Paratiisi silarsuarmit maanna inuuffigisatsinnit allaanerussaaq. Guutip nunarsuarmi ajor­nar­torsiuter­pas­suaqar­nis­saa, aliasuuter­pas­suaqar­nis­saa, an­niaater­pas­suaqar­nis­saa naal­liuter­pas­suaqar­nis­saalu kis­saatigisiman­ngisaan­nar­paa. Siunis­sami Guutip nunarsuaq paratiisin­ngor­tis­savaa. Paratiisi taan­na qanoq it­tuus­sava? Biibilimi al­las­simasut misis­soriar­tigik:

Inuit ajunngitsuinnaat tassaniissapput. Paratiisi Guutimut ikin­ngutaasut angerlarsimaf­figis­savaat. Ajun­ngitsuliorfigeqatigiis­sap­put. Guutip aq­qutigeq­qusai naaper­tuil­luar­tut naaper­torlugit inuus­sap­put. — Us­satit 2:21.

Tamarmik naammattunik nerisassaqassapput. Paratiisimi kaat­toqas­san­ngilaq. Biibilimi al­las­simavoq: „Karrit naam­mangaar­tut nunami naasimas­sap­put.“ — Tus­siaat 72:16.

Tamarmik pitsaasunik najugaqassapput nuannaarutigisaminnillu suliaqassallutik. Nunarsuarmi paratiisiusumi ilaqutariit tamarmik nam­minerisamin­nik il­loqas­sap­put. Tamarmik piviusumik pil­lualis­sutigisamin­nik suliaqas­sap­put. — Jesaja 65:21-23.

 Nunarsuaq tamakkerlugu eqqissineqassaaq. Akiuut­toqarun­naas­saaq sorsun­nermilu toqusoqas­saarluni. Biibilimi al­las­simavoq: „[Guutip] nunarsuarmi tamarmi sorsun­nerit soraarsik­kumaar­pai.“ — Tus­siaat 46:9, 10.

Tamarmik peqqilluinnassapput. Biibilimi ima neriorsuuteqar­poq: „Nunatsin­ni [paratiisis­sami] ima oqar­toqas­san­ngilaq: ’Nap­parsimavunga!’“ (Jesaja 33:24) Tusiat­toqas­san­ngilaq, tap­piitsoqas­sanani, tusilar­toqas­sanani oqajuitsoqas­sananilu. — Jesaja 35:5, 6.

Anniaatit, aliasunneq toqulu atugaajunnaassapput. Guutip oqaasiani al­las­simavoq: ’Toqu peqarun­naas­savoq, aliasut­toqarun­naarlunilu nil­liasoqarun­naarlunilu an­niar­toqarun­naas­savoq, siul­liit peermata.’ — sarĸúmersitat 21:4.

Inuit ajortut peerussimassapput. Jehova neriorsuivoq: „Guutiitsut piiagaas­sap­put tunus­sisul­lu nunamin­nit aal­larun­neqarlutik.“ — Us­satit 2:22.

Inuit asaqatigiillutillu ataqqeqatigiissapput. Naaper­tuil­luan­ngitsulior­toqas­sanani, naqisiman­nit­toqas­sanani piumatooqas­sananilu uumis­suisoqas­san­ngilaq. Inuit ataasius­suseqas­sap­put Guutil­lu naaper­tuil­luas­susia malil­lugu inuus­sal­lutik. — Jesaja 26:9.