PULAAQQIINERMI
ILINNIAGASSAQ 7
Pinertusaarneq
Najoqqutassiaq: “Nutaarsiassat nuannersut pillugit ilinniartitsiuarlutillu oqaluussiuarput.” – ApS 5:42.
Paulusi qanoq iliortoq
1. VIDEO isiginnaaruk, imaluunniit Apustilit Suliaat 19:8-10 atuakkit. Apeqqutillu uku eqqarsaatigikkit:
Paulusi sumik ilinniarfigaarput?
2. Pulaaqqiinermi angusaqarluarumalluta Biibilimillu ilinniartitaqalerumalluta piffissarput nukigullu atortariaqarpagut.
Paulusi ilaaruk
3. Pulaakkap piffissaanut naleqqussartarit. Imminut aperigit: ‘Qaqugukkut angerlarsimasarpa? Qaqugukkut sumilu oqaloqatigiinnissamut piffissaqartarpa?’ Ilinnut piffissaanngikkaluarpat pulaaqqiiniartarit.
4. Aperiuk qaqugu orneqqissinnaanerlugu. Oqaloqatigeereeraangassi pulaaqqiinissamut piffissamik isumaqatiginiartaruk piffissarlu eqqortittarlugu.
5. Isumalluartuarit. Pulaaqqittagaq angerlarsimanngikulappat ulapittuuppalluunniit ingerlaannaq isummeqinak soqutiginninngitsuusoq. (Kor 1. 13:4, 7) Pulaaqqiiuartarit, piffissannilli silatusaartumik atuigit. – Kor 1. 9:26.