Ima pisoqar­toq takorlooruk: Un­nuk­kut pingasun­ngor­neruvoq. Salik 17-inik ukiulik angerlarsimaf­fim­mi sulias­sat naam­mas­seq­qam­merlugit kiisami qasuersaarsin­naan­ngor­poq. Fjer­nsyni ikip­paa is­siavin­naaminul­lu ingil­luni.

Taamaalisorlu angutaa nuan­naar­pasin­nani matuk­kut nuivoq.

Saliusuuguit taamatut aporaan­neq qanoq pin­ngitsoor­tis­simas­sagaluar­piuk?

Angajoq­qaanik at­taveqaqateqar­neq biiler­ner­tut ip­poq. Aq­qusineq as­ser­neqarsimap­pat al­lak­koor­tariaqas­saatit.

 ASSERSUUTIGALUGU:

Niviarsiaraq Najamik atilik ima oqalut­tuar­poq: “Ataataga oqaloqatigis­sal­lugu saper­nar­tit­tar­para. Ilaan­nik­kut sivisulaamik oqaluutereerlugu ima akisar­paanga: ‘Ah, uangaana oqaluuk­kim­ma?’”

NAJA MINNERPAAMIK PINGASUNIK PERIARFISSAQARPOQ.

1. Ataatani nil­liaf­figisin­naavaa.

   Naja nil­liavoq: “Qaa, qas­sis­saa! Tusar­naalaarit!”

2. Ataatani oqaluuk­kun­naar­sin­naavaa.

   Najap ajor­nar­torsiutini pil­lugu ataatani oqaloqatigerusuk­kun­naar­paa.

3. Kingusin­nerusuk­kut oqaloqatigisin­naavaa.

   Najap ataatani pif­fis­sami naleq­qun­nerusumi oqaloqatigaa, imaluun­niit ajor­nar­torsiutini pil­lugu al­laf­figaa.

Illit periarfissaq sorleq Najamut siun­nersuutigis­sagaluar­piuk?

UNA EQQARSAATIGIUK: Najap angutaata al­lat eq­qarsaatigigamigit panini pakatseq­qasoq malugin­ngilaa. Taamaat­tumik periarfissaq A toq­qar­neqar­pat Najap angutaata paasis­sagunan­ngilaa sooq nil­liaf­figineqarluni. Taama pisoqar­pat angutaa tusar­naarusun­neruler­navian­ngilaq, aam­ma Najap angun­ni ataq­qil­lugu ersersin­navian­ngilaa. (Efesosimiut 6:2) Taman­na tamanut iluaqutaanavian­ngilaq.

Periarfissaq B ajor­nan­ngin­ner­paar­pasis­sin­naavoq, silatusaar­nerus­san­ngilarli. Sooq? Najap ajor­nar­torsiutini pitsaasumik aaq­qis­saguniuk ataatani oqaloqatigisariaqaramiuk – angutaatalu panini ikius­saguniuk paasisariaqar­paa inuunerani susoqar­nersoq. Nipangersimanik­kut taak­kua arlaat anguneqarsin­naan­ngilaq.

Najap periarfissaq C toq­qaruniuk aq­qusinermi as­siaqut unis­sutigis­san­ngilaa. Sam­misarli kingusin­nerusuk­kut eq­qar­torumas­savaa. Najalu ataataminut al­lak­kuni im­maqa ingerlaan­naq iluaal­las­saaq.

Aam­ma al­lan­nermigut oqaatigerusutani nas­suiarluar­nerusin­naavaa. Angutaatalu al­lagaq atuaruniuk oqaatiginiagai ajor­nar­torsiutaalu paasis­savai. Taamaat­tumik periarfis­saq C tamanut iluaqutaas­saaq. Najap ataatani oqaloqatigiguniuk imaluun­niit al­laf­figiguniuk ‘eq­qis­sinar­tut noq­qaas­sutiginis­saan­nik’ Biibilimi siun­nersuut maleruas­savaa. – Romamiut 14:19.

Naja aamma allanik sunik periarfis­saqarpa?

Periarfissaq taanna qanoq kinguneqar­sin­naanersoq eqqar­saatigiuk.

Eq­qaamajuk oqaatigisatit angajoq­qaavil­lu oqaatsin­nik paasin­nit­taasiat ilaan­nik­kut as­sigiin­neq ajormata.

ASSERSUUTIGALUGU:

Angajoq­qaavit aperaatsit sooq nikal­lunganersutit. Ima akivutit: “Taman­na eq­qar­torusun­ngilara.”

Angajoq­qaavil­li una tusaavaat: “Oqaloqatigis­sal­lusi tatigival­laan­ngilas­si. Ilis­si pin­nasi ikin­ngutik­ka ajor­nar­torsiutin­nik oqaloqatigis­savak­ka.”

Takorlooruk aaq­qik­kuminaatsumik ajor­nar­torsiuteqar­tutit angajoq­qaavil­lu ikiorusuk­kaatsit. Imali oqarfigaatit: “Ajun­ngilaq nam­mineq aaq­qis­sin­naavara.”

• Angajoq­qaavit im­maqa suna tusaavaat?

• Pitsaanerusumik qanoq akisin­naavit?