Jehovap nunarsuaq inun­nut tun­niup­paa, aap, nunarsuaq angerlarsimaf­figaarput. Taamaat­tumik inuit siul­liit, Adami Evalu, qilam­miit­tus­san­ngortil­lugit pin­ngortitaan­ngil­lat — Guutimi qilam­miit­tus­sanik in­ngilinik pin­ngortit­sereer­simavoq. (Jobi 38:4, 7) Aap, Guutip inuk siul­leq paratiisimut alianaatsumut, Naatsiivim­mik Edenimik taaneqartumut, pisip­paa. (1 Mosesi 2:15-17) Jehovap Adami kinguaas­saalu nunami naas­saan­ngitsumik inuunis­saan­nut periarfis­sip­pai. — Atuakkit Tussiaat 37:29; 115:16.

Adamik­kut pin­ngortin­neqarmata Naatsiivik Edeni kisimi paratiisiuvoq. Kinguaamin­nik nunarsuaq tamak­kis­savaat, pif­fis­sal­lu ingerlanerani nunarsuaq tamaat im­min­nut naalatsigitis­savaat paratiisin­ngortil­lugulu. (1 Mosesi 1:28) Nunarsuaq aserorneqan­ngisaan­nartus­saavoq, aap, inuit angerlarsimaf­figiuaan­nartus­saavaat. — Atuaruk Tussiaat 104:5.

Filmi isiginnaaruk: Sooq Guutip nunarsuaq pinngortippaa?

Adami Evalu Jehovamut naalan­ngik­kamik naatsiivim­mit anisitaap­put. Paratiisi an­naaneqarpoq, inuul­lu kialuun­niit atuutilerseq­qis­sin­naasiman­ngisaan­narpaa. Biibilimi al­las­simavoq: “Nuna iluan­ngitsunut pigisas­san­ngortitaavoq.” — Jobi 9:24. — Atuakkit 1 Mosesi 3:23, 24.

Jehovap inun­nut aal­laq­qaam­mut siunertani isumak­keersimavaa? Naamik! Ajugaqan­ngitsuugami oqaatsini unioq­qutin­ngisaan­narpai. (Esaja 45:18) Nunarsuarmi pis­sutsit nuan­ningaartut inun­nut aal­laq­qaam­mut siunertarisani atuutilersik­kumaarpai. — Atuakkit Tussiaat 37:11, 34.

Paratiisi nunarsuarmi atuutilerseq­qin­neqas­saaq Guutimit kun­ngin­ngortitaasup Jiisusip naalak­kersuinerani. Sorsun­nis­sami Harmagedonimik taaneqartumi Jiisusi Guutip in­ngiliinik siulersuis­saaq, Guutimil­lu as­sortuisunik tamanik suujun­naarsitsis­sap­put.  Taavalu Jiisusip Saatani ukiuni 1000-ini parnaarus­saatis­savaa. Guutil­li kif­fai aniguis­sap­put, Jiisusim­mi siulersorlugil­lu paariumaarpai. Taak­ku nunarsuarmi paratiisiusumi naas­saan­ngitsumik inuus­sap­put. — Atuakkit Saqqummersitat 20:1-3; 21:3, 4.

Qaqugu Guuti nunarsuarmi ajus­suseerutsitsis­sava? Jiisusip nag­gatis­sap qanil­lineranut nalunaaqut eq­qaavaa. Silarsuarmi pis­sutsit maan­na atuut­tut inuiaat inuujuarnis­saan­nik aarlerinartor­siortitsip­put, tamatuman­ngalu erserpoq ‘silarsuup nag­gatis­saa’ qanil­lisoq. — Atuakkit Matthæusi 24:3, 7-14, 21, 22.

Jiisusip ukiuni 1000-ini qilam­miit nunamut naalak­kersuinermini naal­liuutit tamaasa atuuk­kun­naarsik­kumaarpai. (Esaja 9:5, 6; 11:9) Jiisusi kun­ngiul­lunilu palasiunerusus­saagami Guutimik asan­nit­tut ajortuliaan­nik piiaas­saaq. Taamaalil­luni Guutip Jiisusi aq­qutigalugu nap­paatit, utoq­qali­sarneq aam­ma toqu atuuk­kun­naarsik­kumaarpai. — Atuakkit Esaja 25:8; 33:24.

Guutimut naalat­tut Paratiisimi inuujumaarput. (1 Johannesi 2:17) Jiisusip ajoqersuk­kani inun­nik maniguut­tunik ujaasiartortil­lugil­lu Guutimit qanoq iluarisaa­soqa­lersin­naanera pil­lugu ilin­niartitsiartortip­pai. Ul­lumik­kut Jehova inun­nik mil­lionilin­nik nunarsuarmi paratiisiusumi inuusus­sanik piareersaavoq. (Sefania 2:3) Jehovap Nalunaajaasuisa naalagaaf­filersaar­fiini qanoq uiul­luarneru­lersin­naal­lunilu ataataal­luarneru­lersin­naaneq aam­ma qanoq nuliaal­luarnerulersin­naal­lunilu anaanaal­luarneru­lersin­naaneq ilin­niarneqar­tarput. Meeq­qat angajoq­qaal­lu ataatsimiigiaqatigiit­tarlutil­lu Biibili qanoq iluaqutigisin­naanerlugu ilin­niartarpaat. — Atuakkit Mika 4:1-4.