Aak pingaaruteqangaar­poq. Timer­put aaqan­ngip­pat inuusin­naan­ngilagut. Guuti pin­ngor­titsisuugami aap qanoq ator­neqar­nis­saa pil­lugu aalajangiisin­naavoq. Aak pil­lugu qanoq peq­qus­suteqarsimava? Aak nerineqaq­qusaava, aamma aalersor­tit­toqaq­qusaava? Aam­mut tun­ngatil­lugu qanoq aalajangiil­luarsin­naavit?

1. Jehova aammut qanoq isiginnittaaseqarpa?

Jehovap itsaq kif­fani ima oqarfigai: “[Aak] tassaavoq uinillit tamarmik uumassutaat.” (Mosesimik 3. 17:14) Jehovap aak uumas­sutaasutut isigaa. Uumas­suseq, tassa inuuneq, Jehovamit tunis­sutaam­mat iller­nar­toq aamma aak iller­nar­tuuvoq.

2. Aammik atueriaatsit suut Biibilimi inerteqqutigineqarpat?

Jehovap kif­fani Jiisusi sioq­qul­lugu inuusut peq­quai aak neris­san­ngik­kaat. (Mosesimik 1. 9:4 aamma Mosesimik 3. 17:10 atuarsigit). Peq­qus­sutip tamatuma aamma kristumiunut tamanut atuun­nera erser­poq siulersuisoqatigiit kristumiunut ima allam­mata: ‘Aak itigartittuarsiuk.’ – Apustilit Suliaat 15:28, 29 atuarsigit.

Aam­milli itigar­titsineq qanoq paasisariaqarpa? Assersuuteqariarta: Nakorsamit oqarfigineqaruit imigas­sar­tus­san­ngitsutit soorunami taamaalior­navian­ngilatit. Aamma nerisas­sat imigas­sar­tal­lit nerinavian­ngilatit imigas­samil­luun­niit taqak­koor­titsinaviar­nak. Taamatut­taaq aam­mik itigar­titseq­quneqaratta imer­navian­ngilar­put aat­talin­nil­luun­niit, soorlu neqimik suli aaver­neqarsiman­ngitsumik, nerisaqar­nata.

Taavami nakorsaariaatsini aak ator­neqar­pat? Nakorsaariaatsit ilaat Biibilimi peq­qus­sum­mik unioq­qutitsinerup­put. Assersuutigalugu aalersor­tin­neq aal­luun­niit akui sisamat pingaar­nerit (aap aap­palaar­tor­tai, qaqor­tor­tai, saalimasor­tai aamma imer­palasor­tai) atorlugit nakorsar­tin­nerit akuerisin­naan­ngilagut. Nakorsaariaatsilli allat, soorlu derivatit inuul­luun­niit nam­mineq aava atorlugu nakorsaanerit, Biibilimi peq­qus­sum­mik unioq­qutitsinerunersut ersarin­ngim­mat taakku akueris­sanerlugit akueris­san­ngin­nerlugil­luun­niit nam­mineq aalajangigas­saraar­put. a – Galaatiamiut 6:5.

 ITISILIINEQ

3. Nakorsartinnermut tunngatillugu Jehovap iluarisaatut aalajangiigit

Nakorsar­tin­nermut tun­ngatil­lugu Guutip aam­mut isigin­nit­taasianut naaper­tuut­tumik qanoq aalajangiisin­naavit? VIDEO takusiuk iliuuserisas­sallu ataani allas­simasut sooq pingaaruteqar­tut eqqar­torlugit.

• Ilisimas­suseq qin­nutigiuk. – Jaaku 1:5.

• Biibilimi qanoq najoq­qutas­siaqar­nersoq qanorlu maleruarsin­naagitit paasiniaruk. – Ussatit 13:16.

• Ilin­nut suut periarfis­saanersut paasiniaruk.

• Periarfis­sat suut akuerisin­naan­ngin­nerlugit paasiniaruk.

• Aalajangik­kavit ilerasuuteqalis­sutigin­ngin­nis­saa qulak­keeruk. – Apustilit Suliaat 24:16. b

• Eqqaamajuk nam­mineq aalajangigas­san­nut tun­ngatil­lugu kialuun­niit – allaat aap­pavit, utoq­qaaner­tap Biibilimil­luun­niit ilin­niar­titsisuit – qanoq ilior­nis­san­nik oqarfigisin­naan­ngik­kaatit. – Romamiut 14:12.

• Aalajangik­katit allat­tuk­kit.

4. Jehovap Nalunaajaasui pitsaanerpaamik nakorsartikkusuttarput

Aak pil­lugu Guutip inatsisaa maleruaatigalugu pitsaasumik nakorsar­tit­toqarsin­naavoq. VIDEO takusiuk.

Tittusi 3:2 atuarsiuk apeq­qullu una eqqar­torlugu:

• Nakorsanik oqaloqateqaraangatta sooq ataq­qin­nit­tuul­lutalu saamasuusas­saagut?

 5. Derivatit aammeersut atorneqaraangata

Aap akui pingaar­nerit sisamat tas­saap­put aap aap­palaar­tor­tai, qaqor­tor­tai, saalimasor­tai aamma imer­palasor­tai. Taak­kua sisamat immik­kut akui min­nerit derivatinik taaneqar­tar­put. c Derivatit nakorsaatit ilaanni, soorlu nap­paatinut akiuus­sutis­sani aanaarun­naarsitsiniar­ner­nilu, ator­neqar­tar­put.

Kristumiut tamarmik Biibilimit ilin­niar­tin­neqar­ner­tik naaper­torlugu minguitsumik nalun­ngeqatigin­nis­suteqarumal­lutik derivatit aam­meersut ator­neqar­nis­saat akuerisin­naanerlugit nam­mineq aalajanger­tariaqar­paat. Ilaat aalajangersimap­put nakorsaariaatsit derivatinik atuiner­tal­lit akueriniar­nagit, allalli taak­kua ator­neqar­nis­saat ajorin­ngilaat.

Aalajangiileruit apeq­qut una eqqarsaatigiuk:

• Derivatit aam­meersut aalajangersimasut sooq itigar­tin­nerlugit akuerinerlugil­luun­niit nakorsamut qanoq nas­suias­sagaluar­para?

 EQIKKAANEQ

Jehovap kis­saatigaa aak ator­nerlus­san­ngik­kip­put.

Uteqqiineq

• Sooq Jehovap aak iller­nar­tutut isigivaa?

• Qanoq nalun­ngilar­put aalersor­tin­neq Guutip aam­mik itigar­titseq­qusineranik unioq­qutitsinerusoq?

• Nakorsaariaatsit aam­mik atuiner­tal­lit pil­lugit qanoq aalajangiil­luarsin­naavit?