LINDAP, up­peqatiminit ajual­latsin­neqangaar­tup, misigisai ilisar­nar­pat? Ajoraluar­tumik qatan­ngutit ilaasa anersaak­kut peq­qis­susaat al­lat pis­susiinit sun­ner­neqarsimavoq. Il­lit aam­ma taman­na misiginikuuiuk?

Up­peqatitsin­nik uagutsin­nik ajual­latsitsisimasumik isumak­keerfigin­nin­nis­saq ilaan­nik­kut saper­nar­tis­sin­naasar­par­put. Kristumiutum­mi asaqatigiit­tariaqaraluar­pugut, ilaa? (Johan­nesi 13:34, 35) Up­peqatitsin­nit eq­qun­ngitsumik pineqarsimagut­ta pakatsisin­neqar­neq aliatsatsin­neqar­nerlu ar­tor­nangaarsin­naap­put. – Tus­siaat 55:13.

Soorunami Biibilimi ersersin­neqar­poq kristumiut ilaan­nik­kut qatan­ngutimin­nut ‘as­suarliutis­saqarsin­naasut’. (Kolos­semiut 3:13) Eq­qun­ngitsumil­li pineqar­ner­put unam­miniar­nar­tingaarsin­naavar­put. Suul­li iluaqutigisin­naavavut? Biibilimi najoq­qutas­siat pingasut eq­qarsaatigik­kit:

Ataatatta qilammiusup suut tamaasa ilisimavai. Jehovap pisut tamaasa, aam­ma atuk­kavut naaper­tuil­luan­ngitsut tamatumalu kingunerisaanik naal­liuutivut, malin­naavigai. (Hebræerit 4:13) Jehoval­li naal­liuuteqaraangat­ta misigin­neqatigisar­paatigut. (Tus­siaat 106:44) “Naal­liun­nar­tut siooranar­tul­luun­niit” aam­ma suul­luun­niit kinaluun­niil­lu – al­laat kif­fami ilaat – pis­sutigalugit ‘Guutip asan­nis­susianit avis­saar­tin­neqar­nis­sar­put’ akuerin­ngisaan­nas­savaa. (Romamiut 8:35, 38, 39) Taamaat­tumik uagut­taaq sunaluun­niit aam­ma kinaluun­niit pis­sutigalugu Jehovamit avis­saan­ngisaan­nar­tariaqar­pugut.

Isumakkeerfiginninneq akuersaarnerunngilaq. Isumak­keerfigin­nik­kut­ta imaan­ngilaq uagutsin­nik eq­qun­ngitsumik pin­nit­tup iliuusii soqutigin­ngitsuusaarivut, eq­qor­tuutik­kivut, utoq­qatsis­sutis­sarsiorivut imaluun­niit akuersaarivut. Eq­qaamajuk Jehovap ajor­ti iluarin­ngim­magu, isumak­keerfigin­nin­nis­samul­li tun­ngavis­saqaraangat isumak­keerfigin­nit­tar­poq. (Tus­siaat 103:12, 13; Habak­kuki 1:13) Jehova ilaarlugu isumak­keerfigin­nik­kaangat­ta kajumis­saarineratut ilior­tar­pugut. Jehova ‘kamas­simajuaan­nar­neq’ ajor­poq. – Tus­siaat 103:9; Mat­thæusi 6:14.

Narrutsaqqajunnaarnerput iluaqutigissavarput. Qanoq? Takorlooruk ujarak, im­maqa oqimaap­pal­laan­ngitsoq, tigoriarlugu talitit siaaritit. Aal­laq­qaam­mut im­maqa ar­torsaatigin­ngilat. Sivisulaamim­mi kiveq­qaguk­ku? Qanoq sivisutigisumik kiveq­qasin­naas­saviuk – minutsialuit? Nalunaaqut­tap-akun­nera ataaseq? Sivisunerusumil­luun­niit? Unali qular­nan­ngilaq, taliias­saatit! Soorunami ujaq­qap oqimaas­susia al­lan­ngor­navian­ngilaq. Sivisunerusumil­li tigum­mitil­lugu oqimaal­liar­tor­tutut misiginas­saaq. Narrutsas­simajuar­nermut tun­ngatil­lugu aam­ma  taamaat­tar­poq. Al­laat soqutaar­pasin­ngitsoq sivisujaamik put­tarsigutsigu im­minut an­niar­tilis­saagut. Taamaat­tumik tupin­nan­ngilaq Jehovap narrutsas­simajun­naar­nis­samik kajumis­saarmatigut. Taman­nami nam­mineq iluaqutigiin­nas­savar­put. – Us­satit 11:17.

Linda up­peqatiminit eq­qun­ngitsumik pineqar­nini pil­lugu put­tarsiun­naar­nis­saminut suut iluaqutigai? Ilaatigut Biibilimi isumak­keerfigin­nin­nis­samut pis­sutaasut eq­qarsaatigeq­qis­saar­pai. (Tus­siaat 130:3, 4) Isumak­keerfigin­nik­kut­ta Jehovamit isumak­keerfigineqarumaar­ner­put Lindap kil­litsis­sutigingaar­paa. (Efesosimiut 4:32-5:2) Tamak­ku eq­qarsaatigalugit ima oqar­poq: “Al­laan­ngilaq Jehovamit oqaluun­neqarluni.”

Linda pif­fis­sap ingerlanerani narrutsaq­qajun­naar­poq. Qatan­ngun­ni isumak­keerfigaa maan­nalu ikin­ngutigil­luarlugu. Linda Jehovamut suli kif­far­tor­poq. Qularis­san­ngilat Jehovap aam­ma il­lit taamaalior­nis­san­nut ikiorusuk­kaatit.