JEHOVA arlaleriarluni savanik paarsisumut im­minut as­sersuup­poq. Oqaatsimini ima neriorsoq­qis­saar­paatigut: “Nam­mineq savaatik­ka ujas­savak­ka paaralugil­lu.” – Ezekieli 34:11, 12.

Jehovap kik­kut savaatigai? Naatsumik oqaatigalugu savaatai tas­saap­put inuit im­minik asan­nil­lutil­lu pal­lorfigin­nit­tut. Biibilimi ima al­las­simavoq: “Pal­lor­ta sikif­figalugu, seeq­qumiarfigalugu Naalagaq pin­ngor­titsiser­put. Guutigaar­pum­mi taan­na, uagul­lu tas­saavugut in­nut­tai, savaatit paarisai.” (Tus­siaat 95:6, 7) Savat savanik paarsisumik malin­nit­tar­nerat­tut Jehovamik pal­lorfigin­nit­tut Paarsisor­tik malik­kusungaar­paat. Kuk­kujuitsuup­pat? Naamik. Guutip kif­fai ilaan­nik­kut ‘savatut siam­mar­tar­put’, ‘savatut tam­mar­tar­put’ aam­ma ‘savatut tam­mar­tajaar­tar­put’. (Ezekieli 34:12; Mat­thæusi 15:24; 1 Petrusi 2:25) Al­laat inuk qimagus­simasoq Jehovap neriuutis­saqan­ngitsutut isigineq ajor­paa.

 Misigivit Jehova ilin­nik suli Paarsisuusoq? Nalitsin­ni Jehovap savanik paarsisuunini qanoq up­per­narsar­tar­paa? Uku pingasut eq­qarsaatigeriak­kit:

Anersaakkut nerisittarpaatigut. “Mangiarfis­saq­qis­sumi paaris­savak­ka,” Jehova oqar­poq. “Aqupis­sap­put ivigar­torfin­ni pitsaasuni, mangiarfin­nilu naggoris­suni mangias­sap­put.” (Ezekieli 34:14) Jehovap pif­fis­saq eq­qorlugu anersaak­kut nerisas­sanik as­sigiin­ngitsunik pis­satsin­nar­tunik tuniuar­tar­paatigut. Al­laaserisaq, oqalugiaat isigin­naagas­siarluun­niit ikioq­qul­lutit qin­nutin­nut akis­sutaasoq eq­qaasin­naaviuk? Jehovap ilin­nik soqutigin­nin­nerminik qularun­naarsip­paatit, ilaa?

Illersorlutalu tapersersortarpaatigut. Jehova ima neriorsuivoq: “Savat tam­mar­tut ujas­savak­ka siam­mar­tul­lu katersorlugit, ikiligaasut mat­tuserlugit, san­ngiitsut nakus­satsil­lugit.” (Ezekieli 34:16) Jehovap san­ngiitsut an­nilaanganermil­luun­niit sapilersut nakus­satsit­tar­pai. Savaatini al­lanit, im­maqa al­laat up­peqatimin­nit, misigis­sutsik­kut ikiler­neqarsimasut ‘mat­tuser­tarlugil­lu’ ikior­tar­pai. Tam­mar­tut nikal­lunganermil­lu naner­tuuteqar­tut katersoq­qit­tar­pai.

Uagutsinnut akisussaasutut misigivoq. ‘Siammar­figisaan­nit an­naatis­savak­ka,’ Jehova oqar­poq. “Savat tam­mar­tut ujas­savak­ka.” (Ezekieli 34:12, 16) Jehovap sava tam­mar­toq uteq­qis­sin­naan­ngitsutut isigineq ajor­paa. Sava tam­maraangat naluneq ajoramiuk ujar­tar­paa, nas­saarigaangamiul­lu nuan­naar­tarluni. (Mat­thæusi 18:12-14) Pal­lorfigin­nitsinimi ilumoor­tut pil­lugit ima oqar­poq: “Ilis­si savaatigaas­si, ivigar­tor­titak­ka.” (Ezekieli 34:31) Il­lit savat taak­ku ilagaatsit.

Sooq Jehovap ujarlutil­lu im­minut uteq­qul­lutit kajumis­saar­paatit? Pil­luar­nis­sat kis­saatigigamiuk. Savaatini ‘pil­luaq­qus­sutinik kueraaf­figiumaarlugit’ neriorsuivoq. (Esaja 44:3) Taman­na up­perisin­naavat, up­per­narsaatim­mi nam­mineq misiginikuuatit.

Jehova pil­lugu ilin­nialeravit misigisatit eq­qarsaatigeriak­kit. As­sersuutigalugu Guutip atia inuian­nul­lu siuner­taa pil­lugit sal­lusuis­sutit kil­litsin­nar­tut paaseq­qaarak­kit qanoq misigivit? Ataatsimeersuar­ner­ni kristumioqatinik peqateqar­neq qanoq nakus­satsin­nar­tigisoq eq­qaamaviuk? Nutaarsias­saq nuan­nersoq inum­mut soqutigin­ningaar­tumut oqalut­tuarereerlugu angerlaravit ilaa nuan­naarlutil­lu nalerisimaangaar­putit?

Tamak­ku misigeq­qis­sin­naavatit. Itsaq Guutip kif­fai ima qinup­put: “Naalagaq, ilin­nut saatsitsigut uterfigeq­qul­lutit, ul­luvut nutaan­ngor­tit­tak­kit sior­natigut pisar­nit­tut.” (Up­putit 5:21) Jehovap qin­nut taan­na akim­magu in­nut­tai Guutimut kif­far­toq­qilerlutil­lu tipaatsungaaler­put. (Nehemia 8:17) Jehovap aam­ma il­lit taama iliorfigis­savaatit.

Jehovamul­li uter­niar­neq imaan­naan­ngitsuuvoq. Uter­niar­nermi unam­miniar­nar­tut ilaat taak­kulu qanoq qaangersin­naaneritit sam­meriar­tigit.