KRISTUMIUTUT INUUNEQ
Eqqaaniaanermut qanoq piareersassavit?
Ukioq manna aallarnerfigalugu Kristusip toquneranik eqqaaniaanissamut piareersarnissamut piffissaqarnerusalissaagut. Eqqaaniaanissaq ulluinnarmi pisussaagaangat sapaatip akunnerani tamatumani ulluinnarni ataatsimiittoqartassanngilaq. Eqqaaniaanissaq sapaatip akunnerata naanerani pisussaappat ataatsimiinnissaraluaq taamaatiinnarneqassaaq. Piffissaqarnerulernissat atorluarlugu pilersaarusiorsinnaavit? Kristumiut siulliit pisimanerattut pisussamut immikkut ittumut piareersarnermi suliassaqartarpugut. (Luk 22:7-13; km 3/15 qupp. 1) Tamattali immikkut uummatitsigut piareersartariaqarpugut. Qanoq taamaaliorsinnaavugut?
-
Eqqaaniaalluni najuunnissap pingaaruteqassusia eqqarsaatigiuk. – 1 Kor 11:23-26
-
Illit Jehovamut attaveqarnerit eqqarsaatigeqqissaaruk qinullutillu. – 1 Kor 11:27-29; 2 Kor 13:5
-
Biibililersaarutit eqqaaniaanerup pingaaruteqassusianik allaatiginnittut atuakkit eqqarsaatigeqqissaarlugillu. – Joh 3:16; 15:13
Oqaluussisartut ilaasa Ullut tamaasa Allakkat misissortakkit-mi Biibilimi atuagassat eqqaaniaanermut tunngasut atuarlugillu eqqarsaatigeqqissaartarpaat. Ilaasa allassimaffiit ataaniittut atuartarpaat. Aamma allat eqqaaniaaneq pillugu aamma asanninneq Jehovap Jiisusillu uagutsinnut takutissimasaat pillugu Napasuliaq Alapernaarsuiffik-mi allaaserisat atuaqqittarpaat. Atuaqqissaagassaq sunaluunniit toqqaraluarukku Jehovamut taassumalu erneranut qaninnerulissutigisinnaavat.