JEHOVAMIK ilisarsinerit ilin­nut qanoq kinguneqas­sava? Ilaatigut inuit mil­liardit apeq­qutigisar­tagaat una akis­sutis­sarsis­savat: ‘Sooq piuvunga?’ Qular­nan­ngitsumik taman­na eq­qarsaatigisarsimas­savat. Kun­ngi silatooq nalimini ’nunarsuarmi kun­nginit tamanit’ pisuujuner­paaq inuunerup siuner­taa pil­lugu misis­suisimavoq. (2 Nalunaarsuutit 9:22; Oqaluus­sisar­tup oqaasii 2:1-13) Kun­ngi taan­na Salomo pis­saaneqangaar­poq, pisuus­suter­pas­suaqarluni nalis­saqan­ngitsumil­lu ilisimas­suseqarluni. Qanoq isum­mer­pa? „Tamaasa tusareeruk­kit ima ataatsimut katin­neqar­tis­savatit: Guuti mianeruuk inatsisaalu maleruarlugit, inuit tamarmik taamaalior­tus­saap­put!“ (Oqaluus­sisar­tup oqaasii 12:13) Inun­nit amerlaner­nit Salomo misilit­tagaqar­nerum­mat isum­mer­nera eq­qarsaatigeq­qis­saas­sal­lugu pitsaas­saaq. — Oqaluus­sisar­tup oqaasii 2:12.

² Guutimik mianerin­nin­neq Salomop oqaatigisaa anersaamut pis­saanilim­mut nalusamut ersinerun­ngilaq. Asangaak­kamut ajual­latsik­kusun­ngisamut peq­qin­nar­tumik mianerin­nin­neruvoq. Nuan­narisat­ta nuan­narisaanik ilior­niar­tar­pugut, ajual­laatigisin­naasaaniun­ngitsoq. Jehovamut asan­nin­nerujar­tor­til­lutit taamatut at­taveqalis­saatit.

³ Pin­ngor­titsisup qanoq siuner­taqarluni nunarsuaq pin­ngor­tin­neraa, suul­lu iluarinerai iluarin­ngin­neraalu Biibilip atuar­neratigut paasineqarsin­naap­put. Jehova ’qilam­mik pin­ngor­titsisuusoq, aam­malu tun­ngaviliisoq; soqan­ngitsus­san­ngorlugu pin­ngor­titsin­ngitsoq, kisian­nili najugaqarfis­san­ngorlugu’ pin­ngor­titsisoq Biibilimi oqaatigineqar­poq. (Esaja 45:18) Jehovap nunarsuar­put inun­nik najugarineqar­tus­san­ngorlugu pin­ngor­titanil­lu tas­sani uumasunik inuit isumagin­nit­tus­san­ngorlugit pin­ngor­tip­pai. (1 Mosesi 1:28) Inuit pin­ngor­tik­kamigit nunarsuat­ta isumagineqar­nis­saan­naa siuner­taraa?

⁴ Naamik, qutsin­nerusumik siuner­taqar­poq. Inuk siul­leq Adami Jehovamut at­taveqarluar­tuuvoq. Adamip Pin­ngor­titsisoq  toq­qaan­nar­tumik at­taveqarfigisin­naavaa. Guutip oqaluuk­kaangani tusaagin­nar­nagu aam­ma eq­qarsaatini Jehovamut anis­sin­naavai. (1 Mosesi 1:28-30; 3:8-13, 16-19; Apustilit Suliaat 17:26-28) Taamaalil­lutik Adamip nuliatalu Evap Jehova ilisarisimal­lualersin­naavaat qanit­tumil­lu at­taveqarfigilersin­naal­lugu. Jehova ’Guutium­mat pil­luar­toq’ ilisarisimasuugunik­ku ilaarsimasuugunik­kulu ajun­ngitsumik inuusin­naagaluar­put. (1 Timotheusi 1:11) Guutiugami „naam­mat­tunik tun­nius­sisoq“ Jehovap inuit siul­liit paratiisimut Edenip naatsiivianik taaneqar­tar­tumut inis­sip­pai, naas­saan­ngitsumil­lu inuusin­naatil­lugit. — 1 Timotheusi 6:17; 1 Mosesi 2:8, 9, 16, 17.

⁵ Naas­saan­ngitsumik inuuneq? Im­maqa inuunermik naas­saan­ngitsumik eq­qarsaat tun­ngavis­saqan­ngin­nerar­pat, taamaap­pali? Inuup timaata cel­liisa pisoqalisar­nerinut peq­qutaasoq ilisimatuut paasisimanerar­paat. Inuup qanoq it­tuunis­saanik aalajangiisar­tut kromosomit isuan­niit­toqar­poq kingor­nut­tak­kamik telomerimik taaneqar­tar­tumik. Singit nuuini ingutser­naveeq­qutinut as­sersuun­neqarsin­naap­put, cel­lil­li avin­neri tamaasa naalial­lat­tarlutik. Cel­lit 50-t 100-l­lu akor­nan­ni avereerangata telomerit nungul­lar­tar­put cel­lit amerlanerit avit­taqat­taas­sutigiun­naagaan­nik. Ilisimatuut misis­suineri kingul­liit naaper­torlugit enzymip telomerasemik taaneqar­tar­tup inuup timaata cel­lii naas­saan­ngitsumik avit­taqat­taar­tuar­tis­sin­naavai. Imaan­ngilaq enzymi taan­nar­piaq iluaqutigalugu Jehovap naas­saan­ngitsumik inuusin­naatis­sagaatigut, takutip­paali naas­saan­ngitsumik inuusoqarsin­naaneranik eq­qarsaat up­per­nan­ngivis­suun­ngil­luin­nar­toq.

⁶ Inuit siul­liit marluk naas­saan­ngitsumik inuusus­san­ngorlugit pin­ngor­titaaneran­nik Biibilimi oqalut­tuaq ilumoor­tuuvoq. Siuner­taavoq inuit naas­saan­ngitsumik Jehovamut qanin­nerujar­tuin­narlutik at­taveqar­nis­saat. Ataatar­tik qilam­miusoq qanimut at­taveqarfigisus­saavaat, nunamut inun­nul­lu siuner­taa ilin­niar­tus­saal­lugu siuner­tamil­lu tamatumin­nga naam­mas­sin­neqatigisus­saal­lugu. Naal­liul­lutik inuusus­saan­ngil­lat. Adami Evalu nuan­ningaar­tumik siunis­saqar­put. Pil­luar­tunik naam­mal­luin­nar­tunil­lu kinguaas­siorlutik nunarsuaq ulik­kaarsin­naagaluar­paat. Naas­saan­ngitsumut siuner­taqarluar­tumik nuan­nersumil­lu suliaqarsin­naagaluar­put. Inuuneq nuan­nerluin­narsimas­sagaluar­poq! — 1 Mosesi 1:28.