Guutimut akeraanerpaaq tassaavoq Satan Diaavulu. Taan­na anersaajuvoq Jehovamut pikitsitsisimasoq. Satanip Guutimut as­sor­tuinini ingerlatiin­nar­paa inun­nul­lu ajor­nar­torsiuter­pas­suar­nik pilersitsil­luni. Satan ajorluin­nar­tuuvoq. Sal­lutuujuvoq toqutsisuul­lunilu. — Juánase 8:44.

Anersaat allat Satan Guutimut pikitsitseqatigaat. Biibilimi taak­ku anersaapilun­nik taaneqar­put. Satanitul­li taak­ku inun­nut akeraap­put. Inuit ajoquser­nis­saat nuan­naraat. (Matîuse 9:32, 33; 12:22) Jehovap Satan anersaapiluilu naas­saan­ngitsumik suujun­naarsis­savai. Inun­nik ajunaar­titsinis­samin­nut pif­fis­saarutiler­put. — sarĸúmersitat 12:12.

Guutimut ikinngutaajumaguit Satanip piumasaatut iliussanngilatit. Satanip anersaapiluil­lu Jehova uumigaat. Guutimut akeraap­put, kis­saatigaal­lu il­lit­taaq Guutimut akeran­ngor­nis­sat. Aalajanger­tariaqar­pat kimit iluarisaajumanerlutit — Satanimit Jehovamil­luun­niit. Naas­saan­ngitsumik inoorusuk­kuit Guutip piumasaatut ilior­tariaqar­putit. Satanip periaatsit as­sigiin­ngitsor­pas­suit atorlugit inuit tam­mar­tit­tar­pai. Inuit amerlanersaat taas­suman­nga tam­mar­tin­neqar­tar­put. — sarĸúmersitat 12:9.