SOOQ inuit taama amerlatigisut inuunermin­nik siuner­taqar­titsiniar­nerigaluat asuliin­nar­tar­pa? „Inuk ar­namit er­niusoq inuunikit­tar­poq eq­qis­sinaatsorsior­taqalunilu. Naasoq as­sigalugu sik­ker­tar­poq toqusarlunilu, tarrar­tut nigoriar­tor­tar­poq atajuarsin­naananilu.“ (Jobi 14:1, 2) Paratiisimi inun­nut siul­ler­nut pisoqar­poq inuian­nut qaamasumik siunis­saarutsitsisumik.

² Inuit piviusumik pil­luas­sagunik Guutimut at­taveqarluar­tariaqar­put — taman­nalu nam­min­neq kis­saatigisus­saavaat, pin­ngitsaaliis­sutaan­ngilaq. (5 Mosesi 30:15-20; Josva 24:15) Jehovap kis­saatigaa asan­nin­ner­tik pis­sutigalugu uum­mam­mik pisumik naalas­sagaan­ni pal­lorfigis­sagaan­nilu. (5 Mosesi 6:5) Edenip naatsiiviani inuk siul­leq, Adami, Jehovap kil­liler­paa uum­mam­mik pisumik Guutimut aalajaas­sin­naanerminik up­per­narsaasin­naatil­lugu. „Naatsiiviup or­pii tamaasa nerif­figisin­naavatit, kisian­ni or­pik ajun­ngitsumil­lu ajor­tumil­lu ilisimalersitsisoq nerif­figis­san­ngilat, nerif­figigaluaruk­kumi toqus­saatit!“, Guuti Adamimut oqar­poq. (1 Mosesi 2:16, 17) Misilin­neqar­neq ar­tor­nan­ngitsoq. Naatsiiviup or­piinit tamanit or­piup ataasiin­naap paar­naanik Jehovap Adami nereq­qun­ngilaa. Suup ajun­ngitsuuneranut suul­lu ajor­tuuneranut Pin­ngor­titsisup sunik tamanik ilisimasal­lip aalajangiisus­saatitaaneranut or­pik taan­na as­sersuutaavoq. Nuliani, ’im­minut tul­luar­tun­ngorlugu’ Jehovamit pin­ngor­tin­neqarsimasoq, Guutip iner­teq­qutaanik oqalut­tuup­paa. (1 Mosesi 2:18) Marluul­lutik aaq­qis­suus­sineq taman­na naam­magisimaar­paat — tas­sa Guutip naalak­kersuinerata ataani inuuneq. Qujamasul­lutik naalap­paat, taamaalil­lutil­lu Pin­ngor­titsisumin­nut Inuunermil­lu Tunisisimin­nut asan­nin­ner­tik takutil­lugu.

³ Ul­lul­li ilaan­ni pulateriaarsuup Eva oqaluutiler­paa. Ima aperaaq: „Ilumut Guuti oqar­pa naatsiiviup or­pii nerif­figis­san­ngik­kisi?“  Evap akivaa or­piup ajun­ngitsumil­lu ajor­tumil­lu ilisimalersitsisup ’naatsiiviup qeq­qaniit­tup’ paar­nai kisiisa nerif­figisin­naan­ngik­kitik, ’taamaaliorunik toqus­sagamik’. — 1 Mosesi 3:1-3.

⁴ Pulateriaarsuk taan­na kinaava? Biibilimi Saq­qum­mersitat-ni ersersin­neqar­poq „pulateriaarsutoqaq“ tas­saasoq „Diaavulumik Saatanimil­lu taaneqar­toq silarsuarmik tamarmik tam­mar­titsiniar­toq“. (Saq­qum­mersitat 12:9) Guutip Saatani Diaavulu pin­ngor­tip­paa? Naamik, Jehovap pin­ngor­titai tamarmik naam­mal­luin­nar­tuul­lutil­lu ajun­ngitsuup­put. (5 Mosesi 32:4) Anersaaq taan­na im­minut Diaavulun­ngor­tip­poq Saatanin­ngor­til­lunilu. Oqaaseq Diaavulu ’mamarliisumik’ isumaqar­poq, Saatanilu ’as­sor­tuisumik’ isumaqarluni. Saatani Diaavulu ’nam­mineq pileris­sutsiminit [Guutimik taarseerusun­nerminit] nas­sataritil­luni kajumitsatsitaavoq’ Pin­ngor­titsisumul­lu pikitsitsilerluni. — Jaaku 1:14.

⁵ Saatani Diaavulup nangil­luni Eva ima oqarfigaa: „Toqus­san­ngivip­pusi! Guutil­li nalun­ngilaa nerif­figigaluarus­siuk isisi uisitaajumaar­tut Guutisul­lu ilerumaar­tusi ajun­ngitsoq ajor­torlu nalujun­naas­sal­lugit.“ (1 Mosesi 3:4, 5) Or­piup ajun­ngitsumik ajor­tumil­lu ilisimalersitsisup nerif­figinis­saa Saatanip pilerinar­tun­ngor­tip­paa. As­sigiin­nar­paa ima oqarsimaguni: ’Guutip ajun­ngitsumik erliguup­paasi. Or­pim­mit nererian­nguaritsi; taava Guutisut ilis­saasi sunalu ajun­ngitsuunersoq ajor­tuunersorluun­niit nam­mineq aalajangersin­naalis­savarsi.’ Aam­ma ul­lumik­kut Saatanip inuit Guutimut kif­far­tor­nis­saraluat akor­nuser­niarlugu nam­minis­sarsior­nerulersin­niar­tar­pai: ’Piumasan­nik iliorian­nguarit,’ oqar­poq. ’Inuunermik tunisisoq eq­qarsaatigisariaqan­ngilat.’ — Saq­qum­mersitat 4:11.

⁶ Taava or­piup paar­nai akiugas­saan­ngitsumik pilerinarseriataar­put! Evap paar­naq tigoriarlugu tamus­ser­poq uinilu tamus­serlugu. Qanoq kinguneqas­sasoq nalun­ngil­luin­naraluarlugu Adami nuliaminut maleruutiin­nar­poq paar­narlu neril­lugu. Qanoq kinguneqar­pa? Jehovap ar­naq ima eq­qar­tuup­paa: „Naar­tunin­ni amerlaqisunik ip­pigusuuteqar­tit­tarumaar­pagit. An­niarlutit er­nisarumaar­putit; uiit pileris­suseqarfigis­savat, taan­nalu ilin­nut naalagaas­saaq.“ Angum­mul­lu ima oqar­poq: „Narsaat perloq­qunarsis­saaq il­lit pisuul­lutit, erloqil­lutit inuutis­sarsiorfigis­savat inuunerit naatserlugu. Or­pik­kanik naasupilun­nil­lu kapinar­tulin­nik  nuna ilin­nut naatitaqar­tas­saaq, narsaam­milu naatitat inuus­sutigis­savatit. Kiak­kiul­lugu nerisas­sarsius­saatit is­sumut uterserlutit, tas­san­nga pigavit. Is­sumim­mi pivutit, is­sun­ngus­saatil­lu.“ Maan­na Eva Adamilu pil­luas­sagunik nalerisimaas­sagunil­lu nam­mineer­tus­san­ngor­put. Guutip siuner­taa naaper­torlugu inuunatik inuit nalerisimaarsin­naap­pat? Paratiisip naatsiivianik paarsineq nunarsuarlu tamak­kerlugu paratiisin­ngor­titsiniar­neq nuan­nersoq inuugin­nar­niarluni suleruloor­nermik taarser­neqar­poq, Pin­ngor­titsisumul­lu ataq­qinaataanani. — 1 Mosesi 3:6-19.

⁷ Inuit siul­liit ul­lormi or­pim­mit ajun­ngitsumik ajor­tumil­lu ilisimalersitsisumit nerif­fim­min­ni Guutip isaani ’toqup­put’ timik­kul­lu toqujar­tulerlutik. Toqugamik qanoq pip­pat? Toqusimasut pil­lugit Biibilip ilisimatip­paatigut. „Uumas­suseqar­tut nalun­ngilaat toqusus­saagamik, toqungasul­li sun­nguamil­luun­niit ilisimasaqan­ngil­lat! Pis­sarsias­saqan­ngil­lat, qanormi ateqar­neran­nik eq­qaaman­nit­toqan­ngilaq.“ (Oqaluus­sisar­tup oqaasii 9:5; Tus­siaat 146:4) Toqup kingor­na inuusar­tumik inuk ’tar­neqan­ngilaq’. Ajor­tulior­tup toqu pil­laatisias­saraa, an­niarfim­mi naas­saan­ngitsumik naal­liutsitaanerun­ngitsoq. Aam­ma toqu qilam­mi naas­saan­ngitsumik pil­luar­nermut aq­qutis­siuin­ngilaq. *

⁸ Kaagit kaagiliorfim­mi imil­lun­nikumi kaagiliat tamarmik aam­ma imil­lun­neqas­sap­put. Aam­mat­taaq angut ar­narlu maan­na naam­mal­luin­nan­ngitsuulersut naam­mal­luin­nan­ngitsuin­nar­nik meeq­qius­sap­put. Qanoq pisoqar­toq Biibilimi nas­suiar­neqar­poq: ’Inuk­kut ataasiin­nak­kut ajor­ti silarsuarmut tikiup­poq ajor­tik­kul­lu toqu tikiul­luni, . . . toqulu inun­nut tamanut an­ngup­poq tamarmik ajor­tuliormata.’ (Romamiut 5:12) Taamaat­tumik tamat­ta ajor­tiliul­luta inun­ngor­pugut piun­ngitsuus­susermul­lu naalatsigitil­luta. Adamip kinguaavinut inuuneq suleruloor­neruvoq erloqinar­toq. Taman­na aaq­qiis­sutis­saqar­pa?