Ima pisoqar­toq takorlooruk: Miniup ikin­ngutini pin­nguaqatigitil­lugit sanilimi biiliata igalaava arsamik eq­qorlugu aseror­paa.

Il­lit Miniusuuguit qanoq iliorsimas­sagaluar­pit?

PINGASUNIK PERIARFISSAQARPUTIT:

1. Qimaas­saatit.

2. Al­la pisuutis­savat.

3. Sanilit qanoq pisoqar­neranik oqalut­tuutis­savat aseruk­kal­lu akilerumal­lugu.

Im­maqa periarfis­saq A toq­qarusus­savat. Kuk­kus­sutivil­li – igalaamik aseruinerup­pat al­laap­pal­luun­niit – nas­suerutiginis­saanut tamatigut pis­sutis­saqarluar­tar­poq.

1. Eqqortuliorneruvoq.

   Biibilimi al­las­simavoq: ‘Tamatigut eq­qor­tumik iliorumasar­pugut.’ – Hebræerit 13:18.

2. Nassuerutigin­nit­tut isumak­keer­figiumaneqar­nerusar­put.

   Biibilimi al­las­simavoq: “Unioq­qutitsinerminik iser­tuisoq pil­luaatis­saqan­ngilaq; ajor­tuliaminil­li an­ngiiaatigin­nit­toq soraarus­sisorlu nal­lit­tor­neqar­tus­saavoq.” – Us­satit 28:13.

3. Pingaar­ner­tut, Guutip tamanna iluaraa.

   Biibilimi al­las­simavoq: “[Jehova] sianiinaariniar­tar­tumik iluarin­nin­ngil­luin­nar­poq, un­neq­qaris­sunul­li ikin­ngutaal­luar­poq.” – Us­satit 3:32, NW.

Karina, 20-nik ukiulik, suk­kaval­laamik biiler­nini pil­lugu akiligas­sin­neqar­nini ataataminut iser­tor­niarsaraa, ukiorli ataasingajak qaangiut­toq paasisaagami naveerserujus­suar­poq.

Ilin­niutis­sar­taa: Karina ima oqar­poq: “Iser­tuus­sineq ajor­nerulersitsiin­nar­tar­poq. Tamat­tami akisus­saatin­neqar­tus­saavugut.”

Biibilimi al­las­simavoq: “Tamat­ta amerlasuunik kuk­kus­suteqar­tar­pugut.” (Jaaku 3:2) Paaseriik­katsitul­lu kuk­kus­sutitit ingerlaan­naq nas­suerutigisaruk­kit ersersis­savat maniguul­lutil­lu inersimal­luar­tuul­lutit.

Iliuuserineqar­tus­sap tul­lia tas­saavoq kuk­kus­sutit ilin­niutiginis­saat. Niviarsiaraq Veramik atilik ima oqar­poq: “Inut­tut ajun­ngin­neruler­nias­sagama tul­lianilu al­latut iliuuseqar­nias­sagama kuk­kus­sutik­ka tamaasa ilin­niutiginiar­tar­pak­ka.” Qanoq taamaaliorsin­naasutit paasiniariar­tigu.

Ataatavit cykelia ator­pat sequmil­lugulu. Taava qanoq ilius­savit?

• Oqaaseqas­san­ngilatit paasisaan­ngin­nis­sal­lu neriuutigalugu.

• Qanor­piaq pisoqar­neranik oqalut­tuutis­savat.

• Nas­suis­saatit al­lali pisuutil­lugu.

Piareer­san­ngin­navit misilitsin­nermi angusin­ngit­soor­putit. Taava qanoq ilius­savit?

• Misilitsis­sutit pisuutis­savatit.

• Nam­mineq akisus­saanerit akueris­savat.

• Oqas­saatit ilin­niar­titsisup­pit piaaraluni angusitin­ngik­kaatit.

 Maan­na pisut eq­qarsaatigalugit takorlooruk (1) ataataal­lutit aam­ma (2) ilin­niar­titsisuul­lutit. Kuk­kus­sutitit ingerlaan­naq nas­suerutigiguk­kit ataatavit ilin­niar­titsisup­pil­lu qanoq isumaqarfigis­savaatsit? Iser­toruk­kit qanoq isumaqarfigis­savaatsit?

Ukiup ataatsip inger­lanerani kuk­kus­sutivit ilaat ataaseq eq­qar­saatigiuk apeq­qutil­lu uku akil­lugit.

Qanoq kuk­kuit? Kuk­kugavit qanoq iliorpit?

• Iser­tor­para.

• Al­la pisuutip­para.

• Ingerlaan­naq nas­suerutigivara.

Kuk­kus­sutit nas­suerutigin­ngin­nak­ku qanoq misigivit?

• Paasisaanani iluaq!

• Iser­tuus­sigama ilerasup­punga.

Pitsaanerusumik qanoq iliuuseqar­simasin­naagaluarpit?

Kuk­kunerit qanoq ilin­niutigaajuk?

Sooq inuit ilaasa kuk­kus­sutitik nas­suerutigineq ajor­paat?

Kuk­kus­sutitit iser­tor­niar­taruk­kit inuit qanoq isumaqarfigis­savaatsit, nas­suerutigiguk­kil­li qanoq isumaqarfigis­savaatsit? – Lukasi 16:10.