Jehovamut tun­niul­luin­nar­toq qinunik­kut neriorsuivoq inuunini naal­lugu taanna kisiat guutisiorfigiumal­lugulu taas­suma piumasaa inuunermini pingaar­ner­paatis­sal­lugu. (Tus­siaat 40:9) Taava imermut morsutsin­neqar­nermigut tun­niul­luin­narsimanini allanut takutis­savaa. Guutimut tun­niul­luin­nar­nis­sat inuunin­nik allan­nguisitsis­saaq aalajangigas­san­nilu pingaar­ner­paal­luni. Taama pingaaruteqar­tigisumik aalajangiinis­samut suna kajumis­sis­sutigis­saviuk?

1. Tunniulluinnarnissamut suna kajumississutaava?

Asan­nin­neq kajumis­sis­sutigalugu Jehovamut tun­niul­luin­nar­toqar­tar­poq. (Johan­nesimit 1. 4:10, 19) Biibilimi ima kajumis­saar­neqar­pugut: “[Jehova] Guutit uummatit tamakkerlugu, tarnit tamakkerlugu, isumat tamakkerlugu nukitillu tamakkerlugit asassavat.” (Mak­korsi 12:30) Guutimut asan­nin­ner­put oqaatsik­kut iliuutsik­kullu ersersit­tar­par­put. Soorlu aap­pariit asaqatigiin­ner­tik kajumis­sis­sutigalugu katik­kusut­tar­tut, taamatut­taaq Jehovamik asan­nit­tut taas­sumun­nga tun­niul­luin­narusul­lutillu imermut morsutsin­neqarusut­tar­put.

2. Imermut morsutsinneqartut Jehovamit qanoq pilluaqquneqartarpat?

Imermut morsutsin­neqareeruit Jehovamit asaneqar­nerit assigiin­ngitsor­pas­suar­tigut misigis­savat. Aamma morsutsin­neqar­nerit Jehovamut qanin­nerulis­sutigis­savat. (Malaki 3:16-18 atuarsigit). Jehova Ataatagilis­savat taas­sumalu ilaqutariis­sor­taanut pil­luar­tunut nunarsuarmi sumi tamaniit­tunut ilaalis­sal­lutit. Anersaak­kullu qatan­ngutivit Jehova asal­lugulu illit asavaatsit. (Mak­korsi 10:29, 30 atuarsigit). Soorunami morsutsin­neqan­ngin­ninni iliuuseqaq­qaar­tariaqar­putit. Jehova ilisarisimalerlugulu asaler­tariaqar­pat, erneranik Jiisusimik upperin­nin­nerit ersersit­tariaqar­pat Guutimullu tun­niul­luin­nar­tariaqarlutit. Taamaalioruit imermullu morsutsin­neqarlutit naas­saan­ngitsumik inuuneqalersin­naavutit. Biibilimimi ima allas­simavoq: “Imermut morsutsitaanerup … aniguisippaasi.” – Petrusimit 1. 3:21.

 ITISILIINEQ

3. Kina kiffartorfigissanerlugu aalajangertariaqarpugut

Itsaq Israalimi inuit ilaat isumaqarsimap­put Jehova aamma guutipiluk Baali ataatsik­kut guutisiorfigisin­naal­lugit. Jehovalli pruf­fiitini Elia aqqutigalugu ersersip­paa taamaat­toqarsin­naan­ngitsoq. Kunnginik 1. 18:21 atuarsiuk apeq­qullu una eqqar­torlugu:

• Israalik­kut sumik aalajangigas­saqarsimap­pat?

Uagut­taaq kina kif­far­torfigis­sanerlugu aalajanger­tariaqar­pugut. Lukkarsi 16:13 atuarsiuk apeq­qutillu uku eqqar­torlugit:

• Sooq Jehova allallu ataatsik­kut kif­far­torfigisin­naan­ngilagut?

• Jehova kif­far­torfigerusul­lugu qanoq ersersis­sin­naavar­put?

4. Jehovamit asaneqarnerit eqqarsaatigeqqissaaruk

 5. Jehovamut tunniulluinnaruit pilluaqquneqangaassaatit

 EQIKKAANEQ

Jehova asagatsigu taas­sumun­nga tun­niul­luin­narusul­lutalu imermut morsutsin­neqarusup­pugut.

Uteqqiineq

• Sooq Jehova uum­mat tamak­kerlugu asaneqarlunilu guutisiorfigineqar­tariaqarpa?

• Imermut morsutsin­neqarsimasut Jehovap qanoq pil­luaq­qusar­pai?

• Jehovamut tun­niul­luin­narusup­pit?