Inuit nunami naas­saan­ngitsumik inuulerumaarnis­saat pil­lugu nutaarsias­saq nuan­nersoq Biibilimiip­poq. (Tus­siaat 37:29) Biibili atuagaaq­qanit 66-init katitigaavoq. Guutip angutit aalajaatsut 40-t mis­saat atuagaaq­qanik taak­kunin­nga al­latsip­pai. Ukiut 3500-t mis­siliorlugit matuma siorna atuak­kat, imaluun­niit al­lak­kat, siul­liit tal­limat Mosesimit al­lan­neqarput. Atuagaq kingul­leq ukiut 1900-t sin­nerlugit matuma siorna apustilimit Johan­nesimit al­lan­neqarpoq. Biibilimik al­lat­tut kia eq­qarsaatai al­lap­paat? Guutip anersaani il­lernartoq atorlugu Biibilimik al­lat­tut nalunaarfigisarpai. (2 Samueli 23:2) Nam­min­neq eq­qarsaatitik pin­nagit Guutip eq­qarsaatai al­lap­paat. Tas­sa Jehovaana Biibilimik atuak­kiortuusoq. — Atuakkit 2 Timotheusi 3:16; 2 Petrusi 1:20, 21.

Filmi isiginnaaruk: Kina Biibilimik atuakkiortuua?

Siulit­tuutit Biibilimiit­tut sukumiisumik eq­quut­tarmata nalun­ngilarput Biibili Guutimeersoq. Inuit taamatut siulit­tuisin­naan­ngil­lat. (Josva 23:14) Guuti ajugaqan­ngitsoq kisimi inuit siunis­saan­nik eq­qoq­qis­saartumik siulit­tuisin­naavoq. — Atuakkit Esaja 42:9; 46:10.

Atuak­kap Guutimeersup as­seqan­ngil­luin­nartuunis­saa ilimagiin­nagas­saavoq — taamaap­porlumi! Biibili oqaatsinut hundredelin­nut arlalin­nut nutserneqarsimavoq, Biibilil­lu 2 mil­liardinit amerlanerusut naqiterneqarsimap­put. Pisoqarsuugaluarluni ilisimatuus­sutsik­kut eq­qorluartunut naapertuup­poq. Biibilimik al­lat­tut 40-t al­lak­kamik im­min­nut akerlilin­ngisaan­narput. * Aam­ma Biibilimi asan­nin­neq pil­lugu al­las­simasut taamaal­laat Guutimeersuusin­naap­put, taan­naam­mat asan­nis­sutsip Guutia. Aam­mat­taaq ul­lumik­kut Biibili iluaqutigalugu inuit inuunertik al­lan­ngortis­sin­naan­ngortarpaat pitsaanerusun­ngortil­lugu. Paasis­sutis­sat tamak­ku pis­sutigalugit  inuit mil­lionil­lit Biibili Guutip oqaaserigaa qularutigiun­naartarpaat. — Atuaruk 1 Thessalonikamiut 2:13.

Filmi isiginnaaruk: Sooq oqartoqarsinnaava Biibili Guutimeersuusoq?

Biibilimi sam­mineqartut pingaarnerpaat ilagaat Guutip inun­nut asan­nit­tumik siunertaqarnera. Tas­sani paasitin­neqarpugut inuiaat oqalut­tuaris­saanerata aal­lartin­nerani inuit nunami paratiisiusumi im­mik­kut pisin­naatitaaf­figalugu inuunis­saraluartik an­naagaat qanorlu paratiisi atuutilerseq­qin­neqas­sasoq. — Atuakkit Saqqummersitat 21:4, 5.

Aam­ma Guutip oqaasiani inatsiseqarlunilu najoq­qutas­siaqarlunilu siun­nersuuteqarpoq. Tamatuma saniatigut Biibilimi Guutip inun­nik qanoq pin­nit­tarnera oqalut­tuarineqarpoq, tamatuman­ngalu Guutip kinaas­susia paasisin­naavarput. Aap, Biibili iluaqutigisin­naavat Guutimik ilisarisiman­nilernis­samut. Tas­sani nas­suiarneqarpoq qanoq Guutimut ikin­ngutaalersin­naasutit. — Atuakkit Tussiaat 19:8, 12; Jaaku 2:23; 4:8.

Jiisusi al­las­simaf­fin­nik in­nersuus­sisaqat­taartarpoq qanorlu paasisariaqarneran­nik nas­suiaasarluni. Atuagas­siaaq­qami matumani periaaseq taman­na atorneqarpoq, taamatul­lu Biibilimik paasin­nin­nis­samut ikiorneqas­saatit. — Atuakkit Lukasi 24:27, 45.

Tusagas­sat nuan­nersut Guutimeersuusut tiguartin­narluin­nartuup­put. Inuil­li ilaasa soqutigin­ngilaat, al­lal­lu kamaatigisarpaat. Taman­na nikal­luutigeqinagu. Il­lit Guutimik ilisarisiman­nilerniarlutit iliuuseqaruit aatsaat inuuneq naas­saan­ngitsoq neriuutigilersin­naavat. — Atuaruk Johannesi 17:3.