SIUN­NERSOR­TIK­KUSUK­KAAN­NI tatigisamut saaf­figin­nit­toqar­tar­poq. Tatigisap siun­nersuutai ingerlaan­naq iluaqutaan­ngik­kaluar­pataluun­niit malik­kumaneqar­nerusar­put. Biibilimi siun­nersuutit iluaqutigis­sagaan­ni Atuak­kior­tua ilisarisimaler­tariaqar­poq. Al­laat ’ikin­ngutaatut’ isigineqalersin­naavugut! — Esaja 41:8.

² Ikin­ngutigerusutaqaraan­ni qular­nan­ngitsumik aq­qa paaserusun­neqar­tar­poq. Biibilip Guutia ateqar­pa? Nam­mineq oqarsimavoq: „Uanga tas­sa [Jehova], tas­sa atera! Ataq­qinas­susera tun­niutis­san­ngilara kimul­luun­niit, nersor­neqaatis­saraluun­niit guutilianut.“ (Esaja 42:8) Sunaaf­fa ‘Jehova’-mik ateqar­poq, aq­qalu hebræerisut ima al­lan­neqar­tarluni: יהוה (saamim­miit taler­pim­mut atuar­neqas­saaq) Biibilil­lu hebræerisoor­taani aq­qa 7000-ngajan­nik ator­neqarsimal­luni. Guutip aq­qa ima isumaqar­tin­neqar­poq: „-n­ngor­tip­poq“ aam­ma „-n­ngor­tip­paa“. Tamatuman­ngalu ersersin­neqar­poq siuner­tani naam­mas­siniarlugit im­minut sun­ngor­tis­sin­naasorluun­niit aam­ma piumasani naam­mas­siniarlugu pin­ngor­titani sun­ngor­tis­sin­naagaaluun­niit. Tamatuma suna takutip­paa? Siuner­tani naam­mas­siniarlugit qanorluun­niit iliuuseqarsin­naasoq al­lanil­lu iliuuseqar­titsisin­naasoq. Guutiuvoq uumasoq, pis­saaneq kinaas­susiliun­ngitsuunani!

³ Jehova Pin­ngor­titsisun­ngor­poq. (1 Mosesi 1:1) ’Guutiuvoq uumasoq qilam­mik nunamil­lu im­mamil­lu taak­kunaniit­tunil­lu tamanik pin­ngor­titsisoq.’ (Apustilit Suliaat 14:15) Jehovap suut tamaasa, aam­ma inuit siul­liit Adami Evalu, pin­ngor­tip­pai. Taamaat­tumik Guuti ’inuunerup puilaf­figaa’. (Tus­siaat 36:10) Aam­mat­taaq Inuuneqar­titsisuuvoq. Aam­ma „im­minut nalunaajaas­sutigisimavoq ajun­ngitsulior­nermigut tunisarlusi qilam­mit sialum­mik ul­lunil­lu naal­luarfiusunik, qaarsil­lar­tit­tarlusi uum­matisilu nuan­naar­tit­tarlugit“. (Apustilit Suliaat 14:17) Afrikami Asiamilu inup­pas­suit siulitik  pal­lorfigisar­paat inuunermin­nik tunisisuunerarlugit. Inun­nik siul­ler­nik kinguaas­siorsin­naatil­lugit pin­ngor­titsisumut inuugin­nar­titsisumul­lu qujamasun­nerusariaqan­ngin­ner­pat? Taman­na eq­qarsaatigil­luaraan­ni ima oqarusulersitsis­san­ngin­ner­pa: „Il­lit, [Jehova] Guuter­pul­lu, qin­ngaq­qun­nan­ngilatit pigis­sal­lugit naalan­naat ataq­qinaal­lu pis­saanerlu, il­lim­mi suut tamaasa pin­ngor­tip­patit, il­lit piumasak­kut piuler­put pin­ngor­titaal­lutil­lu.“ — Saq­qum­mersitat 4:11.

⁴ Biibilip atuar­neratigut Pin­ngor­titsisoq Jehova ilisarineqarsin­naavoq Guutitul­lu qanoq it­tuunera paasineqarsin­naal­luni. Biibilimi oqaatigineqar­poq ’Guuti tas­saasoq asan­nin­neq’. (1 Johan­nesi 4:16; 2 Mosesi 34:6, 7) Biibili naal­lugu, Mosesimik al­lak­kat siuliit-niit Saq­qum­mersitat-nut, atuaraan­ni ilumut Guutiusoq asan­nit­toq paasinarsis­saaq. Pin­ngor­titsisoq ilisariumal­lugu ul­lut tamaasa Guutip oqaasianik atuar­neq soormi ileq­quliuk­kuk­ku? Ilisimasaqarluar­tut peqatigalugit Biibili misis­soq­qis­saar­niaruk. (Apustilit Suliaat 8:26-35) Taamaalioruit paasilis­savat­taaq Guutiugami naaper­tuil­luar­toq naas­saan­ngitsumik ajus­suseqaan­nar­nis­saa akuerisin­naan­ngik­kaa. (5 Mosesi 32:4) Asan­nin­nermik naaper­tuil­luar­nermil­lu oqimaaqatigiis­saarinis­saq inun­nut ajor­nakusoor­toq, Jehoval­li ilisimas­sutsimini pis­sutsit taak­ku oqimaaqatigiis­sil­luin­narsin­naavai. (Romamiut 11:33; 16:27) Siuner­tani naam­mas­siniarlugit Guutitut ajugaqan­ngitsutut qanorluun­niit ilior­nis­s­saminut pis­saaneqar­poq. (1 Mosesi 17:1) Biibilimi siun­nersuut silatooq malin­niarsariguk­ku Pin­ngor­titsisoq pingaar­tin­nerulis­savat paasis­sal­lugulu siun­nersuutai iluaqutaajuaan­nar­tut.

⁵ Al­latut aam­ma Guutimut qanit­tumik at­taveqalersin­naavugut, tas­sa qinunik­kut. Jehova ’qin­nutitsin­nik tusar­tar­poq’. (Tus­siaat 65:3) ’Qin­nutigisavut paasisin­naasavul­lu akimungaarlugit iliorsin­naavoq’. (Efesosimiut 3:20) „Ikin­ngut“ arlaan­nik iliuuseqar­tik­kusuleraangamitit aatsaat saaf­figin­nit­tar­toq qanoq isumaqarfigis­saviuk? Qular­nan­ngitsumik iluarinavian­ngilat. Taamaat­tumik pisariaqar­titaan­nar­nik Guuti qin­nuiginiaan­narlugu qinunerup im­mik­kut pisin­naatitaaf­fiunera atoqinagu. Aam­ma qinunik­kut qutsavigalugulu un­nersiutigisariaqar­pat. — Filip­pimiut 4:6, 7; 1 Thes­salonikamiut 5:17, 18.