Kristumiut siul­liit ataat­simiik­kaangamik erinarsortar­lutil­lu qinusar­lutil­lu atuartar­put Al­lak­kal­lu oqaloqatigiis­sutigisar­lugit, ar­laan­nik ileqqulersuuteqaratik. (1 Korinthimiut 14:26) Uagut ataat­simeeriaaser­put taakkua ataat­simeeriaaserisimasaan­nut as­singusupilus­suuvoq.

Ilinniartit­sissutigi­ne­qar­tut atoriaan­naal­lutil­lu Biibilimik tun­ngaveqarput. Sapaatip-akun­nerata naanerani ilagiit tamarmik Biibili inuunit­sin­nut pif­fis­samul­lu inuuf­figisat­sin­nut qanoq at­tuumas­suteqarnerat pil­lugu Biibili tunngavigalugu oqalugiaammik minut­sinik 30-nik sivisus­suseqartumik tusarnaariartar­put. Tamat­ta kajumis­saarneqartar­pugut nammineq Biibilit­sin­ni malin­naaqqul­luta. Oqalugiaatip kingorna nalunaaqut­tap-akun­nerani ataat­simi “Napasuliaq Alapernaar­suiffik”-mik atuaqqissaaqa­tigiit­toqar­tar­poq, najuut­tul­lu tamarmik piumagunik al­laaserisanik Napasuliaq Alapernaarsuif­fik-meersunik eqqartueqataasin­naapput. Taman­na siun­nersuutit Biibilimiit­tut inuunit­sin­ni atornis­saan­nut iluaqutigisar­par­put. Al­laaserisat as­sigeeqqis­saat nunarsuaq tamak­ker­lugu ilagiin­ni 110.000-nit amer­lanerusuni atuaqqis­saarneqartar­put.

Ilinniartitsinermik pikkorissarneqartarpugut. Aamma sapaatip-akunnerata ingerlanerani pingasunik immikkoortulimmik unnukkut ataatsimiittarpugut. Ataatsimiinneq ima qulequtaqarpoq: Kristumiutut inuunerput kiffartornerpullu, qaammammullu saqqummersoq Kristumiutut inuunerput kiffartornerpullu – Najoqqutassaq najoqqutarineqartarluni. Ataatsimiinnerup immikkoortua siulleq, “Guutip oqaasiani erlinnartuutit”, Biibilimi allassimasut ilaannik ilagiinniittut atuareersimasaannik eqqartuineruvoq. Taava “Oqaluussinermut piareersarneq” Biibili pillugu allanik qanoq oqaloqateqartoqarsinnaaneranik takutitsisoqartarpoq. Atuffarinnerulernissatsinnut oqallorinnerulernissatsinnullu ikiorumalluta siunnersuisoqartarpoq. (1 Timotheusi 4:13) Ataatsimiinnerup immikkoortuani kingullermi “Kristumiutut inuuneq”-mi Biibilimi najoqqutassiat inuunitsinni qanoq maleruarsinnaanerivut sammineqartarpoq. Aamma apeqqutit akissutillu atorlugit Biibilimiittunik paasinnilluarnerulissutigisartakkatsinnik eqqartuisoqartarpoq.

Qularnanngilluinnarpoq illit ataatsimiinnitsinnut najuukkuit Biibilimik qanoq ilinniartitsilluartoqartiginera tupigusuutigissagit. – Esaja 54:13

• Jehovap Nalunaajaasuisa ataatsimiin­nerini suut tusarnaarnissaat naatsorsuutigisinnaaviuk?

• Sapaatip-akunneranut ataatsimiinnitta arlaat sorleq tulliani najuuf­figerusuppiuk?