Jiisusip inuit naam­mal­luin­nan­ngitsut pil­lugit inuunini pil­liutigaa. (Rom 5:8) Uagut pil­luta taamatut asan­nin­nini ersersik­kaa tamat­ta im­mik­kut qujamasuutigigaluarlugu qatan­nguter­put­taaq pil­lugu Kristusi toqusoq ilaan­nik­kut eq­qaasin­neqar­tariaqar­tar­pugut. Qanoq ilil­luta qatan­ngutivut uatsitul­li naam­mal­luin­nan­ngitsuusut kristumiutut asan­nin­nermik takutitsivigisin­naavavut? Iliuuserineqarsin­naasut pingasut eq­qarsaatigik­kit: Siul­ler­tut, al­laanerusumik tunuliaqutal­lit eq­qumaf­figalugit amerlanerusunik ikin­nguteqaler­nik­kut. (Rom 15:7; 2 Kor 6:12, 13) Aap­paat­tut, oqaatsik­kut iliuutsik­kul­lu al­lanut ajual­latsitsinaveersaar­nik­kut. (Rom 14:13-15) Kiisalu, ajor­tuliorfigineqarut­ta isumak­keerfigin­neriaan­naanik­kut. (Luk 17:3, 4; 23:34) Taamatut ilungersorluta Jiisusi ilaar­niar­tarutsigu Jehovap ilagiit eq­qis­sinermik ataasius­susermil­lu pil­luaq­qujuas­savai.

FILMI BLIV SMUKKERE! ISIGINNAARIARLUGU APEQQUTIT UKU AKIKKIT:

• Aal­laq­qaam­mut Mikip ilagiit qanoq isumaqarfigai?

• Misigis­susaasa al­lan­ngor­neran­nut suna pis­sutaava?

• Mikip isigin­nit­taatsiminik al­lan­nguinis­saminut Jiisusip maligas­siaa qanoq iluaqutigaa? (Mark 14:38)

• Up­peqatitsin­nut isumal­luar­tumik isigin­nit­taaseqar­nis­satsin­nut Us­satit 19:11 qanoq iluaqutigisin­naavar­put?