GUUTIP aqutsineranut pikitsitsigamik inuit inuunerat siuner­taaruk­kaluar­toq Guutip neriuutaarul­luin­nar­tin­ngilai. Biibili nas­suiaavoq: „Pin­ngor­titam­mi naalatsigititaap­put piun­ngitsuus­susermut nam­min­neq piumasarin­ngisamin­nik naalatsigititsisorli pis­sutaal­luni, neriul­lutil­lu pin­ngor­titat­taaq nam­min­neq aniguisitaajumaar­tut nungujas­susermi inus­siaataanermit kif­faan­ngis­suseq Guutip qitor­naasa naalan­narsif­fis­sami pisas­saat pigilerlugu.“ (Romamiut 8:20, 21) Aap, inuit siul­liit kinguaavi Guutip neriuutis­saqalersip­pai. Ajor­timit toqumil­lu kingor­nus­samin­nit inuit aniguisitaanis­saan­nik neriuut qular­naatsoq. Jehova Guutimut qanimut at­taveqaleq­qis­sin­naas­sap­put. Qanoq?

² Adami Evalu ajor­tulioramik kinguaatik nunami naas­saan­ngitsumik siuner­taqarluar­tumil­lu inuusin­naajun­naarsip­paat. Suup ajun­ngitsuuneranik suul­lu ajor­tuuneranik nam­min­neq aalajangiisarusuk­kamik kinguaas­satik ajor­timut toqumul­lu akigivaalusooq. Kinguaavi as­sersuun­neqarsin­naap­put qeqer­tami ungasis­sumi inus­siaatinut kun­nginit ajor­tunit aqun­neqar­tumi tigusaaq­qasunut. Toqu kun­ngitut inun­nut naalagaavoq, aam­mat­taarli inuit kun­ngimut al­lamut inus­siaataap­put — tas­sa ajor­timut. (Romamiut 5:14, 21) Aniguisitsisus­saqar­pasin­ngil­lat. Tas­sami siuaasamin­nit inus­siaatitut tunineqar­put. Ajun­ngitsulior­tul­li er­ni aal­lar­tip­paa, inus­siaatit tamaasa aniguisin­niarlugit akileq­quneqar­tunik tamanik akiliisoq. — Tus­siaat 51:7; 146:4; Romamiut 8:2.

³ As­sersuusiami uani angut inus­sianik ikiuisoq Jehova Guutimut as­sersuutaavoq. Er­neq akiliil­luni inus­siaajun­naarsitsisoq tas­saavoq Jiisusi Kristusi. Inut­tut inuulin­ngik­kal­larami Guutip er­nituatut qilam­mi inuusimavoq. (Johan­nesi 3:16) Taan­naavoq Jehovap siul­liul­lugu pin­ngor­titaa, taan­nalu ikior­tigalugu suut  tamarmik pin­ngor­tin­neqarlutik. (Kolos­semiut 1:15, 16) Tupin­nar­tulior­nik­kut anersaap taas­suma inuunera niviarsis­sap il­liaanut Jehovap nuup­paa naam­mal­luin­nar­tutut inun­ngor­tus­san­ngorlugu, Guutip naaper­tuil­luas­susiata akiliutigeq­qusaanik akiliisus­san­ngorlugu. — Lukasi 1:26-31, 34, 35.

⁴ Jiisusi 30-t mis­saan­ni ukioqarluni Jordanip kuus­suani kuisip­poq. Kuisik­kami Guutip nukinganik sulis­sutigin­nit­tumik, anersaaq il­ler­nar­tumik, tanin­neqar­poq. Taamaalil­luni Kristusin­ngor­poq, isumaqar­toq ’tanitaq’. (Lukasi 3:21, 22) Jiisusi ukiut sisamaat avil­lugu nunami kif­far­tor­poq. Kif­far­tor­nermi nalaani ajoqersuk­kani „Guutip  naalagaaf­fia“ pil­lugu oqalut­tuup­pai. Guutip Naalagaaf­fia tas­saavoq qilam­mi naalak­kersuisut, naalagaaf­fik inun­nik Jehova Guutimut eq­qis­sinar­tumik at­taveqalersitsisus­saq. (Lukasi 4:43; Mat­thæusi 4:17) Inuit inuunermin­ni qanoq nalerisimaarluin­narsin­naasut Jiisusip nalun­ngilaa, ajoqersuk­kanilu pil­luar­neq pil­lugu aalajangersimasunik najoq­qutas­sil­lugit. Biibilimi Mat­thæusip al­lagaa kapitali 5-mit 7-imut soormi qup­peruk­kit qaq­qamilu oqaluusaani oqaasiisa ilai atuarlugit?

⁵ Adami as­siginagu Jiisusi Guutimut naalal­luin­nar­tuuvoq. „Ajor­tuliun­ngilaq.“ (1 Petrusi 2:22; Hebræerit 7:26) Nunami naas­saan­ngitsumik inuusin­naagaluar­poq, kisian­nili Adamip maangaan­nar­titaa uter­tin­niarlugu ’inuunini akigaa’. Qisum­mi an­niar­titaaf­fim­mi inut­tut naam­mal­luin­nar­tutut inuunini iperar­paa. (Johan­nesi 10:17; 19:17, 18, 28-30; Romamiut 5:19, 21; Filip­pimiut 2:8) Taamaalil­luni uter­titsis­sutis­saq pilersip­paa. Ajor­timit toqumil­lu inuiaat inus­siaajun­naar­nis­saan­nut akiliutigeq­quneqar­toq akiler­paa. (Mat­thæusi 20:28) Takorloorias­sagit il­lit fabrik­kimi inus­siatut sulisutit. Inus­siaajun­naarsitsisoq aniguisin­niarlutil­lu nam­mineq piumas­sutsiminik toqusoq qujamasuf­figis­san­ngin­ner­pigit? Uter­titsis­sut iluaqutigalugu Guutip nunami qilam­milu ilaqutaanut utersin­naaler­pugut, nalerisimaar­narluin­nar­tumil­lu inuusin­naalerluta, ajor­timut toqumul­lu inus­siaataanata. — 2 Korinthimiut 5:14, 15.

⁶ Jehovap ajun­ngis­susia pisas­sarin­ngisaraluar­put paasigutsigu pingaar­til­lugulu inuunitsin­ni Biibilip siun­nersuutaasa ajun­ngitsut malin­nis­saan­nut pis­sutis­saqar­nerulis­saagut. Najoq­qutas­siat malik­kuminaan­ner­paat ilaat as­sersuutigeriar­tigu, tas­sa al­lat ajor­tuliorfigigaangatigut isumak­keerfigin­nin­nis­samik najoq­qutas­siaq. Kolos­semiunut al­lak­kat kapitali 3-mi vers 12-14-imi oqaatsit ilin­niagas­saq 2-mi eq­qaaneqar­tut eq­qaamavigit? Al­lanut as­suarliutis­saqaraluarluta isumak­keerfigis­sagivut versini taak­kunani kajumis­saar­neqar­pugut. Sooq taamaalior­tariaqar­tugut oqaatsit ataqatigiin­nerisa ersersip­paat: „Soorlu [Jehovap] isumak­keerfigigaasi taamatut­taaq ilis­si ilius­saasi.“ Jehovap Jiisusi Kristusil­lu inuian­nut iliuuserisaan­nik paasin­nil­luin­narut­ta pingaar­titsil­luin­narut­talu al­lat qanorluun­niit ilioraluar­pata isumak­keerfigerusus­savavut, ingam­mik peq­qis­simip­pata utoq­qatser­patalu.