Guutip kissaatigaa imminut ikinngutaassasutit. Eq­qarsaatigisimaviuk silarsuarmi Pingaar­ner­paaq ikin­ngutigisin­naal­lugu? Abraham itsaq inuusimasoq ’Guutip asasaanik’ imaluun­niit Guutip ikin­ngutaanik taaneqarsimavoq. (Jâko 2:23) Al­lat­taaq Guutimut ikin­ngutaasimasut taas­suman­ngalu pil­luaq­quneqangaarsimasut Biibilimi eq­qaaneqar­put. Ul­lumik­kut silarsuarmi sumi tamaani inoqar­poq Guutimut ikin­ngutaalersimasunik. Il­lit­taaq Guuti ikin­ngutigilersin­naavat.

Guutimut ikinngutaaneq inuup kialuunniit ikinngutigineranit pitsaanerungaarpoq. Guutip ikin­ngutini ilumoor­tut pakatsisin­ngisaan­nar­pai. (Tus­siaat 18:26) Guutimut ikin­ngutaaneq pisuujunermit pitsaaneruvoq. Pisooq toqup­pat aningaasaatai al­lanit pigineqaler­tar­put. Guutimul­li ikin­ngutaasut an­naasin­naan­ngisamin­nik erlin­nar­tuutinik katersisimap­put. — Matîuse 6:19.

Inuit ilaasa Guuti pillugu ilinniarnissat immaqa akornuserniassavaat. Al­laat as­sor­tuineq taamaat­toq ikin­ngutin­neersin­naavoq ilaqut­tan­neersin­naal­luniluun­niit. (Matîuse 10:36, 37) Il­laruaatigineqaruit sioorasaar­neqaruil­luun­niit im­minut aperigit: ’Kimut iluarisaajumavunga — inun­nut Guutimul­luun­niit?’ Una eq­qarsaatigiuk: Nerisarun­naaq­quneqaruit naalas­sagaluar­piuk? Soorunami naamik! Inuugin­nas­saguit nerisariaqar­putit. Guutil­li inuunermik naas­saan­ngitsumik tunisin­naavaatit! Taamaat­tumik qanoq ilil­lutit Guutimut ikin­ngutaalersin­naanerlutit ilin­niar­nin­ni kinaluun­niit akor­nutaateqinagu. — Juánase 17:3.