ILINNIAGASSAQ 25
Guuti uagutsinnut qanoq siunertaqarpa?
Biibilimi allassimavoq inuit ‘inuunikittartut eqqissinaatsorsiortaqalutillu’. (Jobi 14:1) Tamanna siunertaralugu Guutip pinngortippaatigut, imaluunniit nuannersumik siunertaqarpa? Taamaappat naammassissavaa? Akissutit tuppallernartut Biibilimeersut misissoriartigit.
1. Jehovap qanoq inuuneqarnissarput kissaatigaa?
Jehovap kissaatigaa ajunnginnerpaamik inuuneqassasugut. Taamaattumik inuit siulliit, Adami Evalu, pinngortikkamigit naatsiivimmi Edenimi paratiisiusumi najugassippai. Guutip “pilluaqquai oqarfigalugit: ‘Kinguaassiorlusi amerliartoritsi nunarsuaq tamakkerlugu ilissinnullu naalatsigitillugu.’” (Mosesimik 1. 1:28) Tassa kissaatigaa meeqqiussasut, nunarsuaq tamaat paratiisinngortissagaat uumasullu paaralugit. Siunertaraa inuit tamarmik peqqilluinnarlutik naassaanngitsumik inuussasut.
Maannakkut pissutsit taamaanngikkaluartut Guutip siunertani allanngortissimanngilaa. a (Esaja 46:10, 11) Suli kissaatigaa inuit eqqortuliorusuttut paratiisimi naassaanngitsumik inuussasut. – Saqqummersitat 21:3, 4 atuarsigit.
2. Maanna siunertaqarluartumik qanoq inuusinnaavugut?
Jehova guutisiorfigigutsigu inuunerput siunertaqarluassaaq. Biibilimimi paasivarput Jehovap ‘anersaakkut pisariaqartitaqartilluta’ pinngortikkaatigut. (Matiusi 5:3-6 atuarsigit). Anersaakkut pisariaqartitaqarneq isumaqarpoq Jehovap ilisarisimanissaanik guutisiorfiginissaanillu kissaateqarneq. Tassa Jehovap kissaatigaa ikinngutigissagitsinni, ‘aqqutigeqqusani tamaasa ingerlavigissagigut, asassagitsinni uummatikkullu iluunngarluta’ kiffartorfigissagitsinni. (Mosesimik 5. 10:12; Tussiaat 25:14) Taamaaliorutta ajornartorsiuteqaraluarluta pilluassaagut.
ITISILIINEQ
Jehovap nunarsuaq pinngortikkamiuk asannittuliungaarnera aamma inuunerup siunertaa pillugu Biibilimi qanoq allassimasoqartoq paasiniakkit.
3. Jehovap inuit nuanningaartumik siunertaqarfigai
VIDEO takusiuk apeqqullu tulliuttoq eqqartorlugu.
-
Sooq Guutip nunarsuaq pinngortippaa?
Oqaluussisartup oqaasii 3:11 naqitikkami quppernerup ataani ilanngussaq ilanngullugu atuarsiuk apeqqullu una eqqartorlugu:
-
Versi Jehovap uagutsinnut siunertaa pillugu qanoq paasisaqarfigaajuk?
4. Jehovap siunertani allanngortissimanngilaa
Tussiaat 37:11, 29 aamma Esaja 55:11 atuarsigit apeqqullu una eqqartorlugu:
-
Qanoq nalunngilarput Jehovap inunnut siunertaa allanngorsimanngitsoq?
5. Jehova guutisiorfigigutsigu inuunerput siunertaqarluassaaq
Inuunerup siunertaa nalunngikkutsigu pilluarsinnaavugut. VIDEO takusiuk apeqqullu tulliuttoq eqqartorlugu.
-
Terumip inuunerup siunertaanik paasinninnini qanoq iluaqutigaa?
Oqaluussisartup oqaasii 12:13 atuarsiuk apeqqullu una eqqartorlugu:
-
Jehovap uagut pilluta iliuuserisimasarpassui qujamasuutigalugit qanoq ersersissinnaavarput?
APERISOQARTARPOQ: “Inuuneq qanoq siunertaqarpa?”
-
Qanoq akissaviuk?
EQIKKAANEQ
Jehovap kissaatigaa nunarsuarmi ajornartorsiuteqarfiunngitsumi naassaanngitsumik pilluassasugut. Jehova uummaterput tamakkerlugu guutisiorfigigutsigu inuunerput siunertaqarluassaaq.
Uteqqiineq
-
Jehovap Adami Evalu qanoq siunertaqarfigai?
-
Qanoq nalunngilarput Guutip inunnut siunertani allanngortissimanngikkaa?
-
Qanoq siunertaqarluartumik inuusinnaavit?
NAMMINEQ MISISSUGASSATIT
Naatsiiviup Edenip ilumut piusimaneranut uppernarsaatit misissukkit.
Sooq nunarsuup piujuaannarnissaa upperisinnaagipput paasiniaruk.
“Nunarsuaq nungutinneqassava?” (Nittartakkatsinni allaaserisaq)
Siunertaqarluartumik qanoq inuusinnaanerput pillugu Biibilimi allassimasut misissukkit.
“Inuuneq sumik siunertaqarpa?” (Nittartakkatsinni allaaserisaq)
Angutip amigaateqanngissorisup inuunermini amigaatigisimasani qanoq paasigaa takuuk.
a Ilinniagassami tulliuttumi sooq nunarsuaq maannakkut paratiisiunngitsoq paasissavat.