KRISTUMIUTUT INUUNEQ
‘Ataatat anaanallu ataqqikkit’
Jiisusip nunarsuarmiikkallarami inassut una erseqqissarpaa: ‘Ataatat anaanallu ataqqikkit’. (2 Mos 20:12; Matt 15:4) Jiisusi nammineq inuusuttuulluni angajoqqaani naalattuarmagit taamatut oqarsinnaasimavoq. (Luk 2:51) Inersimasunngorami toquguni anaanami isumagineqarnissaa qulakkeerpaa. – Joh 19:26, 27.
Aamma ullutsinni kristumiut inuusuttut angajoqqaatik ataqqisarpaat angajoqqaaminnut naalallutillu ataqqinnippaluttumik oqaluttarnermikkut. Tassa angajoqqaatsinnik ataqqinninnissamik inassut qaqugumulluunniit atorunnaartussaanngilaq. Aamma angajoqqaavut utoqqalereersut ataqqissavavut ilisimassusaasa iluaqutigisarnerisigut. (Uss 23:22) Taamatuttaaq misigissutsikkut aningaasatigullu pisariaqartitaannik isumaginerisigut angajoqqaavut utoqqalisut ataqqisarpavut. (1 Tim 5:8) Inuusuttuugaluarutta utoqqaagaluaruttaluunniit angajoqqaavut ataqqiniarutsigit tamatigut attaveqarfigilluartariaqarpavut.
FILMI WHITEBOARDIMUT TITARTAGAQ ANGAJOQQAAKKA QANOQ OQALOQATIGISINNAAVAKKA? ISIGINNAARIARLUGU APEQQUTIT UKU AKIKKIT:
-
Sooq angajoqqaavit oqaloqatiginissaat ajornakusoortissinnaaviuk?
-
Angajoqqaatit oqaloqatigitillugit qanoq takutissinnaaviuk ataqqigitit?
-
Sooq angajoqqaannik oqaloqateqartarnissat iluaqutigisinnaaviuk? (Uss 15:22)