Guutip inuit tamalaat qanorluun­niit atugaqartut qinunik­kut im­minut saaf­figin­neq­quai. (Tussiaat 65:3) Qin­nutil­li ilaannai tusartarpai, imaluun­niit akuerisarpai. As­sersuutigalugu uiusup nuliaminik ajortumik pin­nit­tartup qin­nutai ‘akornuserneqarsin­naap­put’. (1 Petrusi 3:7) Aam­ma Israelik­kut ajortuliortuaan­narmata qin­nutaat Guutip tusaruman­ngilai. Ajortuliortorli peq­qis­simiguni al­lamil­lu isumataaruni Guutimit tusarneqas­saaq, al­laal­lu ingasat­tumik ajortuliorsima­galuarluni. Aap, qinuneq ilumut im­mik­kut pisin­naatitaaf­fiuvoq. — Atuakkit Esaja 1:15; 55:7.

Filmi isiginnaaruk: Guutip qinnutit tamaasa tusartarpai?

Qinuneq pal­lorfigin­nin­nitsin­nut ilaavoq, taamaat­tumik taamaal­laat Pin­ngortit­sisitsin­nut, Jehovamut, qinusas­saagut. (Mat­thæusi 4:10; 6:9) Naam­mal­luin­nan­ngitsuugat­ta Jiisusip aq­qani qinusas­saagut, taan­nami ajortivut pil­lugit toquvoq. (Johan­nesi 14:6) Jehovap kis­saatigin­ngilaa qin­nutit alan­ngaarsin­naasavut al­lan­neqarsimasul­luun­niit uteqat­taartas­sagivut. Kis­saatigaali qaman­nga pisumik qinusas­sasugut. — Atuakkit Matthæusi 6:7; Filippimiut 4:6, 7.

Pin­ngortitsisit­ta al­laat nipaqan­ngitsumik qin­nutivut tusaasin­naavai. (1 Samueli 1:12, 13) Kajumis­saarpaatigut periarfis­saqarnivut tamaasa qinusas­sasugut, soorlu ul­laak­kut iteraangat­ta un­nuk­kul­lu in­naleraangat­ta, nerileraangat­ta ajornartor­siuteqale­raangat­talu. — Atuakkit Tussiaat 55:23; Matthæusi 15:36.

Inuit Guutimik up­perin­nin­ngitsut taas­sumalu nunarsuarmi eq­qis­sinis­samik neriorsuutaanik il­laruaatigin­nit­tut akornan­ni inuugat­ta Guutimut qanil­liniarneq im­maqa sapernarsin­naavoq.  (2 Timotheusi 3:1, 4; 2 Petrusi 3:3, 13) Taamaat­tumik up­peqatitsin­nik kajumis­sinartumik peqateqartarnis­sarput pisariaqartip­parput, taak­kualu uagut pisariaqartip­paatigut. — Atuakkit Hebræerit 10:24, 25.

Guutimik asan­nit­tunik peqateqartarnerput Guutimut at­taveqarlualernis­satsin­nut iluaqutigaarput. Jehovap Nalunaajaasuisa ataatsimiin­neri periarfis­saal­luarput al­lat up­perneran­nit nakus­satsin­neqarnis­samut. — Atuakkit Romamiut 1:11, 12.

Jehovamut at­taveqar­lualersin­naavutit ilik­kak­kan­nik Biibilimeersunik eq­qarsaatigin­neq­qis­saartarnik­kut. Taas­suma suliai, siun­nersuutai neriorsuutaalu qanoq ilin­niarfigisin­naanerlugit eq­qarsaa­tigisaruk. Qinusarnik­kut eq­qarsaatigin­neq­qis­saartarnik­kul­lu Guutip asan­nin­neranik ilisimas­susianil­lu qaman­nga pisumik pingaartitsilis­saagut. — Atuakkit Josva 1:8; Tussiaat 1:1-3.

Guutimut at­taveqar­lualersin­naavutit aatsaat up­peralugulu tatigiguk­ku. Up­perneq naasumut as­sersuun­neqarsin­naavoq. Naasup imerterneqartuartariaqarneratut up­pernerit nakus­satsit­tuartariaqarpat up­pernin­nut tun­ngaviusut pil­lugit im­minut eq­qaasit­tarnik­kut. — Atuakkit Matthæusi 4:4; Hebræerit 11:1, 6.

Jehovap im­minik asan­nit­tut isumas­sortarpai. Up­perneran­nik naas­saan­ngitsumil­lu inuunis­samik neriuutaan­nik navianartorsiortitsisin­naasunut tamanut sernis­sorsin­naavai. (Tus­siaat 91:1, 2, 7-10) Inooriaatsit peq­qiil­liuutigisin­naasavut pil­luarun­naas­sutigisin­naasavul­lu mianersoq­qus­sutigisarpai. Jehovap inooriaatsimik pitsaanerpaamik ilin­niartit­tarpaatigut. — Atuakkit Tussiaat 73:27, 28; Jaaku 4:4, 8.