OQALOQATIGINNEQQAARNERMI
ILINNIAGASSAQ 5
Ataqqinninneq
Najoqqutassiaq: “Tamatigut tusaruminartumik … oqaluttassaasi.” – Kol 4:6.
Paulusi qanoq iliortoq
1. VIDEO isiginnaaruk, imaluunniit Apustilit Suliaat 17:22, 23 atuakkit. Apeqqutillu uku eqqarsaatigikkit:
-
Paulusip Athenimiut guutiliaat qanoq isumaqarfigai? – Apustilit Suliaat 17:16 takuuk.
-
Paulusip Athenimiut isornartorsiornagit upperisaat tunngavigalugu qanoq ataqqinnilluni oqaluussiffigai?
Paulusi sumik ilinniarfigaarput?
2. Suut oqaatigissanerlugit qanorlu qaqugukkullu oqalussanerluta eqqumaffigisarutsigu inuit tusarnaarusunnerussavaatigut.
Paulusi ilaaruk
3. Tusaruminartunik oqaaseqartarit. Assersuutigalugu kristumiuunngitsoq oqaloqatigigukku Biibili Jiisusilu qanoq eqqaanerlugit eqqumaffigissavat.
4. Naqqiiniapallannaveersaartarit. Oqaloqatigisat Biibilimut akerliusumik oqaluppat akornusernaveersaartaruk. (Jaak 1:19) Tusarnaarukku aatsaat paasisinnaassavat qanorpiaq upperisaqartoq aamma sooq taama isumaqartoq. – Uss 20:5.
5. Tulluaraangat isumaqatigisaruk nersualaartarlugulu. Ilumoorluni isumaqarsinnaavoq nammineq upperisani eqqortuusoq. Isumaqatigiissutigisinnaasasi eqqartorlugit Biibilimi ilinniartitsissutigineqartunik ilumoortunik paasinnikkiartuaartiguk.
AAMMA TAKUKKIT
Uss 25:15; Tim 2. 2:23-26; Pet 1. 3:15
