Ajortorpassuit ullutsinni pisut takutippaat Paratiisi piviusunngungajalersoq. Biibilimi siulit­tuutigineqar­poq Paratiisip pilersin­neqar­nis­saa sioq­qutitsiarlugu ajor­tor­pas­suar­nik pisoqarfius­sasoq. Maan­nak­kut pif­fis­sami tamatumani inuuvugut! Biibilimi siulit­tuutigineqar­tut ilaat mak­kuup­put:

Sorsunnersuit. ’Inuiaat pikitsitsiumaar­put inuiaqatimin­nut, naalagaaf­fil­lu naalagaaf­feqatiminut.’ (Matîuse 24:7) Siulit­tuut taman­na eq­quutereer­poq. 1914-imiil­li sorsun­nersuar­ni marlun­ni sorsun­neerar­pas­suar­nilu min­nerusuni mil­lionilik­kuutaat toqusimap­put.

Nappaatit atugaangaarnerat. ’Tamatigut tamaana . . . toqorar­neq nal­liut­tarumaar­poq.’ (Lúkarse 21:11) Taamaap­pa? Aap. Kræfti, uum­matilun­neq, tuberkulose, malaria, AIDS nap­paatil­lu al­lat inuit mil­lionilik­kuutaat toqus­sutigaat.

Nerisassaaleqineq. Nunarsuaq tamak­kerlugu nerisas­saaleqisoqar­poq. Ukiut tamaasa mil­lionilip­pas­suit perlerlutik toqusar­put. Taman­nat­taaq qanit­tuk­kut paratiiseqaler­nis­saanut nalunaajaataavoq. Biibilimi al­las­simavoq: ’Kaan­neq nal­liut­tarumaar­poq.’ — Mákorse 13:8.

 Nunap sajuttarneri. ’Nuna tamatigut tamaana sajut­tarumaar­poq.’ (Matîuse 24:7) Tamak­kuat­taaq nalitsin­ni pivisun­ngor­put. 1914-imiil­li inuit 1 mil­lionit sin­nerlugit nunap sajun­nerini toqusimap­put.

Inuit guutiitsut. Inuit ’inuujumaar­put im­min­nik asasut aningaaserituul­lu’, ’Guutilu kajumiginagu nuan­naarutinut kajumit­tut’. Meeq­qat ’angajoq­qaamin­nut naalan­ngitsuus­sap­put’. (2 Timûtiuse 3:1-5) Inup­pas­suit ul­lumik­kut taamaat­tuun­ngin­ner­pat? Guuti ataq­qin­ngilaat, Guutimil­lu ilin­niarusut­tut akor­nusersor­tarlugit.

Pinerluttuliorneq. Aam­mat­taaq ’iluaatsulior­nerit amerliumaar­put.’ (Matîuse 24:12) Qular­nan­ngitsumik isumaqatigis­savatsigut pinerlut­tulior­nerit ukiualuit matuma sior­natigor­nit amerlinerusut. Sumi tamaani inuit til­lif­figineqariaan­naal­lutik, peq­quserluf­figineqariaan­naal­lutil­lu ajoquser­neqariaan­naap­put.

Tamakku tamarmik takutippaat Guutip naalagaaffia qanillisoq. Biibilimi al­las­simavoq: ’Taamat­taaq ilis­si tamak­ku pilersut takulerus­sigik ilisimas­savarsi Guutip naalagaaf­fia qanil­lisoq.’ (Lúkarse 21:31) Guutip naalagaaf­fia suua? Tas­saavoq Guutip qilam­mi naalak­kersuinera nunarsuarmi Paratiisimik pilersitsisus­saq. Guutip naalagaaf­fiata naalagaaf­fiit inuit pilersitaat kingoraas­savai. — Daniel 2:44.