Asasarput oqaluus­sisartoq

Takorlooruk apustilillu Qaqqami Oliivenequtilim­miittusi. Jiisusi saqqummerpoq. Qilalian­nginnermini oqarfigaasi: “[Anersaap] illernartup qulangerpasi nukimmik pissaasi, aamma Jerusalemmimi, Judiiami tamarmi, Samaariami nunarsuullu isorpiaa tikillugu uanga pillunga ilisiman­nittutut nassuiaassaasi.” (ApS 1:8) Qanoq qisuarias­sagaluarpit?

Imaassinnaavoq Jiisusip suliassiis­sutaatut iliornissat sapersorigit. Immaqa eqqarsarputit: ‘Qanoq ililluta taama ikitsigaluta “nunarsuup isorpiaa tikillugu” oqaluus­sisinnaas­sagatta?’ Immaqa eqqaassavat Jiisusi aqagumut toqusus­saalluni qanoq mianersoq­qusisoq: “Inussiaq naalakkaminit annerunngilaq. Uanga malersorsimaguninnga aamma ilissi malersus­savaasi. Uanga oqaatsikka maleruarsimagunikkit aamma ilissi oqaatsisi maleruassavaat. Aallartitsisigali ilisarisiman­nginnamikku atera pissutigalugu taama pissavaasi.” (Joh 15:20, 21) Oqaatsit taakku eqqarsaatigalugit immaqa ima eqqarsarputit: ‘Taamatut akerlilersugaassaguma qanoq ilillunga oqaluus­siuarsin­naassagama?’

Nalitsinni aamma taamaappoq. Jehovamik Nalunaajaasuusugut ‘nunarsuup isorpiaa tikillugu’ “inuit inuiaqatigiinnit tamaneersut” oqaluus­siffiginis­saannik suliassin­neqarpugut. (Mat 28:19, 20) Suliarput tamanna qanoq naammas­sisinnaavarput, ingammik malersugaanitsinni?

Apustilit Suliaat atuagaavoq pissanganartoq, tassanilu apustilit kristumiullu siulliit Jehovap ikiuineratigut oqaluus­sinermi angusaqarluarsimanerat oqaluttuarineqarpoq. Kristumiut taakku oqaluussineq siaruapallammat qanoq misigisimanersut takorlooruminar­nerulersin­niarlugu atuagaq manna sanaajuvoq. Taamani nalitsinnilu pissutsit assingus­suteqangaarnerat tupaallaatigissavat. Oqaluus­sinermi suliarput taakkua suliaannut assinguin­narnani aamma suliatta aaqqissugaaneranut tunngatillugu assingus­suteqartoq paasissavat. Taakkua eqqarsaatigeq­qissaar­nerisigut Jehovap Guutip peqatigiif­fitsinnik siulersuisuuneranik upperin­ninnerit nakussatsin­neqassaaq.

Neriuutigaarput qinnutigalugulu atuakkamik Apustilit Suliaannik misissuinikkut Jehovap ilinnik ikiuineranik upperin­ninnerit nakussatsin­neqassasoq anersaavanillu illernartumit pissatsin­neqassasutit. Atuakkami matumani ilinniar­titsissutigineqartut maleruarukkit Guutip kunngeqarfia pillugu ‘ilisiman­nittutut nassuiaaq­qissaarsin­naassaatit’, tassa oqaluus­siuarsin­naassaatit, aamma tusarnaartitit naassaan­ngitsumik inuusin­naalernissamut ikiorsin­naassallugit. – ApS 28:23; Tim 1. 4:16.