ILINNIAGASSAQ 33
Kunngeqarfik sunik naammassisaqassava?
Guuti kunngeqarfia maanna naalakkersuivoq, qanittukkullu nunarsuarmi pissutsit pitsaanerungaalersissavai. Qilanaarisinnaasatta ilaat sammeriartigit.
1. Guutip kunngeqarfiata nunarsuarmi naapertuilluassuseq eqqissinerlu qanoq atuutilerseqqissavai?
Jiisusip sorsunnermi Harmagedonnimi inuit ajortut naalakkersuisullu nunarsuarmiittut suujunnaarsissavai. (Saqqummersitat 16:14, 16) Taamanikkussamut neriorsuut una eqquutissaaq: “Iluanngitsoq erniinnaq peeruttussaavoq.” (Tussiaat 37:10) Jiisusip Kunngeqarfik atorlugu nunarsuarmi naapertuilluassuseq eqqissinerlu atuutilersissavai. – Esaja 11:4 atuarsiuk.
2. Guutip piumasaa nunarsuarmi pippat inuuneq qanoq issava?
Guutip kunngeqarfiata naalakkersuinerani “iluartut nuna kingornutissavaat najugaqassallutillu tassani naassaanngitsumik”. (Tussiaat 37:29) Inuit tamarmik ajunngitsuuppata aamma Jehovamik inoqatiminnillu asannittuuppata inuuneq qanoq issasoq takorlooruk! Napparsimasoqassanngilaq, naassaanngitsumillu inuusinnaalissaagut.
3. Inuit ajortut peerpata Guutip kunngeqarfia sunik naammassisaqassava?
Inuit ajortut peerpata Jiisusi ukiuni 1.000-ni kunngiussaaq. 144.000-nik naalakkersuisoqateqarluni inuit nunarsuarmiittut naammalluinnartunngornissaannut ikiussavai. Nunarsuaq paratiisinngussaaq inunnillu nuannaartunik Jehovallu inatsisaanik maleruaasunik ulikkaassalluni. Ukiut 1.000-t naappata Jiisusip kunngiussuseq Jehovamut utertissavaa. Taamanikkussamut Jehovap ‘aqqa illernartinneqareersimassaaq’. (Matiusi 6:9, 10) Aamma Jehovap naalakkersuisuulluarnerpaanera inunnillu isumassuingaarnera uppernarsineqareersimassapput. Taava Jehovap Saatani, anersaapiluit pikitsitsisullu allat suujunnaarsissavai, pissutsillu nuannersut naassaanngitsumik atuutissapput. – Saqqummersitat 20:7-10.
ITISILIINEQ
Guutip kunngeqarfini atorlugu Biibilimi neriorsuutigineqartunik tamanik eqquutsitsissaaq. Sooq tamanna upperisinnaagipput misissoruk.
4. Guutip kunngeqarfiata inuit naalakkersuisut suujunnaarsissavai
“Inuit ilaat ataaseq inoqatiminut ajoqutaasumik pissaaneqarpallaartarpoq.” (Oqaluussisartup oqaasii 8:9) Jehovap kunngeqarfini atorlugu ajoqusiinerit taamaattut aaqqissavai.
Danieli 2:44 aamma Tessaluunikamiunut 2. 1:6-8 atuarsigit apeqqutillu uku eqqartorlugit:
-
Jehovap Jiisusillu inuit naalakkersuisut taakkuninngalu tapersersuisut qanoq pissavaat?
-
Jehova Jiisusilu pillugit ilikkakkatit taakkua iliuusiisa naapertuilluartuunerannut sooq qularunnaassutigaagit?
5. Jiisusi kunngiulluarnerpaavoq
Jiisusi Guutip kunngeqarfiani kunngisut inuit nunarsuarmiittut iluaqutissaannik iliuuseqangaassaaq. VIDEO takusiuk paasiumallugu Jiisusip inunnik ikiuinissaminut kissaateqarlunilu pissaaneqarnini qanoq ersersissimagaa.
Jiisusip nunarsuarmiikkallarami takutippaa Kunngeqarfik siunissami sunik naammassisaqassasoq. Ataani allassimasut sorliit qilanaarinerpaavigit? Taakkununnga atatillugu allassimaffiit atuarsigit.
JIISUSI NUNARSUARMIIKKALLARAMI … |
JIISUSI QILAMMIIT … |
---|---|
|
|
|
|
|
|
|
|
6. Guutip kunngeqarfiata nunarsuaq paratiisinngortissavaa
Jehovap kunngeqarfini atorlugu inunnut aallaqqaammulli siunertani naammassissavaa. Inuit nunarsuarmi paratiisiusumi naassaanngitsumik inuussapput. VIDEO takusiuk paasiumallugu Jehovap Jiisusi aqqutigalugu siunertani qanoq naammassissagaa.
Tussiaat 145:16 atuarsiuk apeqqullu una eqqartorlugu:
-
Jehovap ‘pinngortitat tamaasa kissaatigisaannik qaarsillartissagai’ nalunagu qanoq misigivit?
OQARTOQARTARPOQ: “Tamatta suleqatigiikkutta nunarsuarmi ajornartorsiutit aaqqissinnaavagut.”
-
Inuit naalakkersuisut ajornartorsiutit aaqqissinnaanngisaat suut Guutip kunngeqarfiata aaqqissavai?
EQIKKAANEQ
Guutip kunngeqarfiata nunarsuaq paratiisinngortissavaa, inuillu ajunngitsut naassaanngitsumik Jehova guutisiorfigissavaat.
Uteqqiineq
-
Guutip kunngeqarfiata Jehovap atia qanoq illernartissavaa?
-
Sooq upperisinnaavarput Guutip kunngeqarfiata Biibilimi neriorsuutigineqartut eqquutitissagai?
-
Guutip kunngeqarfiata naammassisassaa sorleq qilanaarinerpaaviuk?
NAMMINEQ MISISSUGASSATIT
Harmagedonni suunersoq paasiniaruk.
“Harmagedonimi sorsunneq suua?” (Nittartakkatsinni allaaserisaq)
Jiisusip ukiuni 1.000-ni naalakkersuinerata nalaani naggataatungaanilu pisussat misissukkit.
Ilaqutariit paratiisimik qanoq takorluueqatigiissinnaasut takuuk.
Oqaluttuaq “Apeqquterpassuit eqqarsaatigisarpakka” atuarlugu paasiniaruk naalakkersuisunut pikitsitsisarsimasup apeqqutigisartakkani qanoq akissutissarsigai.
“Biibili inuit inuunerannik allannguisitsisarpoq” (Napasuliaq Alapernaarsuiffik-mi allaaserisaq)