Uku im­min­nut akerliusut eq­qarsaatigilaarias­sagitit: Nunami aalajangersimasumi in­nut­taasut 90 procentii sin­nerlugit pilluartorujussuullutik imaluun­niit naammaginakannersumik pil­luarlutik oqar­put, kisian­nili nunami tas­sani nakorsaatinit qulinit ator­neqar­ner­paanit pingasut qasusoor­tunut nakorsaatigitin­neqar­tar­put. Nunami tas­sani in­nut­taasut 91 procentiisa ilaqutariit­tut inuuner­tik naam­magisimaarlugu oqaatigaat. Kisian­nili katit­tut af­fangajaat avit­tar­put!

Nunarsuarmi inuit af­faasa mis­saat, nunani 18-iniit­tut, misis­suif­figineqarmata paasinarsivoq „nunarsuaq tamak­kerlugu siunis­saq pil­lugu isumal­luan­ngin­nermik naner­tisimasoqar­toq“. Tamatuma takutip­paa amerlasuut inuunermin­nik nalerisimaarutigin­nin­ngitsut. Il­lim­mi? Atuagas­siaaraq una al­lan­neqar­poq nalerisimaarlutit inuuler­nis­san­nut ikior­niarlutit.