Guutimut ikinngutaajumaguit Guutip akuerisaanik upperisaqartariaqarputit. Jesus oqarsimavoq ’pal­lorfigin­nit­tut ilumoor­tut’ ilumoor­tumik imaluun­niit sal­lusuis­sut naaper­torlugu Guuti pal­lorfigis­sagaat. (Juánase 4:23, 24) Guutimik pal­lorfigin­neriaaseq eq­qor­toq ataasiin­naavoq. (Evfisumiut 4:4-6) Up­perisarsior­neq ilumoor­toq inuunermut naas­saan­ngitsumut sam­mivoq, eq­qun­ngitsumil­lu up­perisarsior­neq aseror­nis­samut sam­mil­luni. — Matîuse 7:13, 14.

Upperisaq ilumoortoq nanineqarsinnaavoq tamatuminnga upperisaqartut qimerlooraanni. Jehova ajun­ngitsuum­mat taas­sumin­nga pal­lorfigin­nit­tut ilumoor­tut ajun­ngitsuusariaqar­put. Soorlut­taaq or­pik ap­pelsiinaqar­tar­toq ajun­ngitsunik inerititaqar­tar­toq, up­perisaq ilumoor­toq inun­nik ajun­ngitsunik inerititaqar­tar­poq. — Matîuse 7:15-20.

Jehovamut ikinngutaasut Biibili ataqqingaartarpaat. Nalun­ngilaat Biibili Guutimeersuusoq. Tas­sani al­las­simasut inuunermin­ni najoq­qutaraat, ajor­nar­torsiutimin­nut aaq­qiis­suutis­satut ator­tarlugit. Aam­mat­taaq Guutimik ilisarsinis­samin­nut Biibili iluaqutigisar­paat. (2 Timûtiuse 3:16) Ajoqersuiner­tik naaper­torlugu inuuniarsarip­put.

 Jehovamut ikinngutaasut asaqatigiittarput. Inuit Guuti pil­lugu ilin­niar­tin­nerisigut nap­parsimasul­lu ajorun­naarsin­nerisigut Jesusip asan­nin­nini takutip­paa. Ilumoor­tumik up­perisal­lit aam­ma tul­litik asavaat. Jesusitul­li piitsunik imaluun­niit naggueqatigiin­nik al­laneersunik nikagin­nin­neq ajor­put. Jesus oqar­poq ajoqersuk­kani asaqatigiin­nerisigut ilisarineqarsin­naasut. — Juánase 13:35.

Guutimut ikinngutaasut aqqa Jehova ataqqivaat. Atin­nik atuiuman­ngitsoq ikin­ngutaal­luar­neras­sagaluar­piuk? Ilaa, naamik! Ikin­nguteqarut­ta aq­qa ator­tar­par­put ajun­ngitsumil­lu eq­qar­tor­tarlugu. Taamaat­tumik Guutimut ikin­ngutaajumasut aq­qa ator­tariaqar­paat taan­nalu pil­lugu al­lat oqalut­tuut­tariaqarlugit. Taamaalior­nis­sar­put Jehovap kis­saatigaa. — Matîuse 6:9; Rûmamiut 10:13, 14.

Jesusitulli Guutip ikinngutaasa Guutip naalagaaffia pillugu inuit ilinniartittarpaat. Guutip naalagaaf­fia tas­saavoq naalagaaf­fik qilam­miit­toq nunarsuarmik paratiisin­ngor­titsisus­saq. Guutip ikin­ngutaasa Guutip naalagaaf­fianik nutaarsias­saq nuan­nersoq taman­na al­lanut oqalut­tuarisar­paat. — Matîuse 24:14.

Jehovap Nalunaajaasuisa Guutimut ikinngutaanissartik ilungersuutigaat. Biibili ataq­qivaat asaqatigiil­lutil­lu. Guutip aq­qa ator­tar­paat al­lal­lu Guutip naalagaaf­fia pil­lugu ilin­niar­tit­tarlugit. Ul­lumik­kut Jehovap Nalunaajaasui nunarsuarmi ilumoor­tumik up­perisarsior­tuup­put.