Biibilimik pikkorissarneq qanoq iluaqutigilluarsinnaagit
Quppernermi matumani allassimasut sammeriarlugit VIDEO takuuk.
ILINNIAGASSANI AALLAQQAASIUT
Piareersarninni ilinniagassami aallaqqaasiut atuaruk. Apeqqutit (A) allassimaffiillu (B) pingaarnernik erseqqissaapput. Allassimaffiit ilaannut atatillugu ima allassimasoqartarpoq: “atuarsiuk” imaluunniit “atuarsigit”.
ITISILIINEQ
Itisiliineq aallarnerlugu (C) tulliullugit sammineqartussat allassimapput. Pingaarnertut sammineqartussat qulequtaaqqani (D) allassimapput. Ilinniartitsisoqarlutit allassimaffiit atuakkit, apeqqutit akikkit videullu isiginnaarlugit.
VIDEUT sammisassat ungalusani innersuussutigineqartarput. Videut ilaanni pisimasuiit oqaluttuarineqartarput. Allanili pisut ilumoortumik tunngaveqanngikkaluarlutik piviusorpalaartumik takutinneqartarput.
Assit oqaasertaallu misissuataakkit (E), eqqarsaatigiullu immikkoortumi Oqartoqartarpoq-mi (F) qanoq akissanerlutit.
ILINNIAGASSANI NAGGASIUT
Eqikkaaneq aamma Uteqqiineq (G) ilinniagassani naggasiutaapput. Ulloq ilinniagassamik naammassiffiit allaguk. Sulissutigisassatit Iliuuserisassatit-niipput (H). Nammineq misissugassatit-ni (I) innersuussutigineqartut atuarlugillu isiginnaarsinnaavatit.
Immikkoortortai
|
|
|
|
Biibilimi allassimaffiit qanoq nanisinnaagitit
Biibili allakkanik 66-inik imaqarpoq. Marlunnut immikkoortitigaavoq: Hebræerisut Aramæerisullu Allakkat Illernartut (“Testamentitoqaq”) aamma Grækerisut Allakkat Illernartut (“Testamentitaaq”).
Allassimaffiit Biibililersaarummi matumani ima innersuussutigineqartarput: Biibilip atuagartaa (A), kapitalia (B), aamma versia imaluunniit versii (C).
Assersuutigalugu Johannesimit allakkani kapitali 17-imi versi 3 ima innersuussutigineqassaaq: Johannesi 17:3.