1-6. Oqaluus­sisartut assigiin­ngitsunik atugaqaraluarlutik oqaluus­siuarnerat oqaluttuariuk.

 REBECCA Jehovamik Nalunaajaasoq inuusuttoq Ghanami najugalik atuarfimmini oqaluus­sisarpoq. Biibililersaarutinik atuarfimmut nassartuaannarpoq anitsiarfimmi atuaqatiminik oqaluus­siffissarsiortarami. Atuaqatimi ilaat arlallit Biibilimik misissueqatigisalerpai.

² Afrikap kangiata avataani qeqertami Madagaskarimi pionerit marluk illoqarfeeqqamut avinngarusimasumut 25 kilometerisut ungasitsigisumut kiassuup ataani pisuinnarlutik oqaluus­siartortarput. Tassani arlalinnik Biibilimik misissueqateqartarput.

³ Paraguaymi Nalunaajaasut inuit Paraguaymi Paranámilu kuussuit killingini najugallit tikissin­naajumallugit Nalunaajaasut allat nunanit 15-init assigiin­ngitsuneersut ikiortigalugit umiatsialiorput. Umiatsiap tonsinik 45-nik oqimaas­susillip inuit aqqaneq-marluk angallas­sinnaavai. Taamaasillutik oqaluus­sisartut aallussil­luartut allatigut tikinneqarsin­naanngitsumi nutaarsiassat nuannersut oqaluus­sissutigisarpaat.

⁴ Alaskami Nalunaajaasut aasakkut takornarianut oqaluus­sisarput. Kiatsinnerani umiarsuit takornariaatit inunnik nunanit assigiin­ngitsorpas­suarneersunik ilaasoqarlutik tikikkaangata Nalunaajaasut atuagaasivik Biibililersaarutinik oqaatsinik assigiin­ngitsorpas­suarnik imalik nassarlugu umiarsualiviliartarput. Alaskap ilaani illoqarfeeqqani inuit aleutitut, athapaskitut, tsimshianitut aamma tlingitut oqaasillit timmisartumik tikinneqartarput.

⁵ Larry USA-mi Texasimeersoq immikkut oqaluus­siffigisar­tagaqarpoq – tassa utoqqaat illuanni nammineq najugaqarfimmini. Ajutoornini pissutigalugu kaassuar­takkamiik­kaluarluni uninngaan­nanngilaq. Guutip kunngeqarfia, ilaatigut pisoqqit­talerumaarluni neriuutini, pillugu oqaluus­sisarpoq. – Es 35:5, 6.

⁶ Mandalaymi oqaluus­sisartut eqimattat ulluni pingasuni umiarsuarmut ilaasar­taammut ilaallutik Myanmarip avannaanut ataatsimeersuariarput.  Oqaluus­serusungaaramik Biibililersaarutinik ilaaqatiminnut agguaatas­saminnik nassarput. Ilaasartaallu illoqarfimmut nunaqarfim­mulluunniit tikikkaangat oqaluus­sisartut Biibililersaarutinik agguaas­sipallattarput. Ilaasussat allat ikigaangata allanik oqaluus­siffigisas­saqalertarput.

7. Jehovap Nalunaajaasui Guutip kunngeqarfia pillugu qanoq oqaluus­seriaaseqarpat, sunalu anguniagaraat?

⁷ Nalunaajaasut eqqartoriikkagut assigalugit nunarsuaq tamakkerlugu nalitsinni Jehovamut kiffartortut aallussil­luartut ‘Guutip kunngeqarfia pillugu ilisiman­nittutut nassuiaaq­qissaartarput’. (ApS 28:23) Illumiit illumut, aqqusinerni saaffigin­nillutik, allakkatigut oqarasuaatikkullu oqaluus­sisarput. Busseraluarunik, pisuttuaraluarunik suliffim­minniluunniit ulloqeq­qasioraluarunik Guutip kunngeqarfia pillugu oqaluus­sinissaminnut periarfis­sarsior­tuartarput. Periaatsit assigiin­ngitsuupput, assigiimmilli anguniagaqarput – tassa inuit sumiikkaluar­tulluunniit oqaluus­siffiginissaat. – Mat 10:11.

8, 9. (a) Sooq oqaluus­sinerup siaruapiloornera tupinnarpa? (b) Apeqqut suna soqutiginarpa, tamannalu akissutis­sarsiumallugu susariaqarpugut?

⁸ Asasarput matuminnga atuartuusutit, nunani 235-nit amerlanerusuni oqaluus­sisartut ilagaatsit? Taamaappat oqaluus­sinerup siaruapiloornera peqataaffigaat. Nunarsuaq tamakkerlugu oqaluus­sinermi angusat tupinnaqaat! Naak ajornar­torsiuteqangaaraluarlutik – ilaatigut malersor­neqaraluarlutik suliaallu naalakkersuisunit inerteq­qutaagaluartoq – Jehovap Nalunaajaasui inuiannut tamanut Guutip kunngeqarfia pillugu oqaluus­siuarput.

⁹ Apeqqut una eqqarsaatiginikuuiuk? Sooq oqaluussineq ajornar­torsiutinit Saatanil­luunniit akerlilersuineranit unitsin­neqarsin­naanngila? Tamanna akissutis­sarsiniarlugu kristumiut siulliit nalaanni pisut misissoq­qaartariaqarpagut. Nalitsinnimi Jehova pillugu oqaluussineq kristumiut siulliit nalaanni aallartin­neqartup nanginneraa.

10. Jiisusip suliaq suna pingaar­nerpaatippaa, tamannalu pillugu suna nalunngilaa?

¹⁰ Ilagiinnik kristumiunik pilersitsisup, Jiisusip Kristusip, nammineq Guutip kunngeqarfia pillugu oqaluussineq inuunermini pingaar­nerpaatippaa. Ilaanni ima oqarpoq: “Guutip kunngeqarfia pillugu nutaarsiassat nuannersut illoqarfinni allani aamma oqaluus­sissutigisariaqarpakka, tamannami pillugu aallartitaavunga.” (Luk 4:43) Jiisusillu nalunngilaa suliaq aallartitani  nammineq naammas­sisussaanagu. Toqussi qanillisoq siulittuivoq Kunngeqarfik pillugu tusarliussaq “inuiaqatigiinnut tamanut” oqaluus­sissutigineqassasoq. (Mak 13:10) Kikkulli qanorlu oqaluus­sissappat?

11. Jiisusip ilinniartitani pingaarutilimmik sumik suliassippai, qanorlu tapersersor­neqartariaqarpat?

¹¹ Toqunermi makititaanermilu kingorna Jiisusi ilinniar­titaminut saqqummerpoq oqarlunilu pingaarutilimmik suliassaqartut: “Inuit inuiaqatigiinnit tamaneersut uannik malinnit­tunngoq­qullugit ilinniar­tikkiar­torsigit. Ataatap aqqani, Ernerup aqqani anersaallu illernartup aqqani imermut morsutsissavasi ilissinnullu peqqussutinnik tamanik maleruaaq­qullugit ilinniar­tillugit. Eqqaamasiullu naggatissap nalaata tungaanut ullut tamaasa najorassi.” (Mat 28:19, 20) Oqaatsimit “najorassi”-mit erserpoq ilinniartitat oqaluus­sinerminni ilinniar­titsinerminnilu Jiisusimit tapersersor­neqassasut. Tapersersor­neqartariaqarput, Jiisusimi oqarpoq ‘inuiaqatigiinnit tamanit uumissor­neqarumaartut’. (Mat 24:9) Allatigut aamma ikiorneqarumaartut Jiisusip oqaatigaa. Qilalialerlunimi oqarfigai ‘nunarsuup isorpiaa tikillugu’ oqaluus­sinerminni anersaamit illernartumit ikiorneqassasut. – ApS 1:8.

12. Apeqqutit pingaarutillit suut apeqqutaalerpat, aamma sooq akissutaat ilisimas­sallugit pingaaruteqarpa?

¹² Maanna pingaarutilinnik apeqqutis­saqalerpugut: Jiisusip apustiliisa ilinniar­titaasalu allat taamani suliassartik pimooruppaat? Kristumiut angutit arnallu amerlan­ngitsut sakkortuumik malersugaagaluarlutik ilumut Guutip kunngeqarfia pillugu oqaluus­siuarpat? Ilumut ilinniar­titsinerminni Jehovamit tapersersor­neqarlutik anersaamit illernartumit ikiorneqarpat? Apeqqutit taakku assigisaallu Biibilip atuagartaani Apustilit Suliaanni akissutis­saqarput. Akissutis­sarsinissaat pingaaruteqarpoq. Sooq? Jiisusi neriorsuivoq suliaq aallartitani “naggatissap nalaata tungaanut” suliarineqassasoq. Tamanna kristumiut ilumoortut tamarmik, aamma naggatissap nalaani inuusut, suliassaraat. Taamaattumik Apustilit Suliaanni oqaluttuarineqartut piviusut soqutigingaarpagut.

13, 14. (a) Apustilit Suliaat kimit allanneqarpat, allattullu paasissutissat qanoq pissarsiarisimavai? (b) Apustilit Suliaanni suut sammineqarpat?

¹³ Kiap Apustilit Suliaat allappai? Tamanna Apustilit Suliaanni allassimanngilaq, tamatumali aallartinnerani oqaatsinit erserpoq Lukkarsip iivangkiiliuanik allattup aamma Apustilit Suliaat allassimassagai. (Luk 1:1-4; ApS 1:1, 2) Taamaattumik ilimagineqarpoq  Lukkarsip ‘nakorsap asasap’ oqaluttuarisaanermillu ilisimatuup peqqissaartup Apustilit Suliaat allatarisimassagai. (Kol 4:14) Ukiut 28-t missaanni pisut allaatigineqarput, tassa Jiisusip ukiumi 33-mi qilaliar­neraniit Paulusip ukiup 61-ip missaani Romami parnaarus­saanera tikillugu. Lukkarsi oqaluttuar­nermini imminut ilanngummat erserpoq pisuni amerlasuuni najuussimasoq. (ApS 16:8-10; 20:5; 27:1) Peqqissaarluni misissueq­qissaar­tartuugami Lukkarsip Paulusi, Barnaba, Fiilippi allallu qanoq misigisaqar­tarsimanersut apersor­tarsimas­sagunarpai.

¹⁴ Apustilit Suliaanni suut sammineqarpat? Lukkarsip iivangkiiliumini Jiisusip oqaasii iliuusiilu siusinnerusukkut allaatigai. Lukkarsip Apustilit Suliaanni Jiisusip ilinniar­titaasa oqaasii iliuusiilu allaaserai. Atuakkami tassani oqaluus­sisartut ilarpassui ‘ilinniarsimasuunatillu inuinnaasutut’ isigineqartut suliassiissummik immikkut ittumik suliarinnittut allaaserineqarput. (ApS 4:13) Lukkarsip Guutip anersaavanit ikiorneqarluni ilagiit kristumiut pilersin­neqarnerat amerliar­tornerallu oqaluttuarai. Kristumiullu siulliit oqaluus­sisarnerat, oqaluus­seriaasii isiginnit­taasiallu oqaluttuarineqarput. (ApS 4:31; 5:42) Oqaluus­sinermi anersaap illernartup pingaaruteqarnera ersersin­neqarpoq. (ApS 8:29, 39, 40; 13:1-3; 16:6; 18:24, 25) Biibilimi pingaarnersaq, Jiisusip Kristusip Guutip kunngeqarfiani kunngiutillugu Guutip aqqata illernarsisin­neqarnissaa, erseqqis­sarneqarpoq. Aamma malersor­neqarneq sakkortugaluartoq oqaluus­sinerup siaruapiloornera oqaluttuarineqarpoq. – ApS 8:12; 19:8; 28:30, 31.

15. Apustilit Suliaanik misissueq­qissaarnerput sutigut iluaqutigis­savarput?

¹⁵ Biibilip atuagartaanik Apustilit Suliaannik misissueq­qissaarneq pissanganarlunilu uppernikkut nakussatsinnarpoq. Kristusip ilinniar­titaasa siulliit sapiitsuunerat aallussil­luarnerallu eqqarsaatigigutsigit killitsingaarlutalu ilaarusulis­savagut. Tamanna Jiisusip inuit imminik ‘malinnit­tunngoq­qullugit ilinniar­titsiar­toqqusinerata’ naammas­sinissaanut iluaqutigis­savarput. Atuagaq manna atuarlugu aallartitat Apustilit Suliaannik misissueq­qissaarnermi iluaqutis­siaavoq.

16. Atuakkami matumani suut pingaarnertut siunertarineqarpat?

¹⁶ Atuakkami matumani suut pingaarnertut siunertarineqarpat? Uku pingasut siunertarineqarput: (1) Oqaluus­sinitsinni Jehovap anersaani illernartoq atorlugu ikiuisar­neranik upperin­nilluin­narnissarput, (2) kristumiut siulliit oqaluus­sinerminni eqiasuil­lutillu  aallussil­luarnerisa atuarneratigut oqaluus­sinissamut kajumis­sinissarput aamma (3) Jehovap peqatigiis­sortaanik aamma oqaluus­sinermi ilagiinnilu siuttuusunik pingaar­titsineruler­nissarput.

17, 18. Atuagaq qanoq immikkoor­titerneqarpa, Biibilimillu misissueq­qissaarninni suut iluaqutigisin­naavigit?

¹⁷ Atuakkami paasissutissat qanoq saqqummiun­neqarpat? Arfineq-pingasunik immikkoor­tortaqarpoq. Siunertarineqanngilaq versikkuutaarilluni Apustilit Suliaannik misissueq­qissaarnissaq. Siunertarineqarporli pisimasut ilinniarfiginissaat ilikkak­kagullu inuunitsinni qanoq atorsin­naanerlugit paasinnin­nissarput. Atuakkami matumani kapitalit aallartin­neranni tamatigut sammineqartussat naatsumik allaatigineqartarput aamma Apustilit Suliaanni versit sorliit sammineqas­sanersut allassimasarluni.

¹⁸ Biibilimik misissueq­qissaarninni atuakkami matumani iluaqutigisin­naasaqarputit. Pisimasut Apustilit Suliaanni oqaluttuarineqartut takorlooruminarsar­niarlugit assit assiliartallu atorneqarput. Kapitalini amerlasuuni ungalusaqarpoq iluaqutaasin­naasunik paasissutis­salinnik. Ungalusat ilaanni Biibilimi inuttaasoq maligas­saalluartoq oqaluttuarineqartarpoq. Ungalusani allani sumiiffiit, pisimasut, ileqqut imaluunniit inuit allat Apustilit Suliaanni allaatigineqartut eqqartor­neqarnerusarput.

19. Ilaannikkut susassaagut?

¹⁹ Unneqqarilluta imminut misissor­nitsinni atuagaq manna iluaqutigisin­naavarput. Qanorluunniit sivisutigisumik oqaluus­sisartuusimagaluarutta ilaannikkut inuunermi suut pingaar­tinnerunerlugit oqaluus­sinermullu qanoq isiginnit­taaseqar­nerluta eqqarsaatigeq­qissaar­tariaqarpagut. (Kor 2. 13:5) Uku eqqarsaatigikkit: ‘Oqaluus­sinerup nukingin­narnera eqqumaf­figiuarpara?  (Kor 1. 7:29-31) Qularnanga aallussil­luarlungalu nutaarsiassat nuannersut pillugit oqaluus­sisarpunga? (Tes 1. 1:5, 6) Sapinngisara tamaat oqaluus­sillungalu Jiisusimut malinnit­tunngor­titsiniarpunga?’ – Kol 3:23.

20, 21. Sooq suliarput aatsaat taama pingaaruteqartigaa, sunalu aalajangiusimasariaqarparput?

²⁰ Eqqaamajuartigu pingaarutilimmik suliassin­neqarsimasugut – tassa oqaluus­sinermik Biibilimillu ilinniar­titsinermik. Naggatissaq qanilliartormat suliarput aatsaat taama pingaaruteqartigaaq. Taamaattumik inuit Harmagedonnimi aniguis­sagunik susariaqar­nerlutik aatsaat taama paasisariaqar­tigilerpaat. Suli naluarput inuit ‘eqqortumik pissutiginiagaqarlutik’ tusarusuttut qassiunersut. (ApS 13:48) Piffissaagal­lartilluguli inuit taamaattut ikiornissaat uagut akisussaaf­figaarput. – Tim 1. 4:16.

²¹ Taamaattumik pingaaruteqarpoq kristumiut siulliit nalaanni oqaluus­sisartut aallussil­luartut ilaarnissaat. Neriuutigaarput atuakkamik matuminnga misissueq­qissaarnerit oqaluus­sinermi suli aallussil­luarneruler­nissamut sapiinneruler­nissamullu kajumis­sissutigissagit. Qanortorlu ‘Guutip kunngeqarfia pillugu ilisiman­nittutut nassuiaaq­qissaar­tarnikkut’ oqaluus­siuarnissamut aalajangiusiman­ninnerulis­sutigiuk. – ApS 28:23.