KIK­KUT TAMARMIK, al­laat Guutip kif­fai, isumakululer­tar­put. Tus­siaasior­toq ‘eq­qarsaatiminit eq­qis­siviil­lior­tin­neqar­nerar­poq’. (Tus­siaat 94:19) Jiisusi oqar­poq ‘inuunerup matuma piinik isumakuluutit’ pis­sutigalugit naggatis­sap nalaani Jehovamut kif­far­tor­neq unam­miniar­nangaarsin­naasoq. (Lukasi 21:34) Il­lim­mi? Aningaasaqar­niar­nik­kut ajor­nar­torsiutit, ilaqutariit­tut ajor­nar­torsior­neq peq­qiil­lior­nerluun­niit pis­sutigalugit sapilersutut misigivit? Jehovap piner­tusaar­nis­san­nut qanoq ikiorsin­naavaatit?

Isumakuluuteqar­nermi ikior­neqar­nis­sar­put pisariaqar­tit­tar­par­put. Apustili Paulusi ima al­lap­poq: “Tamatigut an­nikil­lior­titaasar­pugut.” “Nalor­nisar­pugut, ... orlutitaasar­pugut.” Taamaat­torli aam­ma al­lap­poq ‘mat­tun­neqan­ngitsugut, neriuutis­saarutin­ngitsugut suujun­naarsitaan­ngitsugul­lu’. Piner­tusaar­nis­samut suna iluaqutigisar­par­put? “Pis­saaneq as­seqan­ngitsoq” – nukik Guutitsin­nit Ajugaqan­ngitsumit, Jehovamit, pisoq. – 2 Korinthimiut 4:7-9.

Siusin­nerusuk­kut ‘pis­saanermik as­seqan­ngitsumik’ tunineqar­nerit eq­qarsaatigeriaruk. Eq­qaamaviuk oqalugiaat qanoq Jehovap ilumoorfigin­nil­luni asan­nin­neranik qujamasuutigin­nin­nerulis­sutiginerlugu? Al­lat paratiisi pil­lugu neriuum­mik ilin­niar­tik­kak­kit Jehovap neriorsuutaanik up­perin­nin­neruler­nerit eq­qaamaviuk? Kristumiut ataatsimiin­nerinut najuuk­kaangat­ta up­perisar­pul­lu al­lanut oqalut­tuarigaangatsigu inuunermi isumakuluutit naam­magalugit ator­nis­saan­nut nakus­satsin­neqar­tarlutalu nuan­naarluta Jehovamut kif­far­tor­nis­satsin­nut isumak­kut eq­qis­sisar­pugut.

Im­maqa ilaan­nik­kut sam­mivin­nut as­sigiin­ngitsunut noqin­neqar­tutut misigisar­putit. As­sersuutigalugu Jehovap peq­quaatigut Naalagaaf­fik siul­liul­lugu noq­qaas­sutigis­sal­lugulu anersaak­kut sulias­sanik ileq­qulius­sis­sasugut. (Mat­thæusi 6:33; Lukasi 13:24) Taavami akerlilersor­neqar­neq, peq­qiil­lior­neq imaluun­niit ilaqutariit­tut ajor­nar­torsiutit qasoq­qalis­sutigiguk­kit? Imaluun­niit sulif­fin­ni piumasaqaatit pis­sutigalugit kis­saatigisat­tut pif­fis­sat nukitil­lu ilagiin­nut atorsin­naan­ngik­kuk­kit? Piumasaqaatit amerlaval­laaler­pata eq­qor­tin­nis­saan­nul­lu pif­fis­saqan­ngik­kuit nukis­saqan­ngik­kuil­lu sapilersutut misigilersin­naavutit. Im­maqa al­laat eq­qarsaatigaat Jehovap piumaf­figival­laar­neraatit.

Jehova paasin­nit­tuuvoq. Ar­tuk­katsin­nik piumaf­figin­ngisaan­nar­paatigut. Nalun­ngilaa timik­kut misigis­sutsik­kul­lu ar­torsareerluta peq­qis­siniar­ner­put sivisusin­naasoq. – Tus­siaat 103:13, 14.

As­sersuutigalugu Jehovap pruf­fiiti Elia qanoq isumas­sor­neraa eq­qarsaatigeriaruk. Elia nikal­lungangaarluni an­nilaangangaarlunilu inoqajuitsumut qimaam­mat Jehovap pruf­fiiti avoq­qaaralugulu sulias­saminik naam­mas­sin­neq­quaa? Naamik. Jehovap marloriarluni in­ngili aal­lar­tip­paa Elia sal­laatsumik itersar­niarlugu nerisas­saanil­lu  tuniniarlugu. Taamaak­kaluar­torli Elia ul­lut 40-t tamatuma kingor­na suli isumakulul­lunilu an­nilaangavoq. Jehovap qanoq ikior­paa? Siul­lermik, il­lersorsin­naal­lugu erseq­qis­saavigaa. Aap­pas­saanik, Elia ‘sal­laatsuaq­qamik nipeqarluni’ (NW) tup­pal­lersar­paa. Naggataatigul­lu tuusintilin­nik aalajaatsunik im­minik pal­lorfigin­nit­toqar­neranik paasitip­paa. Tamatuma kingunin­ngua Elia pruf­fiititut aal­lus­sil­luaq­qiler­poq. (1 Kun­ngit 19:1-19) Qanoq ilin­niarfigisin­naavar­put? Elia isumakulun­nermik sapilersutut misigim­mat Jehovap kamagit­tar­tumik misigin­neqataasumil­lu pivaa. Jehova al­lan­ngorsiman­ngilaq. Taamatut­taaq aam­ma uagut isumas­sor­paatigut.

Jehovamut qanoq pil­liuteqar­tigisin­naanerlutit eq­qarsaatigigaangak­ku piviusorsior­tarit. Ul­lumik­kut iliuuserisin­naasatit siusin­nerusuk­kut iliuuserisar­tak­kan­nut sanil­lius­san­ngilatit. As­sersuuteqariar­ta: Ar­pat­tar­toq qaam­matini ukiuniluun­niit arlalin­ni sungiusarsiman­ngitsoq ingerlaan­naq pisar­nermisut ar­pas­sin­naan­ngilaq. Nuk­kak­kumal­lunili qasujaal­liumal­lunilu an­nikitsunik anguniagaqar­tar­poq. Kristumiut ar­pat­tar­tutut ip­put, sunik anguniagaqar­nerlutik ilisimaaralugu sungiusar­tar­put. (1 Korinthimiut 9:24-27) Soormi anersaak­kut inor­nan­ngitsunik anguniagaqaruit? As­sersuutigalugu ataatsimiin­ner­nut najuun­nis­sat anguniagarisin­naavat. Anguniak­kavit angunis­saanut Jehova qin­nuigiuk ikioq­qul­lutit. Anersaak­kut nuk­kak­kiar­tor­til­lutit ‘us­sis­savat takul­lugulu Jehova ajun­ngitsuusoq’. (Tus­siaat 34:9) Eq­qaamajuk Jehovamik asan­nin­nerit ersersin­niarlugu iliuuserisatit suul­luun­niit – qanorluun­niit an­nikitsiger­pasik­kaluar­pata – Jehovap erlin­nar­tutut isigim­magit. – Lukasi 21:1-4.

Junep uterfigeq­qin­nias­sam­mani Jehovap qanoq nakus­satsip­paa? June ima oqalut­tuar­poq: “Ikioq­qul­lunga Jehovamut qinujuar­punga. Taava ukuama il­loqarfigisan­ni ataatsimeersuar­toqar­neranik oqalut­tuup­paanga. Aalajanger­punga ul­loq ataaseq najuun­niarlunga. Jehovap in­nut­taanut uteq­qin­neq misigisaavoq nuan­ningaar­toq! Sunaaf­fa ataatsimeersuar­neq taan­na ingerlariaq­qin­nis­san­nut pisariaqar­til­lugu. Maan­na Jehova nuan­naarlunga kif­far­torfigeq­qiler­nikuuara. Inuunera siuner­taqar­nerungaar­poq. Nalun­ngilara qatan­ngutit pisariaqar­til­lugil­lu taak­kunan­nga ikior­neqar­tariaqarlunga. Nuan­naarutigaara uter­nis­san­nut kingusinaan­ngin­nama.”