Satan inngilipiluilu erniinnaq inuiannik salloqittaajunnaassapput. Jehovap qilammit igereersimavai. (sarĸúmersitat 12:9) Qanittukkut Guutip Satan inngilipiluilu iliuuseqarfigeqqissavai. Guutimit takorruuisinneqarluni apustili Johannes ima allassimavoq: ‘Inngili takuara qilammit aqqartoq, taassuma itinersuarmut matuersaataasoq pigigaa, kalunnersuillu tigumiarigai. Kuukkooriaasarsuarlu tiguaa, taanna pulateriaarsutoqaq, tamassalu Diaavulu Satanilu, qilersorpaalu ukiut tuusintillit qilersugaaqqullugu; itinersuarmullu igippaa matullugulu qulaagullu naqissuserlugu, inuiaqatigiit taassumunnga tammartissaaqqullugit ukiut taakku tuusintillit naammatsitserlugit.’ (sarĸúmersitat 20:1-3) Kingusinnerusukkut Diaavulu inngilipiluilu naassaanngitsumut suujunnaarsitaassapput. — sarĸúmersitat 20:13.

Nunami inuit ajortut aamma suujunnaarsitaassapput. — Tussiaat 37:9, 10; Lúkarse 13:5.

Satan inngilipiluillu peerneqareerpata Jehovap inuiaat pilluaqqungaassavai. Eqqaamavat toqusimasut piujunnaarsimasut. Jesusip toqu sininnermut — sinnattornani itisuumik sininnermut — assersuussimavaa. (Juánase 11:11-14) Taamaaliorsimavoq nalunnginnamiuk siunissami toqungallutik sinittut inuunissamut itertinneqarumaartut. Ima oqarsimavoq: ‘Ullut nalliukkumaarput, taava iliverniittut tamarmik ... anillutik makissapput.’ — Juánase 5:28, 29; naleqqiuguk apustilit suliait 24:15.

Maani nunarsuarmi inooqqilissapput. Toqusunik nalunaarutit taarserlugit, inuunermut utertinneqartunik nuannersumik nalunaaruteqartassaaq! Ila, asasavut toqusimasut ilivermiit tikilluaqqussallugit nuannissusissaa!