Inuugatta nuan­nersor­pas­suar­nik misigisaqarsin­naavugut. Ajor­nar­torsioraluaraangat­taluun­niit nuan­naarutis­saqar­tar­pugut. Inuunermik tunineqar­nitsin­nik qujamasuutigin­nin­ner­put qanoq ersersis­sin­naavar­put? Aamma taamaalior­nis­satsin­nut suna pis­sutaava pingaar­ner­paaq?

1. Sooq inuuneq pingaartittariaqarparput?

Jehovap inuuneq uagutsin­nut tunis­sutigim­magu pingaar­tit­tariaqar­par­put. Jehova sunik tamanik pin­ngor­titsisuugami tas­saavoq “inuunerup puilaf­fia”. (Tus­siaat 36:10) “Aamma inuit tamaasa inuunermik, anersaartornermik tamanillu [tunivai].” (Apustilit Suliaat 17:25, 28) Jehovap inuuin­narsin­naaq­qul­luta pisariaqar­titatsin­nik tuniin­narata aamma inuunitsinni nuan­naarutis­saqar­tip­paatigut. – Apustilit Suliaat 14:17 atuarsiuk.

2. Inuuneq Jehovamit tunissutaasoq pingaartillugu qanoq ersersissinnaavarput?

Jehovap kif­fami aalajaatsut ilaata, Daavip, oqaasii uku Biibilimut ilan­ngutitip­pai: “Ilumiuutillungali isigaarma.” (Tus­siaat 139:16) Tassa naarmiun­ngoravilli Jehovap maluginiarlutillu asavaatit. (Matiusi 10:29-31 atuarsigit). Toqutsinerit tamaasa, aamma imminut toqun­nerit, aliasuutigingaar­tar­pai. a (Mosesimik 2. 20:13) Jehovap inuunerit pingaar­tingaaramiuk kis­saatigaa isuman­naatsuunis­sat eqqumaf­figisas­sagit, tassa nam­mineq inuunerit allallu inuunerat navianar­torsior­tin­naveersaas­savatit. Imminut paaril­luaruit allallu inuuneri paaril­luaruk­kit inuuneq tunis­sutaasoq pingaar­til­lugu qujamasuutigalugulu ersersis­savat.

 ITISILIINEQ

3. Imminut paarilluarit

Kristumiut Jehovap piumasaatut sutigut tamatigut ilior­tuar­niarlutik neriorsuisimap­put. ‘Timitik iller­nar­tutut pil­liutis­satut sas­saateq­quneqarmata’ paaril­luar­tariaqar­paat. Romamiut 12:1, 2 atuarsigit apeq­qutillu uku eqqar­torlugit:

• Sooq peq­qis­suunis­sat eqqumaf­figisariaqar­piuk?

• Ilaatigut qanoq taamaaliorsin­naavit?

 5. Meeraq suli naarmiuusoq ajoqusernaveersaaruk

Jehovap meeq­qanik suli naarmiuusunik soqutigin­nin­nera Daavip taal­lior­palaar­tumik allaatigaa. Tussiaat 139:13-15, 17 atuarsigit apeq­qullu una eqqar­torlugu:

• Jehovap isaani meeq­qap inuunera qaquguk­kut aal­lar­tit­tarpa – naarmiun­ngoraangat inun­ngoraangal­luun­niit?

Itsaq Israalik­kun­nut Jehovap inatsisaani anaanaasoq meeraalu suli naarmiuusoq illersor­neqar­put. Mosesimik 2. 21:22, 23 atuarsigit apeq­qutillu uku eqqar­torlugit:

• Piaarinani meeq­qamik suli naarmiuusumik toqutsisoq Jehovap qanoq isumaqarfigaa?

• Taavami piaaraluni taamaalior­toq Jehovap qanoq isumaqarfigis­savaa? b

• Guutip isumaa qanoq igaajuk?

VIDEO takusiuk.

Allaat arnaq inuunermik pingaar­titsisoq misigisin­naavoq naar­tuersin­nis­saq qinigas­satuaralugu. Esaja 41:10 atuarsiuk apeq­qutillu uku eqqar­torlugit:

• Arnaq naar­tuersin­nis­samut kimigiiserfigineqaruni kimut ikior­tis­sarsior­tariaqarpa? Sooq?

 EQIKKAANEQ

Biibilimi ilin­niar­titsis­sutigineqar­poq inuuner­put allallu inuunerat Jehovamit tunis­sutaasut ataq­qil­lugillu paaril­luas­sagigut.

Uteqqiineq

• Sooq Jehovap inuuneq naleqar­tip­paa?

• Piaaraluni inuunermik kipititsisoq Jehovap qanoq isumaqarfigaa?

• Inuunermik tunineqar­nerit qujamasuutigaajuk? Sooq?