Ikinngut nersorlugulu ataqqisaq ilaarniarneqartarpoq. „Ajun­ngitsuuvoq ilumoor­tuul­lunilu [Jehova],“ Biibilimi al­las­simavoq. (Tus­siaat 25:8) Guutimut ikin­ngutaas­sagut­ta ajun­ngitsuul­lutalu ileq­qoris­suusariaqar­pugut. Biibilimi al­las­simavoq: ’Guuti qitor­natut asanar­tutut malin­niarsiuk, asan­nil­lusilu saqigitsi.’ (Evfisumiut 5:1, 2) Ilaatigut imaaliorsin­naavugut:

Allanut ikiuiumatuugit. ’Tamanut ajun­ngitsulior­ta.’ — Galâsiamiut 6:10.

Sulilluartuugit. ’Til­lit­tar­toq til­lis­saarli, suliniarlunili as­sam­minik ajun­ngitsuliorli.’ — Evfisumiut 4:28.

 Timikkut ileqqussatigullu minguitsuujuarit. ’Im­mitsin­nik eq­qiar­niar­ta uin­ngul­lu anersaal­lu mingui tamaasa piiarlugit, iluarsinis­sarlu Guuti mianeralugu naam­mas­siniar­tigu.’ — 2 Korintumiut 7:1.

Ilaquttatit asannittuliorfigalugillu ataqqikkit. ’Tamas­si nuliasi im­mis­sisut asas­savasi, ar­nal­li uini mianeriniarliuk. Ilis­si meeq­qat, angajoq­qaasi naalas­sigik.’ — Evfisumiut 5:33–6:1.

Allat asannittuliorfigikkit. ’Asaqatigiin­niar­ta asan­nin­neq Guutimit pim­mat.’ — 1 Juánase 4:7.

Nunap inatsisai maleruakkit. ’Inuit tamarmik naalak­kersuisunut . . . naalat­tuugilit. . . . Tamaasa ilis­sin­nit pisas­saan­nik tunisigik: akileraarutinik pisus­saq akileraarutinik.’ — Rûmamiut 13:1, 7.