sumilluunniit suliassinneqaraangatta Eqqartuussisut 7:21-mi allassimasoq naammaginninnissatsinnut qanoq iluaqutigaarput? (1 Kor 4:2; 12:14-18; Jaak 4:10)

3. Eqqartuussisut 8:1-3 atuakkit.

   Qatanngummik aaqqiagiinngissuteqarfigisaqarutta, Gideonip Efraimikkunnik saqitsaassiunnaarnera qanoq ilinniarfigisinnaavarput? (Uss 15:1; Matt 5:23, 24; Luk 9:48)

Oqaluttuaq 53

1. Jefta kinaava, piffissarlu qanoq ittoq inuuffigaa?

2. Jeftap Jehova sumik neriorsorpaa?

3. Ammonikkut ajugaaffigereerlugit angerlarami sooq Jefta aliasulerpa?

4. Jeftap paniata ataatami neriorsuutaa paasigamiuk qanoq oqarpa?

5. Sooq inuiaat Jeftap pania asavaat?

Saniatigut apeqqutit:

1. Eqqartuussisut 10:6-18 atuakkit.

   Israelikkut Jehovamut ilumuunnginnerat qanoq uagutsinnut mianersoqqussutaasinnaava? (Eqq 10:6, 15, 16; Rom 15:4; Saqq 2:10)

2. Eqqartuussisut 11:1-11, 29-40 atuakkit.

   1. Jeftap panimminik ‘ikikkagassatut pilliutiginnikkusunnera’ isumaqanngilaq innermi pilliutiginiaraa. Tamanna qanoq nalunngilarput? (Eqq 11:31; 3 Mos 16:24; 5 Mos 18:10, 12)

   2. Qanoq ilillunilusooq Jeftap panini ikikkagassatut pilliutigaa?

   3. Jeftap Jehovamut neriorsuutiminik naammassinninnissaminut isiginnittaasia qanoq ilinniarfigisinnaavarput? (Eqq 11:35, 39; Oqal 5:3, 4; Matt 16:24)

   4. Jeftap pania piffissaq tamaat kiffartornermut anguniagaqarnissamut atatillugu qanoq kristumiunut inuusuttunut maligassaalluarpa? (Eqq 11:36; Matt 6:33; Fil 3:8)

Oqaluttuaq 54

1. Angut inuusimasunit nukittunerpaaq qanoq ateqarpa, kiallu pissatsippaa?

2. Soorlu assilissami takusinnaasattut Samsonip løverujussuaq sunikuugaajuna?

3. Assilissami suna isertugaq Samsonip Dalilamut oqaluttuaraa, qanorlu Samsonip filisterinit tigusaaneranik kinguneqarpa?

4. Samsoni ullormi toquffimmini filisterit 3000-t toqunerannut qanoq ililluni pisuua?

Saniatigut apeqqutit:

1. Eqqartuussisut 13:1-14 atuakkit.

   Manoa nulialu angajoqqaat meeqqaminnik perorsaasinnaanerannut qanoq maligassaalluarpat? (Eqq 13:8; Tuss 127:3; Ef 6:4)

2. Eqqartuussisut 14:5-9 aamma 15:9-16 atuakkit.

   1. Samsonip løvemik toqutsinera, allunaasarsuarnik nutaanik qilersorneqarnikuulluni nammineq kittoraanera, siutituullu allerua atorlugu angutinik 1000-nik toqutsinera qanoq Guutip anersaavata sulineranut takutitsiva?

   2. Anersaap illernartup ullumikkut qanoq ikiortarpaatigut? (Eqq 14:6; 15:14; Zak 4:6; ApS 4:31)

3. Eqqartuussisut 16:18-31 atuakkit.

   Samsoni ikinngutipalaanit qanoq ajortumik sunnerneqarpa, tamannalu qanoq ilinniutigisinnaavarput? (Eqq 16:18, 19; 1 Kor 15:33)

Oqaluttuaq 55

1. Nukappiaraq assilissamiittoq qanoq ateqarpa, inuillu eqqaaniittut kikkuuppat?

2. Ullut ilaanni Hanna illernartuummiitilluni sumik qinnuteqarpa, Jehovallu qanoq akivaa?

3. Samueli Jehovap illuani kiffartortussanngorami qassinik ukioqarpa, ukiullu tamaasa anaanaata sumik nassaattarpaa?

4. Elip erneri qanoq ateqarpat, qanorlu pissuseqartuuppat?

5. Jehovap Samueli qanoq qaaqquaa, sumillu Jehovap oqaluttuuppaa?

6. Samueli inersimasunngorami sulerisarpa, utoqqalimmallu qanoq pisoqarpa?

Saniatigut apeqqutit:

1. 1 Samueli 1:1-28 atuakkit.

   1. Jehovamik pallorfiginninnermi siuttuunissaq eqqarsaatigalugu Elkana ilaqutariinni ittuusunut qanoq maligassaalluarpa? (1 Sam 1:3, 21; Matt 6:33; Fil 1:10)

   2. Hannap ajornartorsiungaarnerminik qaangiiniarnera qanoq ilinniarfigisinnaavarput? (1 Sam 1:10, 11; Tuss 55:23; Rom 12:12)

2. 1 Samueli 2:11-36 atuakkit.

   Qanoq ililluni Elip ernini Jehovamit ataqqineruai, tamannalu uagutsinnut qanoq mianersoqqussutaasinnaava? (1 Sam 2:22-24, 27, 29; 5 Mos 21:18-21; Matt 10:36, 37)

3. 1 Samueli 4:16-18 atuakkit.

   Eli sorsuffimmiit sunik sisamanik tusarlerneqarpa, qanorlu sunnertissutigai?

4. 1 Samueli 8:4-9 atuakkit.

   Qanoq ilillutik Israelikkut Jehova narrunarsarujussuarpaat, ullumikkullu qanoq Guutip naalagaaffia unneqqarilluta tapersersorsinnaavarput? (1 Sam 8:5, 7; Joh 17:16; Jaak 4:4)

Oqaluttuaq 56

1. Assilissami Samueli qanoq iliorpa, aamma sooq taamaaliorpa?

2. Sooq Jehovap Sauli iluaraa, Saulilu inuttut qanoq ittuua?

3. Saulip ernera qanoq ateqarpa, aamma sulerisarpa?

4. Sooq Sauli Samuelip pilliinissaa utaqqinagu nammineq pilliiva?

5. Sauli pillugu oqaluttuaq qanoq ilinniutigisinnaavarput?

Saniatigut apeqqutit:

1. 1 Samueli 9:15-21 aamma 10:17-27 atuakkit.

   Sauli angutinit nikanarsarneqarami anneruniajuinnerata qanoq ililluni isumaalliortumik iliuuseqarnissaanut pinngitsoortippaa? (1 Sam 9:21; 10:21, 22, 27; Uss 17:27)

2. 1 Samueli 13:5-14 atuakkit.

   Gilgalimi Sauli sumik ajortuliorpa? (1 Sam 10:8; 13:8, 9, 13)

3. 1 Samueli 15:1-35 atuakkit.

   1. Amalekikkut kunngiannut, Agagimut, Sauli qanoq ajortuliorujussuarpa? (1 Sam 15:2, 3, 8, 9, 22)

   2. Sauli qanoq imminut pinngitsuutinniaraluarpa allallu pisuutillugit? (1 Sam 15:24)

   3. Ullumikkut naqqinneqaraangatta mianersoqqussut suna ilinniarfigisarsinnaavarput? (1 Sam 15:19-21; Tuss 141:5; Uss 9:8, 9; 11:2)

Oqaluttuaq 57

1. Nukappiaraq assilissamiittoq qanoq ateqarpa, qanorlu nalunngilarput sapiitsuusoq?

2. Daavi sumi najugaqarpa, qanorlu ataataa aataavalu ateqarpat?

3. Sooq Jehovap Samueli Betlehemiliaqquaa Isajip illuanut?

4. Isajip ernermi ilaat arfineq-marluk Samuelimut sassartimmagit qanoq pisoqarpa?

5. Daavi sassartinneqarmat Jehovap Samueli qanoq oqarfigaa?

Saniatigut apeqqutit:

1. 1 Samueli 17:34, 35 atuakkit.

   Pisimasunit tamakkunannga qanoq ersersinneqarpa Daavi qunusuillunilu Jehovamut tatiginnittuusoq? (1 Sam 17:37)

2. 1 Samueli 16:1-14 atuakkit.

   1. Inuup isikkua pissutigalugu kinaassusersiortuunnginnissatsinnut siumullu isummiussereertannginnissatsinnut 1 Samueli 16:7-imi allassimasoq qanoq iluaqutigissavarput? (ApS 10:34, 35; 1 Tim 2:4)

   2. Saulimik pisimasumit qanoq ersersinneqarpa Jehovap anersaani inummit qimagutitikkaangagu anersaapilummik eqqunngitsuliorusussuseqarnermilluunniit taarserneqarsinnaasoq? (1 Sam 16:14; Matt 12:43-45; Gal 5:16)

Oqaluttuaq 58

1. Goliatip Israelikkut sakkutuui qanoq unammillerfigai?

2. Goliati qanoq angitigiva, kunngillu Saulip Goliatimik toqutsisoq sumik akilerumavaa?

3. Daavip Saulimit nukappiaraannaanerarneqarluni Goliatimut akiuuteqqunngimmani qanoq akivaa?

4. Daavip Jehovamut tatiginninnera Goliatimut akissutaani qanoq erserpa?

5. Assilissami takusinnaaviuk suna sakkugalugu Daavip Goliati toqukkaa? Kingornatigut filisterit qanoq pippat?

Saniatigut apeqqutit:

1. 1 Samueli 17:1-54 atuakkit.

   1. Daavip sapiissusia sumik isertugaateqarpa, qanorlu sapiissusia ilaarsinnaavarput? (1 Sam 17:37, 45; Ef 6:10, 11)

   2. Sooq kristumiut pinnguaatit aliikkutassiallu Goliatitut unammillerumassuseqalersitsisinnaasut ingalassimasariaqarpaat? (1 Sam 17:8; Gal 5:26; 1 Tim 4:8)

   3. Daavip oqaasimini qanoq ersersippaa Jehovamit ikiorneqarsinnaanini upperigini? (1 Sam 17:45-47; 2 Nal 20:15)

   4. Qanoq ililluni oqaluttuami erserpa sakkutuut marluk akiuunnerat kisimi pineqanngitsoq, guutipiluilli Guutillu ilumoortup, Jehovap, akiuunnerat pineqartoq? (1 Sam 17:43, 46, 47)

   5. Jehovamut tatiginninnermut atatillugu tanitat kinguleruttut Daavip maligassiaa qanoq ilaarpaat? (1 Sam 17:37; Jer 1:17-19; Saqq 12:17)

Oqaluttuaq 59

1. Sooq Saulip Daavi sinngagaa, Saulilli ernerata Jonatanip Daavi qanoq misigissuseqarfigaa?

2. Ullut ilaanni Daavip Sauli kukkilattariarsorfiginerani qanoq pisoqarpa?

3. Saulip panini Mikali Daavimut nulianngortinnagu qanoq ilioqquaa, Saulilu sooq taama oqarpa?

4. Assilissami takusinnaasatsitut ullut ilaanni Daavip Sauli kukkilattariarsorfiginerani, qanoq pingajussaanik pisoqarpa?

5. Mikalip qanoq Daavimut annaasseqataava, Daavilu ukiuni arfineq-marlunni susariaqarpa?

Saniatigut apeqqutit:

1. 1 Samueli 18:1-30 atuakkit.

   1. Jonatanip Daavillu ataavartumik asaqatigiinnerat qanoq ‘savat allat’ ‘savarpannguillu’ asaqatigiinnerannut maligassaalluarpa? (1 Sam 18:1; Joh 10:16; Luk 12:32; Zak 8:23)

   2. Naak ileqquusoq malillugu Jonatanip Sauli kunngitut kingoraartussaagaluaraa, 1 Samueli 18:4-mi allassimasup qanoq takutippaa kunnginngortussatut toqqarneqartumut naalatsigitilluinnarluni?

   3. Saulimut pisimasup qanoq takutippaa sinnganeq ingasattumik ajortuliornermik kinguneqarsinnaasoq, tamannalu sumut uagutsinnut mianersoqqussutaava? (1 Sam 18:7-9, 25; Jaak 3:14-16)

2. 1 Samueli 19:1-17 atuakkit.

   Jonatanip inuunini Saulimut saaffiginninnermini qanoq navianartorsiortippaa? (1 Sam 19:1, 4-6; Uss 16:14)

Oqaluttuaq 60

1. Assilissami arnaq Daavip naapikkiartugaa qanoq ateqarpa, qanorlu ittuua?

2. Nabali kinaava?

3. Sooq Daavip angutitami ilaat Nabalimut aallartippai imminut kiffartuusseqqullugu?

4. Nabalip Daavip angutitai qanoq oqarfigai, Daavillu tamanna qanoq isumaqarfigaa?

5. Abigajilip silatuujunini qanoq ililluni takutippaa?

Saniatigut apeqqutit:

1. 1 Samueli 22:1-4 atuakkit.

   Kristumiutut qatanngutigiittut tapersersoqatigiittarnissatsinnut Daavip ilaqutai qanoq maligassaalluarpat? (Uss 17:17; 1 Th 5:14)

2. 1 Samueli 25:1-43 atuakkit.

   1. Nabali sooq nikaginnippaluttumik oqaatiginiarneqarpa? (1 Sam 25:2-5, 10, 14, 21, 25)

   2. Ullumikkut kristumiut arnat Abigajili qanoq ilinniarfigisinnaavaat? (1 Sam 25:32, 33; Uss 31:26; Ef 5:24)

   3. Qanoq ililluni Abigajilip Daavip marloriarluni ajortuliornissaraluanik pinngitsoortippaa? (1 Sam 25:31, 33; Rom 12:19; Ef 4:26)

   4. Abigajilip oqaasiinut Daavip qisuariarnera, ullumikkut angutit arnanut qanoq Jehova assigalugu isiginnittaaseqarnissaannik ikiorsinnaavaat? (ApS 21:8, 9; Rom 2:11; 1 Petr 3:7)

Oqaluttuaq 61

1. Daavi Abishajilu tammaarfimmi Sauli sinitsillugu qanoq iliorpat?

2. Daavip Sauli qanoq aperaa?

3. Daavi Saulimeereerluni sumukarpa?

4. Daavip suna aliatsaatigaa, nuannersumillu taalliornermik kinguneqartitsisumik?

5. Daavi Hebronimi kunnginngorami qassinik ukioqarpa, ernerisalu ilaat qanoq ateqarpat?

6. Kingusinnerusukkut Daavi suminngaanniit naalakkersuiva?

Saniatigut apeqqutit:

1. 1 Samueli 26:1-25 atuakkit.

   1. Daavip oqaasii 1 Samueli 26:11-miittut Guutip naalakkersuineranut qanoq isiginnittaasianik takutitsippat? (Tuss 37:7; Rom 13:2)

   2. Ilungersorluta ilumoorfiginnilluta tunniusimanerput ajunngitsumik ilassineqanngikkaangat, Daavip oqaasii 1 Samueli 26:23-miittut qanoq eqqortumik isiginnittaaseqartuarnissatsinnik iluaqutigisinnaavavut? (1 Kng 8:32; Tuss 18:21)

2. 2 Samueli 1:26 atuaruk.

   Ullumikkut kristumiut Daavi Jonatanilu assigalugit ‘asaqatigiinneq’ qanoq ineriartortissinnaavaat? (1 Petr 4:8; Kol 3:14; 1 Joh 4:12)

3. 2 Samueli 5:1-10 atuakkit.

   1. Ukiut qassit Daavi kunngitut naalakkersuiva, ukiullu taakku qanoq immikkoortiterneqarsimappat? (2 Sam 5:4, 5)

   2. Daavip pingaartorsuunera sumik peqquteqarpa, ullumikkullu tamatuma sumik eqqaasittariaqarpaatigut? (2 Sam 5:10; 1 Sam 16:13; 1 Kor 1:31; Fil 4:13)

Oqaluttuaq 62

1. Jehova ikiortigalugu kiisami Kana’anikkut nunaanni qanoq pisoqarpa?

2. Unnuit ilaanni Daavi illussaarsuami qaliata qaavaniitilluni qanoq pisoqarpa?

3. Sooq Jehovap Daavi kamaatingaalerpaa?

4. Assilissami takusinnaasatsitut kina Jehovap Daavip ajortuliorsimaneranik oqarfigiartortippaa, taassumalu Daavi qanoq pissanerarpaa?

5. Daavi sunik ajornartorsiuteqalerpa?

6. Daavip kingorna Israelimi kina kunnginngorpa?

Saniatigut apeqqutit:

1. 2 Samueli 11:1-27 atuakkit.

   1. Jehovamut kiffartornermi ulapputeqarneq qanoq illersuutigisinnaavarput?

   2. Daavi qanoq ililluni ussernartorsiulerpa, tamannalu qanoq ullumikkut Jehovap kiffaanut mianersoqqussutaasinnaava? (2 Sam 11:2; Matt 5:27-29; 1 Kor 10:12; Jaak 1:14, 15)

2. 2 Samueli 12:1-18 atuakkit.

   1. Natanip Daavi ilitsersorniarlugu saaffiginninnera utoqqaanertat angajoqqaallu qanoq ilinniarfigisinnaavaat? (2 Sam 12:1-4; Uss 12:18; Matt 13:34)

   2. Sooq Jehova Daavimut naakkittarpa? (2 Sam 12:13; Tuss 32:5; 2 Kor 7:9, 10)

Oqaluttuaq 63

1. Jehovap Salomo qanoq aperaa, Salomolu qanoq akiva?

2. Salomonip qinnutaa nuannaarutigalugu Jehovap Salomo sumik tuniumallugu neriorsorpaa?

3. Arnat marluk sumik annertuumik ajornartorsiuteqarlutik Salomo ornippaat?

4. Soorlu assilissami takusinnaagit Salomop ajornartorsiut qanoq aaqqippaa?

5. Salomo kunngiutillugu inuit qanoq atugaqarpat, aamma sooq?

Saniatigut apeqqutit:

1. 1 Kunngit 3:3-28 atuakkit.

   1. Ullumikkut angutit Guutip peqatigiissortaani akisussaaffilerneqartut Salomop peqqusersuitsumik 1 Kunngit 3:7-imi oqaasii qanoq ilinniarfigisinnaavaat? (Tuss 119:105; Uss 3:5, 6)

   2. Salomop qinnutaa qanoq naleqquttumik qinunissamut maligassaalluarpa? (1 Kng 3:9, 11; Uss 30:8, 9; 1 Joh 5:14)

   3. Salomop arnat marluk isumaqatigiinngissutaannut aaqqiinerata sumik Salomop annerusup, Jiisusi Kristusip, siunissami kunngitut naalakkersuinissaanut qularunnaarsippaatigut? (1 Kng 3:28; Es 9:5, 6; 11:2-4)

2. 1 Kunngit 5:9-14 atuakkit.

   1. Jehovap uummammik naalattumik Salomop qinnutaa qanoq akivaa? (1 Kng 5:9)

   2. Inuit Salomop ilisimassusia tusarumallugu ilungersornerat eqqarsaatigigaanni, Guutip oqaasianik atuaqqissaartarnissamik qanoq isigilersitsiva? (1 Kng 5:9, 14; Joh 17:3; 2 Tim 3:16)

Oqaluttuaq 64

1. Qanoq sivisutigisumik Salomo naalaffiliortitsiva, aamma sooq taama akisutigaa?

2. Naalaffimmi init qassiuppat, inimilu ilorlermi suna inissinneqarpa?

3. Naalaffik naammassimmat Salomo qinnummini qanoq oqarpa?

4. Jehovap qanoq takutippaa Salomop qinnutaa iluarigini?

5. Salomop nuliaasa qanoq iliortippaat, Salomolu qanoq piva?

6. Sooq Jehovap Salomo kamaappaa, Jehovallu qanoq oqarfigaa?

Saniatigut apeqqutit:

1. 1 Nalunaarsuutit 28:9, 10 atuakkit.

   Daavip oqaasii 1 Nalunaarsuutit 28:9, 10-miittut eqqarsaatigalugit ulluinnarni inuunitsinni suna noqqaassutigiuartariaqarparput? (Tuss 19:15; Fil 4:8, 9)

2. 2 Nalunaarsuutit 6:12-21, 32-42 atuakkit.

   1. Salomop qanoq takutippaa Guutip qutsinnerussaartup illut inunnit sananeqartut suulluunniit najugaqarfigisinnaanngikkai? (2 Nal 6:18; ApS 17:24, 25)

   2. Salomop oqaasii 2 Nalunaarsuutit 6:32, 33-miittut Jehova pillugu sumik paasisitsippat? (ApS 10:34, 35; Gal 2:6)

3. 2 Nalunaarsuutit 7:1-5 atuakkit.

   Soorlu Israelikkut Jehovap naalannassusia misigigamikku unnersiutiginnikkusulissutigigaat, ullumikkut Jehovap innuttaminik pilluaqqusinera misigigaangatsigu qanoq sunnerneqaatigisariaqarparput? (2 Nal 7:3; Tuss 22:23; 34:2; 96:2)

4. 1 Kunngit 11:9-13 atuakkit.

   Salomop inuunermini ingerlasimanerata naggatissaq tikivillugu aalajaattuarnerup pingaaruteqarnera qanoq ililluni erseqqissarpaa? (1 Kng 11:4, 9; Matt 10:22; Saqq 2:10)

Oqaluttuaq 65

1. Angutit marluk assilissamiittut qanoq ateqarpat, kikkuuppallu?

2. Akijap qallersaatiini qanoq pivaa, tamannalu qanoq isumaqarpa?

3. Salomop Jeroboami suniaraluarpaa?

4. Sooq inuit Jeroboami naggueqatigiinnut qulinut kunnginngortippaat?

5. Sooq Jeroboami marlunnik guultiusunik norraasaliorpa, tamatumalu kinguninngua nunami tassani qanoq pisoqarpa?

6. Naggueqatigiit marluk naalagaaffiat Jehovallu naalaffia Jerusalemimiittoq qanoq pippat?

Saniatigut apeqqutit:

1. 1 Kunngit 11:26-43 atuakkit.

   Jeroboami inuttut qanoq ittuua, Jehovallu inatsisiminut naalattuassappat qanoq neriorsorpaa? (1 Kng 11:28, 38)

2. 1 Kunngit 12:1-33 atuakkit.

   1. Rehabeamip pissaanermik atornerluinermigut maligassiuinerlunnera angajoqqaat utoqqaanertallu qanoq ilinniutigisinnaavaat? (1 Kng 12:13; Oqal 7:7; 1 Petr 5:2, 3)

   2. Inuusuttut inuunerminni pingaartunik aalajangigassaqartillutik tatigisaminnik ilitsersorneqarniaraangamik kikkunnut saaffiginnissinnaappat? (1 Kng 12:6, 7; Uss 1:8, 9; 2 Tim 3:16, 17; Hebr 13:7)

   3. Sooq Jeroboamip norraasalianik pallorfiginniffissat sumiiffinni marlunni pilersippai, tamannalu qanoq uppissuseqannginneranik takussutissaava? (1 Kng 11:37; 12:26-28)

   4. Naggueqatigiissortat quliusut naalagaaffianni pallorfiginninnermut ilumoortumut pikitsitsinermi kina siulersuisuua? (1 Kng 12:32, 33)

Oqaluttuaq 66

1. Jezabeli kinaava?

2. Sooq Akabi ullut ilaanni nuannaanngeqaa?

3. Jezabeli uimi, Akabip, Nabotip naatsiivia viinnequteqarfik piniassammagu qanoq iliorpa?

4. Jehovap kina Jezabelimut pillaajartortippaa?

5. Jehu Jezabelip illussaarsuanut tikiummat assilissami takusinnaasatsitut qanoq pisoqarpa?

Saniatigut apeqqutit:

1. 1 Kunngit 16:29-33 aamma 18:3, 4 atuakkit.

   Israelimi Akabip naalakkersuinerata nalaani pissutsit qanoq ajortigippat? (1 Kng 14:9)

2. 1 Kunngit 21:1-16 atuakkit.

   1. Nabotip qanoq ililluni takutippaa sapiilluni Jehovamullu ilumoorfiginnittuulluni? (1 Kng 21:1-3; 3 Mos 25:23-28)

   2. Akabi pillugu pisimasup pakatsisinneqarnerit ajugaaffiginissaanut qanoq ilinniartippaatigut? (1 Kng 21:4; Rom 5:3-5)

3. 2 Kunngit 9:30-37 atuakkit.

   Jehovap peqqusaanik Jehup ilungersorluni naammassinninniartarnera qanoq ilinniarfigisinnaavarput? (2 Kng 9:4-10; 2 Kor 9:1, 2; 2 Tim 4:2)

Oqaluttuaq 67

1. Joshafati kinaava, piffissamilu sumi inuua?

2. Sooq Israelikkut annilaangappat, amerlasuullu qanoq iliorpat?

3. Joshafatip qinnutaa Jehovap qanoq akivaa?

4. Israelikkut akeqqanut qanilliartortillugit Jehovap akeqqat qanoq pitippai?

5. Joshafati qanoq ilinniarfigisinnaavarput?

Saniatigut apeqqutit:

1. 2 Nalunaarsuutit 20:1-30 atuakkit.

   1. Piffissani artornartuni Joshafati Guutip kiffaanut aalajaatsunut qanoq maligassaava? (2 Nal 20:12; Tuss 25:15; 62:2)

   2. Jehova innuttaminut attaveqartuaannarsimanera eqqarsaatigalugu, ullutsinni qanoq innuttaminut attaveqarpa? (2 Nal 20:14, 15; Matt 24:45-47; Joh 15:15)

   3. Jehovap ‘Guutip Ajugaqanngitsup ullussarsuani sorsunnissaq’ aallartippagu, qanoq ililluta Joshafatip misigisaanut assingusumik misigisaqarumaarpugut? (2 Nal 20:15, 17; 32:8; Saqq 16:14, 16)

   4. Ullumikkut piffissaq tamaat kiffartortut ajoqersuiartortitallu qanoq silarsuaq tamakkerlugu oqaluussinermut tapersiisarpat, taamaalillutillu Levikkut qanoq ilaarpaat? (2 Nal 20:19, 21; Rom 10:13-15; 2 Tim 4:2)

Oqaluttuaq 68

1. Assilissami inuit pingasut kikkuuppat, nukappiararlu qanoq piva?

2. Nukappiaraq pillugu Elia qanoq qinnuteqarpa, qanorlu pisoqarpa?

3. Eliap ikiortaa qanoq ateqarpa?

4. Sooq arnap Shunemimiup Elisa aatippaa?

5. Elisa qanoq iliorpa, nukappiararlu toqungasoq qanoq piva?

6. Jehova qanoq pissaaneqartigaa, soorlu Eliamut Elisamullu atatillugu takuneqarsinnaasoq?

Saniatigut apeqqutit:

1. 1 Kunngit 17:8-24 atuakkit.

   1. Eliap uppernera naalanneralu qanoq misilinneqarpat? (1 Kng 17:9; 19:1-4, 10)

   2. Qanoq ililluni takuneqarsinnaava uillarneq Sareptamiu maluginiarnartumik uppissuseqartoq? (1 Kng 17:12-16; Luk 4:25, 26)

   3. Uillarnermik Sareptamiumik oqaluttuap qanoq uppernarsarpaa Jiisusip oqaasii Matthæusi 10:41, 42-miittut ilumoortuusut? (1 Kng 17:10-12, 17, 23, 24)

2. 2 Kunngit 4:8-37 atuakkit.

   1. Inoroorsaarneq pillugu arnamik Shunemimiumik oqaluttuaq qanoq ilinniarfigaarput? (2 Kng 4:8; Luk 6:38; Rom 12:13; 1 Joh 3:17)

   2. Ullumikkut Guutip kiffaanut qanoq inussiarnisaarsinnaavugut? (ApS 20:35; 28:1, 2; Gal 6:9, 10; Hebr 6:10)

Oqaluttuaq 69

1. Assilissami niviarsiaqqap arnaq sumik oqaluttuuppaa?

2. Arnaq assilissamiittoq kinaava, niviarsiararlu arnap angerlarsimaffiani suleriva?

3. Elisap kiffani Na’amanimut qanoq oqariartoqquaa, aamma sooq Na’amani kamalerpa?

4. Na’amanip kiffami ilaat naalakkamiuk qanoq pisoqarpa?

5. Sooq Elisap Na’amanip tunissutaa piumanngilaa, Gehazilu qanoq iliorpa?

6. Gehazi qanoq piva, tamannalu qanoq ilinniutigisinnaavarput?

Saniatigut apeqqutit:

1. 2 Kunngit 5:1-27 atuakkit.

   1. Niviarsiaraq Israelikkuusoq qanoq ullumikkut inuusuttunut maligassaalluarsinnaava? (2 Kng 5:3; Tuss 8:3; 148:12, 13)

   2. Sooq Biibili tunngavigalugu ilitersorneqarnermi Na’amanip maligassiaa eqqarsaatigissallugu iluaqutaassava? (2 Kng 5:15; Hebr 12:5, 6; Jaak 4:6)

   3. Gehazip maligassiaanut akerlianik Elisap maligassiaa qanoq ilinniarfigisinnaavarput? (2 Kng 5:9, 10, 14-16, 20; Matt 10:8; ApS 5:1-5; 2 Kor 2:17)

Oqaluttuaq 70

1. Jona kinaava, Jehovallu taanna qanoq peqquaa?

2. Jona Jehovap orneqqusaanukarnani sumukarpa?

3. Jonap anorersuarunnaarniassammat umiartortut qanoq oqarfigai?

4. Assilissami takusinnaasattut Jona kivimmat qanoq pisoqarpa?

5. Qanoq sivisutigisumik Jona aalisagarsuup aqajaruaniippa, tassaniitsillunilu sua?

6. Aalisagarsuarmit aniguigami Jona sumukarpa, taamaattumillu uagut qanoq iliortariaqarpugut?

Saniatigut apeqqutit:

1. Jona 1:1-2:1 atuakkit.

   Jonap Ninevemiunut oqaluussiartornissani qanoq isigaa? (Jon 1:2, 3; Uss 3:7; Oqal 8:12)

2. Jona 2:2, 3, 11 atuakkit.

   Sooq Jonap misigisaata tatiginnilersippaatigut Jehovap qinnutivut akiumaarai? (Tuss 22:25; 34:7; 1 Joh 5:14)

3. Jona 3:1-10 atuakkit.

   1. Naak suliassaminut siullermut Jona naammassinninngikkaluartoq Jehovap kiffariumajuarmagu sooq tamanna qiimmaallannarpa? (Tuss 103:14; 1 Petr 5:10)

   2. Oqaluussiffigisatta siumut eqqartuutereernissaannut tunngatillugu Jona Ninevemiullu pillugit oqaluttuaq qanoq ilinniarfigisinnaavarput? (Jon 3:6-9; Oqal 11:6; ApS 13:48)

Oqaluttuaq 71

1. Esaja kinaava, qanga inuua, Jehovallu qanoq oqarfigaa?

2. Oqaaseq “paratiisi” qanoq isumaqarpa, asserlu qimerloortillugu suna eqqarsaatigaajuk?

3. Jehovap Esaja paratiisissaq pillugu qanoq allaqquaa?

4. Sooq Adamip Evallu angerlarsimaffitsik nuannersoq annaavaat?

5. Jehovap imminut asannittut sumik neriorsorpai?

Saniatigut apeqqutit:

1. Esaja 11:6-9 atuakkit.

   1. Silarsuassami nutaami inuit uumasullu eqqisseqatigiikkumaarnerat Guutip oqaasiani qanoq oqaluttuarineqarpa? (Tuss 148:10, 13; Es 65:25; Ez 34:25)

   2. Esajap oqaasii ullumikkut Jehovap innuttaasa akornanni qanoq anersaakkut piviusunngortinneqarpat? (Rom 12:2; Ef 4:23, 24)

   3. Ullumikkut silarsuassamilu nutaami inuit inuttut pissutsiminnik allanngortitsisinnaanerat kiap ataqqinaatissaraa? (Es 48:17, 18; Gal 5:22, 23; Fil 4:7)

2. Saqqummersitat 21:3, 4 atuakkit.

   1. Biibilimi eqqartorneqaraangat Guuti inunni ineqarfeqalissasoq, qanoq nalunngissinnaavarput nunami najuunnissaa assersuutaannaasoq? (3 Mos 26:11, 12; 2 Nal 6:18; Es 66:1; Saqq 21:2, 3, 22-24)

   2. Qulliit anniaatillu suut Jehovap piissavai? (Luk 8:49-52; Rom 8:21, 22; Saqq 21:4)

Oqaluttuaq 72

1. Angut assilissamiittoq kinaava, qanorlu ajornartorsiulerpa?

2. Allakkat suut Hizkijap Guutip saanut ilivai, Guutilu sumik qinnuigaa?

3. Hizkija kunngitut qanoq ippa, pruffiitilu Esaja aqqutigalugu Jehovap taanna sumik tusarlerpaa?

4. Jehovap inngiliata Assyriamiut qanoq iliorfigai, soorlu assilissami takutinneqartoq?

5. Hizkijap toqunerata kingorna qanoq pisoqarpa, naak naggueqatigiit marluk naalagaaffianni eqqisseqatigiinneqarsimagaluartoq?

Saniatigut apeqqutit:

1. 2 Kunngit 18:1-36 atuakkit.

   1. Assyriamiut oqaaseqartitaata Rabsjakep Israelikkut uppernerannik qanoq sanngiillisinniaraluarpai? (2 Kng 18:19, 21; 2 Mos 5:2; Tuss 64:4)

   2. Hizkijap akerlilersuisunut isiginnittaasia qanoq Jehovap Nalunaajaasuinut maligassaalluarpa? (2 Kng 18:36; Tuss 39:2; Uss 26:4; 2 Tim 2:24)

2. 2 Kunngit 19:1-37 atuakkit.

   1. Ullumikkut Jehovap innuttaasa piffissani artornartuni qanoq Hizkija ilaartarpaat? (2 Kng 19:1, 2; Uss 3:5, 6; Hebr 10:24, 25; Jaak 5:14, 15)

   2. Kunngi Sankeribi qanoq ililluni pingasoriarluni ajorsartinneqarpa, siulittuutaasumillu kimut assersuutaava? (2 Kng 19:32, 35, 37; Saqq 20:2, 3)

3. 2 Kunngit 21:1-6, 16 atuakkit.

   Sooq oqartoqarsinnaava Manasse kunnginit Jerusalemimi naalakkersuisimasunit tamanit ajornerpaasoq? (2 Nal 33:4-6, 9)

Oqaluttuaq 73

1. Josija kunnginngorami qassinik ukioqarpa, ukiunilu arfineq-marlunni kunngioreerluni qanoq iliulerpa?

2. Assilissami siullermi Josija qanoq iliorpa?

3. Angutit naalaffik iluarsaammassuk palasiunerup suna nanivaa?

4. Sooq Josijap atisani alittorpai?

5. Pruffiiti arnaq Hulda aqqutigalugu Jehovap Josija sumik tusarlerpaa?

Saniatigut apeqqutit:

1. 2 Nalunaarsuutit 34:1-28 atuakkit.

   1. Sooq meeraanerminni artornartunik atugaqarsimasunut Josija maligassaalluarsinnaava? (2 Nal 33:21-25; 34:1, 2; Tuss 27:10)

   2. Ukiut naalakkersuiffimmi arfineq-pingajussaanni, aqqaneq-aappassaanni aamma 18-issaanni Josija pallorfiginninneq ilumoortoq siuarsarniarlugu qanoq pingaartunik iliuuseqarpa? (2 Nal 34:3, 8)

   3. Kunngi Josija palasiunerlu Hilkija pallorfiginnittarfitta paarilluarnissaannut qanoq ilinniarfigaavut? (2 Nal 34:9-13; Uss 11:14; 1 Kor 10:31)

Oqaluttuaq 74

1. Angut inuusuttoq assilissamiittoq kinaava?

2. Jeremiap pruffiitinngornissani qanoq isumaqarfigaa, Jehovallu qanoq neriorsorpaa?

3. Jeremiap inuit sumik oqaluttuuttuarpai?

4. Sooq palasit Jeremia oqaluusiunnaaqqugaluarpaat, qununnginninili qanoq ililluni takutippaa?

5. Israelikkut inuunerlukkunnaanngimmata qanoq pineqarpat?

Saniatigut apeqqutit:

1. Jeremia 1:1-8 atuakkit.

   1. Inuup Jehovamut kiffaanissamut suna piukkunnassutigilersarpa, soorlu Jeremiap maligassiaani ersersinneqartoq? (2 Kor 3:5, 6)

   2. Sooq Jeremiap ullumikkut kristumiunut inuusuttunut maligassiaa kajumissaataava? (Oqal 12:1; 1 Tim 4:12)

2. Jeremia 10:1-5 atuakkit.

   Assersuut kimittooq suna atorlugu Jeremiap takutippaa guutipilunnut tatiginninneq qanoq siunertaqanngitsigisoq? (Jer 10:5; Es 46:7; Hab 2:19)

3. Jeremia 26:1-16 atuakkit.

   1. Ullumikkut tanitat kinguleruttut mianersoqqussummik tusarliussinermikkut qanoq ilillutik Jehovap Jeremiamut oqaasii, ‘sumilluunniit minitaqaqqunagu’, maleruarsimavaat? (Jer 26:2; 5 Mos 4:2; ApS 20:27)

   2. Jehovap mianersoqqussutaanik inuiaqatigiinnut tusarliussinermi Jeremia qanoq ililluni ullumikkut Jehovap Nalunaajaasuinut maligassaalluarpa? (Jer 26:8, 12, 14, 15; 2 Tim 4:1-5)

4. 2 Kunngit 24:1-17 atuakkit.

   Inuit Jehovamut ilumuunnginnerat Judakkut naalagaaffiannut alianartunik qanoq kinguneqarpa? (2 Kng 24:2-4, 14)

Oqaluttuaq 75

1. Nukappissat sisamat assilissamiittut kikkuuppat, aamma sooq Babylonimiippat?

2. Nebukadnesarip nukappissat sisamat taakku qanoq pilersaaruteqarfigai, kiffanilu qanoq peqquai?

3. Danieli nammineq ikinngutimilu pingasut nerisassaminnik imigassaminnillu sunik qinnuteqarpa?

4. Ulluni qulini naatitaannarnik nerereerlutik Danieli ikinngutaalu pingasut inuusuttunut angutinut allanut naleqqiullutik qanoq ippat?

5. Qanoq ilillutik Danieli ikinngutaalu pingasut kunngip illussaarsuani najugaqalerpat, qanorlu ilillutik kunngip palasiinit ilisimasunillu pitsaaneruppat?

Saniatigut apeqqutit:

1. Danieli 1:1-21 atuakkit.

   1. Usserneqarnerit sanngiissutsillu ajugaaffiginiarlugit qanoq iliortariaqarpugut? (Dan 1:8; 1 Mos 39:7, 10; Gal 6:9)

   2. Ullumikkut inuusuttut qanoq ilillutik allat ‘pitsaasutut’ isigisaannut usserneqarlutik nakkaannarsinnaappat? (Dan 1:8; Uss 20:1; 2 Kor 6:17–7:1)

   3. Silarsuarmi ilisimassusermik eqqortumik isumaqarfiginninnissatsinnut tunngatillugu Biibilimi oqaluttuaq hebræerit inuusuttut sisamat pillugit qanoq ilinniarfigisinnaavugut? (Dan 1:20; Es 54:13; 1 Kor 3:18-20)

Oqaluttuaq 76

1. Soorlu assilissami takusinnaagipput Jerusalemi tassanilu najugallit Israelikkut qanoq pippat?

2. Ezekieli kinaava, maajunnartunillu sunik Jehovap takorruuisippaa?

3. Jehovap Israelikkut imminut ataqqinninnginnerat pillugu qanoq pisoqassanerarpaa?

4. Nebukadnesari Israelikkut imminut pikitsitsereermata qanoq iliorpa?

5. Sooq Jehovap Israelikkut piuneerunneqarnissaat akueraa?

6. Sooq Israeli inuerulluinnarpa, qanorlu sivisutigisumik nuna taanna inoqanngila?

Saniatigut apeqqutit:

1. 2 Kunngit 25:1-26 atuakkit.

   1. Sidkija kinaava, qanoq piva, qanorlu siulittuut taamaalilluni piviusunngortinneqarpa? (2 Kng 25:5-7; Ez 12:13-15)

   2. Israelikkut ilumuunngitsuliornerannut Jehovap kikkut akisussaatippai? (2 Kng 25:9, 11, 12, 18, 19; 2 Nal 36:14, 17)

2. Ezekieli 8:1-18 atuakkit.

   Israelikkut ilumuunngitsut seqinermik pallorfiginnittut kristumiuuneraqatigiit qanoq ilaarsimavaat? (Ez 8:16; Es 5:20, 21; Joh 3:19-21; 2 Tim 4:3)

Oqaluttuaq 77

1. Nebukadnesarip, Babylonimiut kunngiata, inuit qanoq oqarfigai?

2. Sooq Danielip ikinngutai pingasut inuusaliarujussuarmut kuultiusumut pallorfiginnikkumanngillat?

3. Hebræerit pingasut qanoq ilillutik takutippaat Jehova tatigigitsik, Nebukadnesarip imminut pallorfiginninnissamut periarfisseqqimmatik?

4. Nebukadnesarip Shadraki, Meshaki Abed-Negolu sakkutuuminut qanoq peqquai?

5. Kunngi aatsitsivimmut qiviarami suna takuaa?

6. Sooq kunngip Shadrakip, Meshakip Abed-Negollu Guutiat unnersiutigaa, taakkulu qanoq uagutsinnut maligassaalluarpat?

Saniatigut apeqqutit:

1. Danieli 3:1-30 atuakkit.

   1. Guutimut kiffatut assuarnaassuserput misilinneqaraangat sooq hebræerit pingasut pissusaasa ilaarnissaat pingaaruteqarpa? (Dan 3:17, 18; Matt 10:28; Rom 14:7, 8)

   2. Jehova Guutip Nebukadnesari qanoq pingaarutilimmik ajoqersuuppaa? (Dan 3:28, 29; 4:31, 32)

Oqaluttuaq 78

1. Babylonimiut kunngiat imertarfiit qummuattallu Jehovap naalaffianit Jerusalemimiittumit tigusimasat atorlugit nalliuttorsiornersuaqartitsimmat qanoq pisoqarpa?

2. Kunngi Belshassarip ilisimasortani qanoq oqarfigai, sunalu saperpaat?

3. Kunngip anaanaata kina qaaqqoqquaa?

4. Danielip Guutip assammik iikkami allatsitsinera sumik pissuteqarnerarpaa?

5. Danielip iikkami allannerit qanoq isumaqarnerarpai?

6. Danieli oqalutsillugu qanoq pisoqarpa?

Saniatigut apeqqutit:

1. Danieli 5:1-6:1 atuakkit.

   1. Guutimik mianerinninnerup Belshassarillu iikkami allannerit takugamigit annilaarnera qanoq assigiinngissuteqarnerat nassuiaruk? (Dan 5:6, 7; Tuss 19:10; Rom 8:35-39)

   2. Sooq qunusuitsuliornerungaarpa Danielip Belshassari naalagartaalu oqaluummagit? (Dan 5:17, 18, 22, 26-28; ApS 4:29)

   3. Danielip allagaani kapitali 5-imi Jehovap kisimi oqartussaanera qanoq erseqqissarneqarpa? (Dan 4:14, 22; 5:21)

Oqaluttuaq 79

1. Dareiosi (Dariusi) kinaava, Danielilu qanoq isumaqarfigaa?

2. Angutit sinngasut Dareiosi (Dariusi) qanoq iliuuseqartippaat?

3. Danielip inatsit nutaaq pillugu tusaramiuk qanoq iliorpa?

4. Sooq Dareiosi (Dariusi) eqqissiveqanngingaarami sinissinnaanngila, aqaguanilu ullaannguaq qanoq iliorpa?

5. Danielip Dareiosi (Dariusi) qanoq akivaa?

6. Angutit ajortut Danielimik toqutseriaraluartut qanoq pippat, Dareiosillu (Dariusillu) inuit naalagaaffimminiittut tamaasa qanoq allaffigai?

Saniatigut apeqqutit:

1. Danieli 6:2-29 atuakkit.

   1. Danieli assortorlugu peqatigiinniapilunneq ullumikkullu Jehovap Nalunaajaasuisa sulinerannik unitsitsiniarluni assortuineq qanoq assingussuteqarpat? (Dan 6:8; Tuss 94:20; Es 10:1; Rom 8:31)

   2. Ullumikkut ‘naalakkersuisunut qullersarisanut’ naalatsigitinnissaq eqqarsaatigalugu Guutip innuttaasa Danieli qanoq ilaarsinnaavaat? (Dan 6:6, 11; Rom 13:1; ApS 5:29)

   3. Danieli assigalugu qanoq Jehova ‘guutisiorfigiuarsinnaavarput’? (Dan 6:17, 21; Fil 3:16; Saqq 7:15)

Oqaluttuaq 80

1. Assilissami Israelikkut maanna qanoq iliortut takutinneqarpa?

2. Kyrosip siulittuut Jehovap Esajakkut allanneqartitaa qanoq eqquutitippaa?

3. Kyrosip Israelikkut Jerusalemimut utersinnaanngitsut qanoq oqarfigai?

4. Kyrosip Jerusalemiliartut sunik tunivai?

5. Israelikkut Jerusalemiliarnerat qanoq sivisutigiva?

6. Nunap inuerunneqarneraniit ukiut qassit qaangiussimappat?

Saniatigut apeqqutit:

1. Esaja 44:28 aamma 45:1-4 atuakkit.

   1. Jehovap qanoq erseqqissarpaa Kyrosi pillugu siulittuut pinngitsoorani eqquukkumaartoq? (Es 55:10, 11; Rom 4:17)

   2. Esajap Kyrosi pillugu siulittuutaa Jehovap siunissamik siulittuisinnaaneranik sumik ersersitsiva? (Es 42:9; 45:21; 46:10, 11; 2 Petr 1:20)

2. Ezra 1:1-11 atuakkit.

   Jerusalemimut utersinnaanngitsut assigalugit qanoq piffissaq tamaat kiffartulersinnaasut ‘ikiorsinnaavavut’? (Ezra 1:4, 6; Rom 12:13; Kol 4:12)

Oqaluttuaq 81

1. Angalanermut sivisuumut Babylonimiit Jerusalemimut qassit ilaappat, apuukkamillu sumik takusaqarpat?

2. Israelikkut angerlamut apuukkamik sunik sanaartorlutik aallartippat, akeraallu qanoq iliorpat?

3. Haggaji Zakariasilu kikkuuppat, taakkulu inunnut qanoq oqarpat?

4. Sooq Tattenaji allakkanik Babylonimut nassiussiva, qanorlu akineqarpa?

5. Ezrap Guutip naalaffia iluarsaanneqartariaqartoq tusaramiuk qanoq iliorpa?

6. Ezrap Jehova sumik qinnuigaa, qinnutaalu qanoq akineqarpa, tamannalu qanoq ilinniarfigisinnaavarput?

Saniatigut apeqqutit:

1. Ezra 3:1-13 atuakkit.

   Jehovap Nalunaajaasuinik ilageeqarfiunngitsumiissagaluarutta qanoq iliortuartariaqarpugut? (Ezra 3:3, 6; ApS 17:16, 17; Hebr 13:15)

2. Ezra 4:1-7 atuakkit.

   Upperisarsioqatigiinnik allanik peqateqarnissaq eqqarsaatigalugu Zerubbabelip maligassiaa qanoq ilinniarfigisinnaavarput? (2 Mos 34:12; 1 Kor 15:33; 2 Kor 6:14-17)

3. Ezra 5:1-5, 17 aamma 6:1-22 atuakkit.

   1. Sooq assortuisut naalaffiliorneq unitsissinnaanngilaat? (Ezra 5:5; Es 54:17)

   2. Juutit utoqqaanertaasa iliuuseqarnerat assortuisoqalertillugu qanoq kristumiunut utoqqaanertanut Jehovamit siulersorneqarnissamut kajumissaarutaasinnaava? (Ezra 6:14; Tuss 32:8; Rom 8:31; Jaak 1:5)

4. Ezra 8:21-23, 28-36 atuakkit.

   Suliassamik aallartitsilertinnata Ezrap maligassiaata malinnissaa sutigut iluaqutaassava? (Ezra 8:23; Tuss 127:1; Uss 10:22; Jaak 4:13-15)

Oqaluttuaq 82

1. Mordokaji Esterilu kikkuuppat?

2. Sooq kunngi Ahasverusi allamik dronningeqarusulerpa, kinalu qinerpaa?

3. Hamani kinaava, aamma sooq kamangaalerpa?

4. Inatsit suna pilersinneqarpa, Esterillu Mordokaji aqqutigalugu tamanna tusaramiuk qanoq iliorpa?

5. Hamani qanoq piva, aamma Mordokaji qanoq piva?

6. Israelikkut qanoq akeqqaminnit aniguisinneqarpat?

Saniatigut apeqqutit:

1. Esteri 2:12-18 atuakkit.

   ‘Anersaap piuaatsup qanilaartullu’ ineriartortinnissaata pingaaruteqarnera qanoq Esterimi takuneqarsinnaava? (Est 2:15; 1 Petr 3:1-5)

2. Esteri 4:1-17 atuakkit.

   Esteri assigalugu pallorfiginninnermut ilumoortumut iliuuseqarnissatsinnut Jehovamullu tunniusimallutalu ilumoornitsinnik takutitsinissatsinnut qanoq periarfissaqarpugut? (Est 4:13, 14; Matt 5:14-16; 24:14)

3. Esteri 7:1-6 atuakkit.

   Ullumikkut qanoq ilillutik Guutip innuttai Esteri assigalugu malersugaariaannaagaluarlutik uniinnanngillat? (Est 7:4; Matt 10:16-22; 1 Petr 2:12)

Oqaluttuaq 83

1. Jerusalemimi Israelikkut qarmarsuaqanngitsumi najugaqarnertik qanoq igaat?

2. Nehemia kinaava?

3. Nehemia sumik atorfeqarpa, sunalu pillugu suliaa immikkut pingaaruteqarpa?

4. Nehemiap sumik tusagaqarnini aliasuutigaa, qanorlu iliorpa?

5. Kunngi Artaxerxesi Nehemiamut qanoq inussiarnisaarpa?

6. Nehemiap Israelikkut akeraasa sanaartornermik unitsitsinnginnissaat qanoq ililluni isumagaa?

Saniatigut apeqqutit:

1. Nehemia 1:4-6 aamma 2:1-20 atuakkit.

   Nehemia qanoq ililluni Jehovap siulersuinera ujartorpaa? (Neh 2:4, 5; Rom 12:12; 1 Petr 4:7)

2. Nehemia 3:3-5 atuakkit.

   Utoqqaanertat ilagiinnilu kiffartortut qanoq Tekoamiut ‘akimanertaasalu’ assigiinngilluinnarnerat ilinniarfigisinnaavaat? (Neh 3:5, 27; 2 Th 3:7-10; 1 Petr 5:5)

3. Nehemia 3:33-4:17 atuakkit.

   1. Sooq Israelikkut assortorneqangaaraluarlutik sanaartorunnaanngillat? (Neh 3:38; 4:2, 3; Tuss 50:15; Es 65:13, 14)

   2. Israelikkut maligassiaat ullumikkut qanoq uagutsinnut qiimmassaataasinnaava?

4. Nehemia 6:15 atuaruk.

   Jerusalemip qarmarsui qaammatit marluinnaat qaangiutinngitsut naammassineqarnerat eqqarsaatigigaanni uppernerup pissaaneranik qanoq ersersitsiva? (Tuss 56:4, 5; Matt 17:20; 19:26)

Oqaluttuaq 84

1. Arnaq assilissamiittoq kinaava?

2. Gabrielip Maria qanoq oqarfigaa?

3. Gabrielip Maria ueqanngikkaluarluni meerartaarumaarneranik qanoq nassuiaappaa?

4. Maria eqqarliminut Elisabethimut tikeraarmat qanoq pisoqarpa?

5. Josefip Maria naartusoq tusaramiuk qanoq aalajangerpa, sunali pillugu isummani allanngortippaa?

Saniatigut apeqqutit:

1. Lukasi 1:26-56 atuakkit.

   1. Naammalluinnanngissuseq Adamimit kingornussaq Mariap mannissaaniittoq Guutip ernerata anersaat silarsuaannit Mariamut nuunneqarnera Lukasi 1:35-mi qanoq ersersinneqarpa? (Hagg 2:11-13; Joh 6:69; Hebr 7:26; 10:5)

   2. Jiisusi suli inunngornanili qanoq ataqqineqarpa? (Luk 1:41-43)

   3. Sooq Maria kristumiunut ullumikkut kiffartornermi immikkut pisinnaatitaaffilerneqartunut maligassaalluarpa? (Luk 1:38, 46-49; 17:10; Uss 11:2)

2. Matthæusi 1:18-25 atuakkit.

   Naak Jiisusi Immanuelimik atserneqanngikkaluarluni, qanoq atip isumaanut naleqquttumik inuua? (Matt 1:22, 23; Joh 14:8-10; Hebr 1:1-3)

Oqaluttuaq 85

1. Meerannguaq assilissamiittoq kinaava, Mariallu sumut ilivaa?

2. Sooq Jiisusi nersutaatit inaanni inunngorpa?

3. Assilissami angutit nersutaatit inaannut Jiisusi takusarlugu isertut kikkuuppat, inngilimillu sumik oqaluttuunneqarsimappat?

4. Sooq Jiisusi immikkut pingaaruteqarpa?

5. Sooq Jiisusi Guutip erneranik taaneqarsinnaava?

Saniatigut apeqqutit:

1. Lukasi 2:1-20 atuakkit.

   1. Kaasari Augustusi Jiisusip sumi inunngorneranik siulittuutip eqquunneranut qanoq ililluni peqataava? (Luk 2:1-4; Mika 5:1)

   2. Inuit ataasiakkaat qanoq ilillutik ‘Guutip nuannarisaanut’ ilaalersinnaappat? (Luk 2:14; Matt 16:24; Joh 17:3; ApS 3:19; Hebr 11:6)

   3. Savanik paarsisut Judakkuusut maniguuttut annaassisussap inunngorneranik nuannaarutiginnissinnaappata, ullumikkut Guutip kiffai suli annerusumik nuannaarutiginnissannginnerpat? (Luk 2:10, 11; Ef 3:8, 9; Saqq 11:15; 14:6)

Oqaluttuaq 86

1. Angutit assilissamiittut kikkuuppat, sunalu pillugu aappaata ulloriaq qinngorsimasoq tikkuartorpaa?

2. Sooq kunngi Herodesi annilaarpa, qanorlu iliorpa?

3. Ullorissap angutit sumut siulersorpai, sunalu pillugu aqqut alla atorlugu nunagisaminnut uterpat?

4. Herodesi qanoq peqqusiva, aamma sooq?

5. Jehovap Josefi qanoq ilioqquaa?

6. Kina ullorissamik nutaamik qinngortitsiva, aamma sooq?

Saniatigut apeqqut:

1. Matthæusi 2:1-23 atuakkit.

   Jiisusi qassinik ukioqarpa ulloriarsiortunit takusarneqarami sumilu najugaqarpa? (Matt 2:1, 11, 16)

Oqaluttuaq 87

1. Assilissami matumani Jiisusi qassinik ukioqarpa, sumiippalu?

2. Ukiut tamaasa Josefi ilaqutanilu susarpat?

3. Sooq Josefi Marialu ulloq naallugu Nazaretimut ingerlaareeraluarlutik Jerusalemimut uterpat?

4. Josefip Mariallu Jiisusi sumi nanivaat, sunalu pillugu tusarnaartut tupigusuppat?

5. Jiisusip anaanani, Maria, qanoq oqarfigaa?

6. Jiisusitut qanoq Guuti pillugu ilinniarsinnaavugut?

Saniatigut apeqqutit:

1. Lukasi 2:41-52 atuakkit.

   1. Ukiumoortumi nalliuttorsiornermi Inatsisit malillugit angutit kisimik najuuttarnissaannik peqqussut eqqarsaatigalugu qanoq Josefi Marialu ullumikkut angajoqqaajusunut maligassaalluarpat? (Luk 2:41; 5 Mos 16:16; 31:12; Uss 22:6)

   2. Angajoqqaanut naalatsigitinnermut atatillugu Jiisusi qanoq ullumikkut inuusuttunut maligassaalluarpa? (Luk 2:51; 5 Mos 5:16; Uss 23:22; Kol 3:20)

2. Matthæusi 13:53-56 atuakkit.

   Jiisusip qatanngutai sisamat kikkut Biibilimi eqqaaneqarpat, taakkualu ilaat marluk kingusinnerusukkut qanoq ilagiinni kristumiuni atorneqarpat? (Matt 13:55; ApS 12:17; 15:6, 13; 21:18; Gal 1:19; Jaak 1:1; Jud 1)

Oqaluttuaq 88

1. Angutit marluk assilissamiittut kikkuuppat?

2. Qanoq kuisittoqartarpa?

3. Johannesip kikkut kuisarpai?

4. Sooq Jiisusip Johannesi qinnuigaa kueqqulluni?

5. Guutip qanoq ililluni takutippaa Jiisusip kuisinnera nuannarigini?

6. Jiisusi ulluni 40-ni inuilaamiitillugu qanoq pisoqarpa?

7. Jiisusip malittai siulliit, imaluunniit ajoqersugai, kikkuuppat, tupinnartuliaalu siulleq sunaava?

Saniatigut apeqqutit:

1. Matthæusi 3:13-17 atuakkit.

   Ajoqersukkami kuisinnissaannut Jiisusip qanoq maligassippai? (Tuss 40:8, 9; Matt 28:19, 20; Luk 3:21, 22)

2. Matthæusi 4:1-11 atuakkit.

   Jiisusip Allakkanik sunniuteqarluartumik atuisarnerata Biibilip aalajangersimasumik atuaqqissaartarnissaanut qanoq ililluni kajumissisippaatigut? (Matt 4:5-7; 2 Petr 3:17, 18; 1 Joh 4:1)

3. Johannesi 1:29-51 atuakkit.

   Johannesip Kuisisup ajoqersukkani kimut siulersorpai, ullumikkullu uagut qanoq ilaarsinnaavarput? (Joh 1:29, 35, 36; 3:30; Matt 23:10)

4. Johannesi 2:1-12 atuakkit.

   Jiisusip tupinnartuliaata siulliup qanoq ersersippaa Jehovap kiffani ajunngitsunik erliguutinngikkai? (Joh 2:9, 10; Tuss 84:12; Jaak 1:17)

Oqaluttuaq 89

1. Sooq naalaffimmi uumasunik tuniniaasoqarpa?

2. Sooq Jiisusi kamalerpa?

3. Assilissami Jiisusi qanoq iliorpa, tuinillu tuniniaasut qanoq oqarfigai?

4. Nalunngiliuk Jiisusip ajoqersugaasa Jiisusi qanoq iliortoq takugamikku suna eqqaaleraat?

5. Jiisusi Galilæamut uterami nuna suna aqqutigaa?

Saniatigut apeqqut:

1. Johannesi 2:13-25 atuakkit.

   Jiisusip naalaffimmi aningaasanik nioqquteqartunik kamaassinera eqqarsaatigalugu Naalagaaffilersaarfimmi niuernermut tunngatillugu sammisaqarneq qanoq isigisariaqarparput? (Joh 2:15, 16; 1 Kor 10:24, 31-33)

Oqaluttuaq 90

1. Sooq Jiisusi Samariami puilasuliami uninngava, tassanilu arnaq qanoq oqarfigaa?

2. Sooq arnaq tupigusuummerpa, Jiisusip qanoq oqarfigaa, aamma sooq?

3. Imeq Jiisusip oqaluuserisaa arnap qanoq ittuusoraa, imerli qanoq ittoq pivaa?

4. Sooq arnap Jiisusip imminik ilisimasaqarnera tupigusuutigaa, suminngaanniillu paasissutissinneqartarpa?

5. Arnaq puilasuliamiittoq pillugu oqaluttuaq qanoq ilinniarfigisinnaavarput?

Saniatigut apeqqutit:

1. Johannesi 4:5-43 atuakkit.

   1. Jiisusip naggueqatigiinnut aalajangersimasunut inunnulluunniit allanik tunuliaqutalinnut isiginnittaasia qanoq ilaarsinnaavarput? (Joh 4:9; 1 Kor 9:22; 1 Tim 2:3, 4; Tit 2:11)

   2. Jiisusimut ajoqersuganngorneq anersaakkut sunik pilluaqqussutissartaqarpa? (Joh 4:14; Es 58:11; 2 Kor 4:16)

   3. Qanoq arnatut Samariamiutut, ilikkakkaminik aallussilluarluni allanut oqaluttuarnera pingaartitsilluta assiginiarsinnaavarput? (Joh 4:7, 28; Matt 6:33; Luk 10:40-42)

Oqaluttuaq 91

1. Jiisusi sumi ajoqersuiva, kikkullu assilissami Jiisusimut qaninnerpaappat?

2. Apustilit 12-it qanoq ateqarpat?

3. Naalagaaffik suna Jiisusip eqqartorpaa?

4. Jiisusip inuit sunik qinusarnissaannik ilinniartippai?

5. Jiisusip inuit inoqatiminnut qanoq pissuseqaqquai?

Saniatigut apeqqutit:

1. Matthæusi 5:1-12 atuakkit.

   Qanoq ililluta ersersissinnaavarput anersaakkut pisariaqartitsinerput miserratiginagu? (Matt 5:3; Rom 10:13-15; 1 Tim 4:13, 15, 16)

2. Matthæusi 5:21-26 atuakkit.

   Matthæusi 5:23, 24-mi qanoq ersersinneqarpa qatanngutitsinnut attaveqarnerput aamma Jehovamut attaveqarnitsinnut sunniuteqartoq? (Matt 6:14, 15; Tuss 133:1; Kol 3:13; 1 Joh 4:20)

3. Matthæusi 6:1-8 atuakkit.

   Imminut iluartuutinniarnerit assigiinngitsut kristumiutut ingalassimasariaqakkat eqqaakkit. (Luk 18:11, 12; 1 Kor 4:6, 7; 2 Kor 9:7)

4. Matthæusi 6:25-34 atuakkit.

   Jiisusip Jehovap timip piisigut pisariaqartitatsinnik matussusiiumaarneranik tatiginninnissarput qanoq oqaatigaa? (2 Mos 16:4; Tuss 37:25; Fil 4:6)

5. Matthæusi 7:1-11 atuakkit.

   Assersuut takorlooruminartoq Matthæusi 7:5-imi atorneqartoq qanoq ilinniutigisinnaavarput? (Uss 26:12; Rom 2:1; 14:10; Jaak 4:11, 12)

Oqaluttuaq 92

1. Assilissami niviarsiaqqap ataataa kinaava, sunalu pillugu taanna nulianilu ernumarujussuaqqammerpat?

2. Jairus Jiisusi nanigamiuk qanoq iliorpa?

3. Jiisusi Jairusikkunnukartillugu qanoq pisoqarpa, Jairusili qanoq nalunaarfigineqarpa?

4. Sooq inuit Jairusikkunniittut Jiisusi illaatigaat?

5. Jiisusi apustilimi ilaat pingasut niviarsiaqqallu angajoqqaavi ilagalugit niviarsiaqqap inimi innangaffigisaanut iserami qanoq iliorpa?

6. Jiisusip kikkut allat toqusunit makitinnikuuai, tamannalu sumik ersersitsiva?

Saniatigut apeqqutit:

1. Lukasi 8:40-56 atuakkit.

   Jiisusip arnaq aaqartuarsimasoq qanoq misiginneqataanerminik sinnilimmillu piumasaqarfiginninnginnerminik takutitsiffigaa, ullumikkullu utoqqaanertat tamanna qanoq ilinniarfigisinnaavaat? (Luk 8:43, 44, 47, 48; 3 Mos 15:25-27; Matt 9:12, 13; Kol 3:12-14)

2. Lukasi 7:11-17 atuakkit.

   Sooq asasaminnik toqukkut annaasaqarsimasut Jiisusip uillarnermut Nainimeersumut oqaasii tuppallersaatigingaarsinnaavaat? (Luk 7:13; 2 Kor 1:3, 4; Hebr 4:15)

3. Johannesi 11:17-44 atuakkit.

   Jiisusip qanoq takutippaa asasamik annaasaqarnermi aliasunneq pissusissamisoortoq? (Joh 11:33-36, 38; 2 Sam 19:1; 19:2-5)

Oqaluttuaq 93

1. Johannesi Kuisisoq qanoq pineqarpa, Jiisusillu annilaarnartumik pisoqarsimanera tusaramiuk qanoq misigiva?

2. Jiisusip inuppassuit imminut malinnittut qanoq ililluni nerisippai, nerisassallu sinneri qanoq amerlatigippat?

3. Ajoqersukkat sooq unnuakkut ersilerpat, Petrusilu qanoq piva?

4. Jiisusip inuit tuusintilippassuit qanoq ililluni neriseqqippai?

5. Jiisusi Guutip kunngiutitaatut nunarsuarmut naalakkersuilerpat sooq pissutsit pitsanngussappat?

Saniatigut apeqqutit:

1. Matthæusi 14:1-32 atuakkit.

   1. Matthæusi 14:23-32-mi oqaluttuap Petrusip inuttut pissusaanik sumik paasitippaatigut?

   2. Biibilimi oqaluttuap qanoq ersersippaa Petrusi inersimallualertoq aamma eqqarsaqqaarnani periataartarnini allanngortikkaa? (Matt 14:27-30; Joh 18:10; 21:7; ApS 2:14, 37-40; 1 Petr 5:6, 10)

2. Matthæusi 15:29-38 atuakkit.

   Jiisusip nunap piinik Ataataminit pisunik ataqqinninnini qanoq takutippaa? (Matt 15:37; Joh 6:12; Kol 3:15)

3. Johannesi 6:1-21 atuakkit.

   Ullumikkut kristumiut oqartussaasunut qutsinnerusunut ataqqinnittumik ersersitsisarnissamut qanoq ilillutik Jiisusip maligassiaa ilaarsinnaavaat? (Joh 6:15; Matt 22:21; Rom 12:2; 13:1-4)

Oqaluttuaq 94

1. Ungasissumit angalareerlutik apustilit suna isumaqatigiinngissutigaat?

2. Sooq Jiisusip nukappiarannguaq qaaqquaa apustilillu saavannut inissillugu?

3. Qanoq ilillutik apustilit meerannguatut pissuseqarnissartik ilinniassavaat?

4. Qaammatialuit qaangiummata Jiisusip qanoq takutippaa meerannguit asagini?

Saniatigut apeqqutit:

1. Matthæusi 18:1-4 atuakkit.

   Sooq Jiisusi assersuutit atorlugit ajoqersuisarpa? (Matt 13:34, 36; Mark 4:33, 34)

2. Matthæusi 19:13-15 atuakkit.

   Naalagaaffimmi pilluaqqussutissarseqataarusukkutta meerannguit pissuserisaat suut ilaartariaqarpavut? (Tuss 25:9; 138:6; 1 Kor 14:20)

3. Markusi 9:33-37 atuakkit.

   Jiisusip ajoqersukkani ataqqineqarusunnermut atatillugu sumik ilinniartippai? (Mark 9:35; Matt 20:25, 26; Gal 6:3; Fil 2:5-8)

4. Markusi 10:13-16 atuakkit.

   Jiisusi qanoq inussiarnertigaa, kristumiullu utoqqaanertat maligassiaa qanoq ilinniarfigisinnaavaat? (Mark 6:30-34; Fil 2:1-4; 1 Tim 4:12)

Oqaluttuaq 95

1. Angutip Jiisusi sumik aperaa, aamma sooq?

2. Jiisusi ajoqersuigaangami ilaannikkut suut atortarpai, juutillu Samariamiullu pillugit suna paasereerparput?

3. Jiisusip juuteq Jerikoliartoq pillugu oqaluttuaani qanoq pisoqarpa?

4. Palasi juutiusoq kingornalu Levikkuusoq aqqusinikkoormata qanoq pisoqarpa?

5. Assilissami angut juutimik unatarneqarsimasumik ikiuisoq kinaava?

6. Oqaluttuareerami Jiisusip suna apeqqutigaa, angullu qanoq akiva?

Saniatigut apeqqutit:

1. Lukasi 10:25-37 atuakkit.

   1. Jiisusip inatsisinik ilisimasup apeqqutaa akiinnarnagu nammineq isummersornissaanut qanoq ikiorpaa? (Luk 10:26; Matt 16:13-16)

   2. Jiisusip tusarnaartimi paqumigisaat ajugaaffiginiarlugit qanoq ililluni assersuutit atortarpai? (Luk 10:36, 37; 18:9-14; Tit 1:9)

Oqaluttuaq 96

1. Jiisusi nuna angallavigitillugu qanoq iliorpa?

2. Jiisusi ukiut pingasut sinnerlugit kuisimareerluni apustilini sumik oqaluttuuppai?

3. Inuit assilissamiittut kikkuuppat, Jiisusillu arnaq qanoq pivaa?

4. Jiisusip akissutaata upperisarsiornikkut siuttut kamattullu qanoq kanngusulersippai?

5. Jiisusip apustilinilu Jerikop avataani tappiitsut qinusartut marluk saneqqukkamikkit qanoq iliorfigai?

6. Sooq Jiisusi tupinnartuliortarpa?

Saniatigut apeqqutit:

1. Matthæusi 15:30, 31 atuakkit.

   Jehovap pissaanera Jiisusi aqqutigalugu asseqanngitsumik qanoq takutinneqarpa, tamatumalu qanoq Jehovap silarsuassamik nutaamik neriorsuutaanik paasitittariaqarpaatigut? (Tuss 37:29; Es 33:24)

2. Lukasi 13:10-17 atuakkit.

   Jiisusip tupinnartuliaasa pingaarnerit ilaat sabbatimi pipput. Tamatuma Jiisusip ukiuni 1000-ni naalakkersuinissaani inuiaat aniguisitaanermi sumik misigisaqarumaarnissaannik paasitippatigut? (Luk 13:10-13; Tuss 46:10; Matt 12:8; Kol 2:16, 17; Saqq 21:1-4)

3. Matthæusi 20:29-34 atuakkit.

   Oqaluttuap tamatuma qanoq ersersippaa Jiisusi allanut ikiuinissami piffissaqartuaannarluni, tamannalu qanoq ilinniarfigisinnaavarput? (5 Mos 15:7; Jaak 2:15, 16; 1 Joh 3:17)

Oqaluttuaq 97

1. Jiisusi Jerusalemip eqqaanut nunaqarfinnguamut tikikkami ajoqersukkani sumik peqquai?

2. Assilissami Jiisusip Jerusalemi qanillimmagu qanoq pisoqarpa?

3. Meeqqat Jiisusi tappiitsunik iloqiaasunillu ajorunnaarsitsisoq takugamikku qanoq iliorpat?

4. Jiisusi palasinut kamattunut qanoq oqarpa?

5. Qanoq ililluta meeqqatut Jiisusimik unnersiutiginnittutut iliorsinnaavugut?

6. Ajoqersukkat suna paaserusuppaat?

Saniatigut apeqqutit:

1. Matthæusi 21:1-17 atuakkit.

   1. Jiisusi Jerusalemimut kunngitut tikiukkami qanoq Romamiut sakkutuuisa naalagaannit ajugaasimaartunit allaanerulluinnarpa? (Matt 21:4, 5; Zak 9:9; Fil 2:5-8; Kol 2:15)

   2. Nukappiaqqat Israelikkuusut Jiisusi naalaffimmut iseriartortillugu Tussiaat 118-imi issuaasut inuusuttut qanoq ilinniarfigisinnaavaat? (Matt 21:9, 15; Tuss 118:25, 26; 2 Tim 3:15; 2 Petr 3:18)

2. Johannesi 12:12-16 atuakkit.

   Palmit avalequtaat inuit Jiisusi unnersiutigalugu atugaat sumut assersuutaappat? (Joh 12:13; Fil 2:10; Saqq 7:9, 10)

Oqaluttuaq 98

1. Assilissami angutini sorleq Jiisusiua, kikkullu ilagai?

2. Naalaffimmi palasit Jiisusi qanoq iliorfiginiaraluarpaat, qanorlu oqarfigai?

3. Apustilit Jiisusi sumik aperaat?

4. Sooq Jiisusip apustilini qilammi kunngitut naalakkersuileruni nunami pisussanik oqaluttuuppai?

5. Nunami ajussuseq tamaat taamaatititsinnagu Jiisusip qanoq pisoqassanerarpaa?

Saniatigut apeqqutit:

1. Matthæusi 23:1-39 atuakkit.

   1. Jiisusip oqaasii Matthæusi 23:8-11-miittut kristumiut ilagiissaanni ataqqinarpaluttumik taaguutit atornerat pillugit sumik ersersitsippat, naak silamiunik taagutinik atuineq Biibilimi ajorineqanngikkaluartoq? (ApS 26:25; Rom 13:7; 1 Petr 2:13, 14)

   2. Farisiiarit inuit kristumiunngornissaat qanoq iliorlutik akornuserniarsaraat, ullumikkullu upperisarsiornikkut siuttut qanoq tamatumunnga assingusumik iliuuseqartarpat? (Matt 23:13; Luk 11:52; Joh 9:22; 12:42; 1 Th 2:16)

2. Matthæusi 24:1-14 atuakkit.

   1. Matthæusi 24:13-imi nikallujuinnissap pingaaruteqarnera qanoq erseqqissarneqarpa?

   2. Oqaaseq ‘naggatissaq’ Matthæusi 24:13-imi atorneqartoq qanoq isumaqarpa? (Matt 16:27; Rom 14:10-12; 2 Kor 5:10)

3. Markusi 13:3-10 atuakkit.

   Markusi 13:10-mi qanoq erseqqissarneqarpa nutaarsiassamik nuannersumik oqaluussineq nukinginnarluinnartuusoq, Jiisusillu oqaasii uagutsinnut qanoq sunniuteqartariaqarpat? (Rom 13:11, 12; 1 Kor 7:29-31; 2 Tim 4:2)

Oqaluttuaq 99

1. Soorlu assilissami takusinnaagipput sooq Jiisusi apustilinilu 12-it qaliani katerisimaarpat?

2. Angut anilersoq kinaava, qanorlu iliornialerpa?

3. Poorskisiummik nereqatigiinneq naammassimmat nereqatigiinneq immikkut ittoq suna Jiisusip pilersippaa?

4. Poorski Israelikkunnut sumik eqqaasitsiva, nereqatigiinnerlu immikkut ittoq Jiisusip ajoqersugaanut sumik eqqaasitsiva?

5. Nereqatigiinnerup Biibilimi Naalakkap unnukkorsiortitsineranik taaneqartup kingorna Jiisusip ajoqersukkani qanoq oqarfigai, tamatumalu kingorna qanoq iliorpat?

Saniatigut apeqqutit:

1. Matthæusi 26:14-30 atuakkit.

   1. Matthæusi 26:15-imi qanoq ersersinneqarpa Judasip piaaraluni Jiisusi killuutigigaa?

   2. Jiisusip aava kuineqartoq qanoq marloriaammik siunertaqarpa? (Matt 26:27, 28; Jer 31:31-33; Ef 1:7; Hebr 9:19, 20)

2. Lukasi 22:1-39 atuakkit.

   Saatanip Judasimut pulanera qanoq paasisariaqarpa? (Luk 22:3; Joh 13:2; ApS 1:24, 25)

3. Johannesi 13:1-20 atuakkit.

   1. Johannesi 13:2-mi allassimasoq eqqarsaatigalugu, Judasi iliuutsiminik assuarineqarsinnaava, Guutillu kiffaasa qanoq ilinniutigisinnaavaat? (1 Mos 4:7; 2 Kor 2:11; Gal 6:1; Jaak 1:13, 14)

   2. Jiisusi qanoq sunniuteqarluartumik takorlooruminartunik ilinniartitsiva? (Joh 13:15; Matt 23:11; 1 Petr 2:21)

4. Johannesi 17:1-26 atuakkit.

   Jiisusip ajoqersukkat ‘ataasioqatigeeqqummagit’ qanoq paasisariaqarpa? (Joh 17:11, 21-23; Rom 13:8; 14:19; Kol 3:14)

Oqaluttuaq 100

1. Qalianiit anigamik Jiisusi apustilinilu sumukarpat, qanorlu Jiisusip ilioqquai?

2. Jiisusip apustilit uterfigimmagit suppat, qasseriarlunilu taama pisoqarpa?

3. Kikkut naatsiivimmut iserpat, Judasi Iskariotilu assilissami takusinnaasatsitut qanoq iliorpa?

4. Sooq Judasip Jiisusi kunippaa, Petrusilu qanoq iliorpa?

5. Jiisusip Petrusi qanoq oqarfigaa, sunali pillugu Jiisusip Guuti inngilinik aallartitseqqullugu qinnuiginngilaa?

Saniatigut apeqqutit:

1. Matthæusi 26:36-56 atuakkit.

   1. Jiisusip ajoqersukkaminik ilitsersuinera qanoq ullumikkut kristumiunut utoqqaanertanut maligassaalluarpa? (Matt 20:25-28; 26:40, 41; Gal 5:17; Ef 4:29, 31, 32)

   2. Jiisusip sakkunik atuineq qanoq isigaa? (Matt 26:52; Luk 6:27, 28; Joh 18:36)

2. Lukasi 22:39-53 atuakkit.

   Imaappa Jiisusi uppernikilliormat inngili Getsemanemut takkuttoq taanna nakussatinniarlugu? Nassuiaruk. (Luk 22:41-43; Es 49:8; Matt 4:10, 11; Hebr 5:7)

3. Johannesi 18:1-12 atuakkit.

   Jiisusip ajoqersukkani qanoq assortuisiminut illersorpai, tamannalu qanoq ilinniarfigisinnaavarput? (Joh 10:11, 12; 18:1, 6-9; Hebr 13:6; Jaak 2:25)

Oqaluttuaq 101

1. Kina Jiisusip toquneranut pisuunerpaava?

2. Jiisusi upperisarsiornikkut siuttunit aaneqarmat apustilit qanoq iliorpat?

3. Palasiunerup Kajfasip illuani qanoq pisoqarpa?

4. Sooq Petrusi anilluni qiarsuataalerpa?

5. Jiisusi Pilatusimut utertinneqarmat palasit qanoq suaartarpat?

6. Tallimanngornerup ualilernerani Jiisusi qanoq pineqarpa, pinerluttorlu nappakkami sanimini nivingasoq qanoq neriorsorpaa?

7. Paratiisi Jiisusip eqqartugaa sumiissava?

Saniatigut apeqqutit:

1. Matthæusi 26:57-75 atuakkit.

   Juutit eqqartuussivianni qutsinnerpaami ilaasortat qanoq takutippaat uummatimikkut ajortuullutik? (Matt 26:59, 67, 68)

2. Matthæusi 27:1-50 atuakkit.

   Sooq oqarsinnaavugut Judasi ilumoorluni peqqissimisimanngitsoq? (Matt 27:3, 4; Mark 3:29; 14:21; 2 Kor 7:10, 11)

3. Lukasi 22:54-71 atuakkit.

   Jiisusi unnuaq taanna killuutigineqarmat tigusarineqarlunilu Petrusip misiarnera qanoq ilinniutigisinnaavarput? (Luk 22:60-62; Matt 26:31-35; 1 Kor 10:12)

4. Lukasi 23:1-49 atuakkit.

   Jiisusip naapertuilluanngitsumik iliorfigineqarnini qanoq qisuariarfigaa, tamannalu qanoq ilinniarfigisinnaavarput? (Luk 23:33, 34; Rom 12:17-19; 1 Petr 2:23)

5. Johannesi 18:12-40 atuakkit.

   Naak Petrusi sivikitsumik inunnut qunuleraluarluni, tamannalu ajugaaffigalugu apustilitullu nuimasunngorluni, sumik tamanna ilinniutigisinnaavarput? (Joh 18:25-27; 1 Kor. 4:2; 1 Petr 3:14, 15; 5:8, 9)

6. Johannesi 19:1-30 atuakkit.

   1. Jiisusi nunap piinut qanoq oqimaaqatigiissumik isiginnittaaseqarpa? (Joh 2:1, 2, 9, 10; 19:23, 24; Matt 6:31, 32; 8:20)

   2. Sooq Jiisusip oqaasii kingulliit ajugaaneruppat oqarmat Jehovap kisimi oqartussaanera illersorsimallugu? (Joh 16:33; 19:30; 2 Petr 3:14; 1 Joh 5:4)

Oqaluttuaq 102

1. Arnaq assilissamiittoq kinaava, angutit marluk kikkuuppat, sumiippallu?

2. Sooq Pilatusip palasit peqquai Jiisusip ilerra sakkutuunik paarsisulerneqassasoq?

3. Jiisusip toquneraniit ullut pingajussaanni ullaannguakkut inngili qanoq iliorpa, palasilli qanoq iliorpat?

4. Sooq arnat ilaatJiisusip ilerranut alakkaasut tupigusuppat?

5. Sooq Petrusi Johannesilu Jiisusip ilerranut arpappat, sunali paasivaat?

6. Jiisusip timaa qanoq pisimava, Jiisusili ajoqersukkaminut uumanini takutinniarlugu qanoq iliorpa?

Saniatigut apeqqutit:

1. Matthæusi 27:62-66 aamma 28:1-15 atuakkit.

   Palasiunerit, farisiiarit utoqqaanertallu Jiisusi toqusunit makimmat qanoq anersaamut illernartumut ajortuliorpat? (Matt 12:24, 31, 32; 28:11-15)

2. Lukasi 24:1-12 atuakkit.

   Jiisusip makinneranik oqaluttuap qanoq ersersippaa Jehovap arnat ilisimannittutut tatiginartutut isigigai? (Luk 24:4, 9, 10; Matt 28:1-7)

3. Johannesi 20:1-12 atuakkit.

   Biibilimi siulittuut qanoq eqquukkumaartoq paasilluanngikkutsigu Johannesi 20:8, 9-mi allassimasut qanoq naammagittarnissatsinnut iluaqutigissavavut? (Uss 4:18; Matt 17:22, 23; Luk 24:5-8; Joh 16:12)

Oqaluttuaq 103

1. Mariap angut naatsiivilerisuusorisani qanoq oqarfigaa, qanorlu paasilerpaa Jiisusiusoq?

2. Ajoqersukkat marluk nunaqarfeeqqamut Emmausiliartut sumik misigisaqarpat?

3. Ajoqersukkat marluk apustilinut Jiisusimik takunnissimanerminnik oqaluttuartillugit qanoq pisoqarpa?

4. Jiisusi maanna qasseriarluni ajoqersukkaminut takutippa?

5. Tuumap tusaramiuk ajoqersukkat Naalagaq takusimagaat qanoq oqarpa, ullullu arfineq-pingasut qaangiummata qanoq pisoqarpa?

Saniatigut apeqqutit:

1. Johannesi 20:11-29 atuakkit.

   Johannesi 20:23 naapertorlugu Jiisusi oqarpa inuit ajortinik isumakkeerfiginnissinnaatitaasut? Nassuiaruk. (Tuss 49:3, 8; Es 55:7; 1 Tim 2:5, 6; 1 Joh 2:1, 2)

2. Lukasi 24:13-43 atuakkit.

   Qanoq ililluta uummaterput sallusuissutinik Biibilimeersunik sunnertiasunngortissinnaavarput? (Luk 24:32, 33; Ezra 7:10; Matt 5:3; ApS 16:14; Hebr 5:11-14)

Oqaluttuaq 104

1. Ajoqersukkat qassit ataatsikkut Jiisusi takuaat, taakkununngalu suna eqqartorpaa?

2. Guutip naalagaaffia suua, Jiisusilu ukiuni 1000-ni kunngitut naalakkersuilerpat nunami inuuneq qanoq issava?

3. Ulluni qassini Jiisusi ajoqersukkaminut takutittarpa, maannali qanoq iliornissaanut piffissanngorpa?

4. Jiisusip ajoqersukkani qimanngitsiarlugit qanoq oqarfigai?

5. Assilissami qanoq pisoqarpa, Jiisusilu qanoq ililluni ajoqersukkaminit takuneqarsinnaajunnaarpa?

Saniatigut apeqqutit:

1. 1 Korinthimiut 15:3-8 atuakkit.

   Sooq Paulusi qularutiginninngilluinnarluni Jiisusip makissimanera eqqartorsinnaavaa, ullumikkullu kristumiut qularutiginninngilluinnarlutik suna oqaluussissutigisinnaavaat? (1 Kor 15:4, 7, 8; Es 2:2, 3; Matt 24:14; 2 Tim 3:1-5)

2. Apustilit Suliaat 1:1-11 atuakkit.

   Apustilit Suliaat 1:8-mi siulittuutigineqartutut oqaluussinermik suliaqarneq qanoq siaruarsimatigaa? (ApS 6:7; 9:31; 11:19-21; Kol 1:23)

Oqaluttuaq 105

1. Assilissami matumani Jiisusip ajoqersugaanut Jerusalemimi utaqqisimasunut qanoq pisoqarpa?

2. Tikeraat Jerusalemimiittut sumik tupigusutsinneqarpat?

3. Petrusip inuit sumik nassuiaappai?

4. Petrusi tusarnaareerlugu amerlasuut qanoq misigippat, qanorlu ilioqquai?

5. Ukiumi 33-mi piinsip ulluani qassit kuisippat?

Saniatigut apeqqutit:

1. Apustilit Suliaat 2:1-47 atuakkit.

   1. Petrusip oqaasiisa Apustilit Suliaat 2:23, 36-miittut qanoq ersersippaat juutit inuiaqatigiit tamarmik Jiisusip toquneranut pisooqataasut? (1 Th 2:14, 15)

   2. Petrusip Allakkanik tunngavilersuillaqqinnera qanoq ilinniarfigisinnaavarput? (ApS 2:16, 17, 29, 31, 36, 39; Kol 4:6)

   3. Petrusip ‘qilammiup naalagaaffiata matuersaataasa’ siulliat Jiisusip tunniunniarlugu neriorsuutaa qanoq atorpaa? (ApS 2:14, 22-24, 37, 38; Matt 16:19)

Oqaluttuaq 106

1. Ualit ilaanni Petrusi Johannesilu naalaffimmut isermata qanoq pisoqarpa?

2. Petrusip angut iloqiaasoq qanoq oqarfigaa, aningaasanillu naleqarnerungaartumik sumik tunivaa?

3. Upperisarsiornikkut siuttut sooq kamappat, qanorlu Petrusi Johannesilu iliorfigaat?

4. Upperisarsiornikkut siuttut Petrusip sumik oqaluttuuppai, apustilillu qanoq mianersoqquneqarpat?

5. Sooq upperisarsiornikkut siuttut sinngalerpat, apustilillu aappassaanik parnaarunneqarmata qanoq pisoqarpa?

6. Killisiuisarfimmut sassartitaagamik apustilit qanoq akippat?

Saniatigut apeqqutit:

1. Apustilit Suliaat 3:1-10 atuakkit.

   Naak ullumikkut tupinnartuliorsinnaatitaanngikkaluarluta Petrusip oqaasiisa Apustilit Suliaat 3:6-imi allassimasut qanoq Naalagaaffimmik tusarliussap pingaaruteqassusianik paasitippaatigut? (Joh 17:3; 2 Kor 5:18-20; Fil 3:8)

2. Apustilit Suliaat 4:1-31 atuakkit.

   Oqaluussinermi assortorneqaraangatta qatanngutivut kristumiuusut ukiuni hundredelinni siullerni inuusut qanoq ilaarsinnaavavut? (ApS 4:29, 31; Ef 6:18-20; 1 Th 2:2)

3. Apustilit Suliaat 5:17-42 atuakkit.

   Itsaq ullumikkullu Jehovamut Nalunaajaasuunngikkaluartut ilaat qanoq oqaluussinermut naleqquttumik isiginnittaaseqarpat? (ApS 5:34-39)

Oqaluttuaq 107

1. Stefanusi kinaava, Guutillu taanna qanoq iliornissaanut ikiorsimavaa?

2. Stefanusip upperisarsiornikkut siuttut kamaatigeqisaannik sumik oqaluttuuppai?

3. Angutit Stefanusi illoqarfiup avataanut uniariarlugu qanoq iliorfigaat?

4. Assilissami angut inuusuttoq qallersaatit eqqaaniittoq kinaava?

5. Stefanusip toqutinnani Jehova sumik qinnuigaa?

6. Ajortumik iliorfigineqaraangatta Stefanusi qanoq ilaarsinnaavarput?

Saniatigut apeqqutit:

1. Apustilit Suliaat 6:8-15 atuakkit.

   Jehovap Nalunaajaasuisa oqaluussisarnerat unitsinniarlugu upperisarsiornikkut siuttut qanoq peqquserluttulioriaaseqarsimappat? (ApS 6:9, 11, 13)

2. Apustilit Suliaat 7:1-60 atuakkit.

   1. Stefanusip nutaarsiassap nuannersup Killisiuisoqatigiinnut sunniuteqarluartumik illersornissaanut suna iluaqutigaa, maligassiaalu tamanna qanoq ilinniarfigisinnaavarput? (ApS 7:51-53; Rom 15:4; 2 Tim 3:14-17; 1 Petr 3:15)

   2. Oqaluussinermik suliatsinnut assortuisut qanoq isumaqarfigisariaqarpavut? (ApS 7:58-60; Matt 5:44; Luk 23:33, 34)

Oqaluttuaq 108

1. Stefanusi toqutaareermat Saulusi qanoq iliorpa?

2. Saulusi Damaskusiliartillugu qanoq pisoqarpa?

3. Jiisusip Saulusi qanoq peqquaa?

4. Jiisusip Anania qanoq ilioqquaa, Saulusilu qanoq ililluni isigisaqaleqqippa?

5. Saulusi maanna qanoq taaneqartalerpa, sumillu suliaqalerpa?

Saniatigut apeqqutit:

1. Apustilit Suliaat 8:1-4 atuakkit.

   Ilagiinnut Kristumiunut nutaanut malersuineq qanoq kristumiut upperisaannik siaruaassinermik kinguneqarpa, ullumikkullu qanoq tamatumunnga assingusumik pisoqarpa? (ApS 8:4; Es 54:17)

2. Apustilit Suliaat 9:1-20 atuakkit.

   Kiffartornerit immikkoortut pingasut Saulusip naammassiumaagai suut Jiisusip siulittuutigai? (ApS 9:15; 13:5; 26:1; 27:24; Rom 11:13)

3. Apustilit Suliaat 22:6-16 atuakkit.

   Qanoq Anania ilaarsinnaavarput, sunalu pillugu taamaaliornissarput pingaaruteqarpa? (ApS 22:12; 1 Tim 3:7; 1 Petr 1:14-16; 2:12)

4. Apustilit Suliaat 26:8-20 atuakkit.

   Saulusip kristumiunngornera qanoq uppeqatiginngisaminnik aappaqartunut qiimmassaataasinnaava? (ApS 26:11; 1 Tim 1:14-16; 2 Tim 4:2; 1 Petr 3:1-3)

Oqaluttuaq 109

1. Assilissami angut aqueqqasoq kinaava?

2. Inngilip Corneliusi qanoq oqarfigaa?

3. Petrusi Joppemi Simonip illuata qaavaniitillugu Guutip sumik takusaqartippaa?

4. Sooq Petrusip Corneliusi oqarfigaa imminut pallorfiginnissanngitsoq?

5. Sooq ajoqersukkat juutiusut Petrusip ilagisai tupigusulerpat?

6. Petrusip Corneliusimut pulaarnera pingaarutilimmik sumik ilinniutissippaatigut?

Saniatigut apeqqutit:

1. Apustilit Suliaat 10:1-48 atuakkit.

   Petrusip oqaasiisa Apustilit Suliaat 10:42-miittut Naalagaaffimmik oqaluussinermi suliaqarnermik sumik ersersitsippat? (Matt 28:19; Mark 13:10; ApS 1:8)

2. Apustilit Suliaat 11:1-18 atuakkit.

   Petrusi Jehovap inuit inuiaqatigiinneersut pillugit ilitsersuinera paasilluaramiuk qanoq isiginnittaaseqalerpa, taassumalu maligassiaa qanoq ilaarsinnaavarput? (ApS 11:17, 18; 2 Kor 10:5; Ef 5:17)

Oqaluttuaq 110

1. Angut inuusuttoq assilissamiittoq kinaava, sumi najugaqarpa, anaanaa aanaavalu qanoq ateqarpat?

2. Timotheusi Paulusip Silasi ilagalugu ungasissumut oqaluussiartoqatiserimmani qanoq akiva?

3. Jiisusip ajoqersugai sumi kristumiunik taaneqartaleqqaarpat?

4. Paulusip, Silasip Timotheusillu Lystraminngaanniit illoqarfiit ornitaasa ilaat eqqaasinnaavigit?

5. Timotheusip Paulusi sumik ikiorpaa, aamma meeqqat inuusuttullu imminnut qanoq aperigunik pitsaassava?

Saniatigut apeqqutit:

1. Apustilit Suliaat 9:19-30 atuakkit.

   Apustili Paulusip nutaarsiassamik nuannersumik oqaluussitilluni assortorneqaraangami qanoq naliliisinnaassuseqarnini takutittarpaa? (ApS 9:22-25, 29, 30; Matt 10:16)

2. Apustilit Suliaat 11:19-26 atuakkit.

   Apustilit Suliaat 11:19-21, 26-mi allassimasut qanoq ersersippaat Jehovap anersaavata oqaluussineq siulersortaraa?

3. Apustilit Suliaat 13:13-16, 42-52 atuakkit.

   Apustilit Suliaat 13:51, 52-imi qanoq takuneqarsinnaava ajoqersukkat assortorneqarnertik nikallussutiginngikkaat? (Matt 10:14; ApS 18:6; 1 Petr 4:14)

4. Apustilit Suliaat 14:1-6, 19-28 atuakkit.

   Oqaatsit ‘Jehovamut isumageqquaat’ eqqarsaatigalugit sooq kristumiunngorlaanut isumaginninnissatsinnut isumakulussanngilagut? (ApS 14:21-23; 20:32; Joh 6:44)

5. Apustilit Suliaat 16:1-5 atuakkit.

   Timotheusip kipineqartikkumanera, qanoq ‘nutaarsiassaq nuannersoq pillugu tamanik iliuuseqarusunnerup’ pingaaruteqassusianik ersersitsiva? (ApS 16:3; 1 Kor 9:23; 1 Th 2:8)

6. Apustilit Suliaat 18:1-11, 18-22 atuakkit.

   Apustilit Suliaat 18:9, 10-mi qanoq ersersinneqarpa Jiisusi nammineq oqaluussinerup siulersorneqarneranut peqataasoq, taamaattumillu ullumikkut suna tatigisinnaavarput? (Matt 28:20)

Oqaluttuaq 111

1. Assilissami nukappiaraq nunami nalasoq kinaava, qanorlu pisimava?

2. Paulusip nukappiaraq toqusimasoq takugamiuk qanoq iliorpa?

3. Paulusi, Timotheusi taakkulu angalaqatai sumukalerpat, Miletimullu tikikkamik qanoq pisoqarpa?

4. Pruffiitip Agabusip Paulusi qanoq mianersoqquaa, pruffiitillu oqaasii naapertoqqissaarlugit qanoq pisoqarpa?

Saniatigut apeqqutit:

1. Apustilit Suliaat 20:7-38 atuakkit.

   1. Paulusip oqaasii Apustilit Suliaat 20:26, 27-miittut malillugit qanoq ‘kialluunniit aavanut pisuussuteqanngitsuusinnaavugut’? (Ez 33:8; ApS 18:6, 7)

   2. Sooq utoqqaanertat ajoqersuigaangamik ‘ajoqersuut peqqissinartoq malittariaqarpaat’? (ApS 20:17, 29, 30; Tit 1:7-9; 2 Tim 1:13)

2. Apustilit Suliaat 26:24-32 atuakkit.

   Paulusip qanoq ililluni oqaluussineq Jiisusimit peqqussutigineqartoq naammassiumallugu Romamiusut innuttaassuseqarnini atorpaa? (ApS 9:15; 16:37, 38; 25:11, 12; 26:32; Luk 21:12, 13)

Oqaluttuaq 112

1. Paulusip umiarsuaq ilaaffigisaa qeqertaq Kreta uiartillugu qanoq piva?

2. Paulusip umiarsuarmut ilaasut qanoq oqarfigai?

3. Sooq umiarsuaq aserorpa?

4. Umiarsuarmi sakkutuut naalagaata tamaasa qanoq ilioqquai, nunamullu annattut qassiuppat?

5. Qeqertaq tikitaat qanoq ateqarpa, silalu pitsanngulermat Paulusi qanoq piva?

Saniatigut apeqqutit:

1. Apustilit Suliaat 27:1-44 atuakkit.

   Paulusip Romaliarsimanera pillugu atuakkatta Biibilip eqqorluartuuneranut tatiginninnerput qanoq nakussatsippaa? (ApS 27:16-19, 27-32; Luk 1:3; 2 Tim 3:16, 17)

2. Apustilit Suliaat 28:1-14 atuakkit.

   Maltamiut Guutimik nalusut apustili Paulusi angalaqataalu umiiarsimasut ‘assut inussiarnisaarfigimmatigit’, uagut kristumiutut qanoq iliornissatsinnut kajumissisinneqartariaqarpugut, pingaartumillu qanoq iliornikkut? (ApS 28:1, 2; Hebr 13:1, 2; 1 Petr 4:9)

Oqaluttuaq 113

1. Romami parnaarussaatilluni Paulusip kikkut oqaluussiffigai?

2. Assilissami pulaartoq issiasoq kinaava, Paulusilu sumik ikiorpaa?

3. Epafroditusi kinaava, Filippimullu utilerami suut nassarpai?

4. Sooq Paulusip ikinngutigilluakkani Fiilimuut allaffigaa?

5. Paulusi iperagaagami qanoq iliorpa, tamatumalu kingorna qanoq piva?

6. Jehovap kina Biibilimi allakkanik kingullernik allatsippaa, Saqqummersitanilu suna oqaluttuarineqarpa?

Saniatigut apeqqutit:

1. Apustilit Suliaat 28:16-31 aamma Filippimiut 1:13 atuakkit.

   Romami parnaarussaatilluni Paulusip piffissani sumut atorpaa, aalajaatsumillu uppernera kristumiut ilagiissaannut qanoq sunniuteqarpa? (ApS 28:23, 30; Fil 1:14)

2. Filippimiut 2:19-30 atuakkit.

   Paulusip qanoq takutippaa Timotheusi Epafroditusilu pingaartillugit, Paulusillu maligassiaa qanoq ilaarsinnaavarput? (Fil 2:20, 22, 25, 29, 30; 1 Kor 16:18; 1 Th 5:12, 13)

3. Fiilimuut 1-25 atuakkit.

   1. Suna tunngavigalugu Paulusip Fiilimuut assuarnaatsumik iliornissaanut kajumissaarpaa, ullumikkullu utoqqaanertanut qanoq najoqqutassaalluarpa? (Fiil 9; 2 Kor 8:8; Gal 5:13)

   2. Paulusip Fiilimuut 13, 14-imi oqaasiisa qanoq ersersippaat qatanngutit allat nalunngeqatiginnissutaat ataqqigini? (1 Kor 8:7, 13; 10:31-33)

4. 2 Timotheusi 4:7-9 atuakkit.

   Apustili Paulusi assigalugu qanoq tatigisinnaavarput Jehovap akilissagaatigut naggatissamut aalajaakkutta? (Matt 24:13; Hebr 6:10)

Oqaluttuaq 114

1. Sooq Biibilimi hestit qilammiittut eqqartorneqarpat?

2. Guutip ajortunut nunamiittunut sorsunnissaa qanoq taaneqarpa, sunalu pillugu sorsunneqassava?

3. Assilissami sorsunnermi siulersuisoq kinaava, sooq kunngitut niaqoruteqarpa, pananilu sumut atussavaa?

4. Oqaluttuaq 10, 15 aamma 33 eqqarsaatigalugit sooq tupigusuutigissanngilarput Guutip ajortut tamaasa suujunnaarsikkumaarai?

5. Oqaluttuami 36-mi 76-imilu qanoq ersersinneqarpa Guutip inuit ajortut suujunnaarsikkumaarai naak imminut pallorfiginninneraraluartut?

Saniatigut apeqqutit:

1. Saqqummersitat 19:11-16 atuakkit.

   1. Biibilimi qanoq erserpa hestimi qaqortumi issiasoq tassaasoq Jiisusi Kristusi? (Saqq 1:5; 3:14; 19:11; Es 11:4)

   2. Jiisusip qallersaataa aammut misussimasoq qanoq ajugaanerata aalajangiisuulluinnarlunilu tamakkiineranut ersiutaava? (Saqq 14:18-20; 19:13)

   3. Sakkutoorpassuarnut Jiisusimut qaqortumik hestersumut malinnittunut peqataasut kikkuugunarpat? (Saqq 12:7; 19:14; Matt 25:31, 32)

Oqaluttuaq 115

1. Nunami paratiisi piumaartussaq Biibilimi qanoq oqaluttuarineqarpa?

2. Paratiisimi inuusussat Biibilimi qanoq oqaluttuarineqarpat?

3. Allanngornissaq nuannersoq tamanna Jiisusip qaqugu isumagissavaa?

4. Jiisusi nunamiikkallarami qanoq iliorpa, Guutip naalagaaffiani kunnginngoruni qanoq iliorumaarnini takutinniarlugu?

5. Jiisusip taassumalu qinigai, qilammit nunarsuarmut naalakkersuilerunik suna isumagissavaat?

Saniatigut apeqqutit:

1. Saqqummersitat 5:9, 10 atuakkit.

   Sooq qularinngissinnaavarput ukiuni 1000-ni nunarsuarmut naalakkersuisut kunngitut palasitullu misiginneqataallutillu naakkinnittuussasut? (Ef 4:20-24; 1 Petr 1:7; 3:8; 5:6-10)

2. Saqqummersitat 14:1-3 atuakkit.

   144.000-t qaamikkut Ataatap aqqanik Savaaqqallu aqqanik allassimasoqarnerat qanoq paasisariaqarpa? (1 Kor 3:23; 2 Tim 2:19; Saqq 3:12)

Oqaluttuaq 116

1. Naassaanngitsumik inuussagutta suna ilinniartariaqarparput?

2. Niviarsiaraq ikinngutaalu assilissamiittut assigalugit qanoq Jehova Guuti Jiisusilu ilinniarsinnaavagut?

3. Assilissami atuakkap aappaa suua, sunalu pillugu akulikitsumik atuartuartariaqarparput?

4. Naassaanngitsumik inoorusukkutta Jehova Jiisusilu pillugit ilinniarnerup saniatigut aamma qanoq iliortariaqarpugut?

5. Oqaluttuaq 69 qanoq ilinniarfigisinnaavarput?

6. Sooq Samueliaraq oqaluttuaq 55-imi eqqartorneqartoq maligassaalluarpa?

7. Qanoq ililluta Jiisusi Kristusi ilaarsinnaavarput, taamaalioruttalu siunissami suna misigisinnaavarput?

Saniatigut apeqqutit:

1. Johannesi 17:3 atuaruk.

   Biibilip qanoq ersersippaa Jehova Guutimik Jiisusi Kristusimillu ilisarisimanninneq tassaaginnanngitsoq ilisimasaqangaarneq? (Matt 7:21; Jaak 2:18-20; 1 Joh 2:17)

2. Tussiaat 145:1-21 atuakkit.

   1. Jehovap unnersiutiginissaanut pissutissarpassuit ilaat eqqaasinnaavigit? (Tuss 145:8-11; Saqq 4:11)

   2. Jehova qanoq tamanut ajunngitsuua, qanorlu taassumunnga qaninnerusumik attaveqalersinnaavugut? (Tuss 145:9; Matt 5:43-45)

   3. Jehova asagutsigu qanoq iliortariaqarpugut? (Tuss 119:171, 172, 175; 145:11, 12, 21)