Israelimi naalaffiliorneq suliarujussuullunilu akisuvoq. Israelikkulli suliaq aallussilluarlutik tapersersorpaat. (1 Nal 29:2-9; 2 Nal 6:7, 8) Naalaffik sananeqareermat Israelikkut anersaakkut qanoq innerat aserfallatsaaliuinerannit ersertarpoq. (2 Kng 22:3-6; 2 Nal 28:24; 29:3) Ullumikkut kristumiut naalagaaffilersaarfiit ataatsimeersuartarfiillu sanaartorniarlugit, eqqiarniarlugit aserfallatsaaliorniarlugillu piffissarujussuaq nukippassuillu atortarpaat. Taamatulli Jehovamik suleqateqarneq immikkut pisinnaatitaaffiullunilu illernartumik kiffartornitsinnut ilaavoq. – Tuss 127:1; Saqq 7:15.

• Ataatsimiinnerup kingorna iluarsaassisarnikkut. Pisinnaasatit killeqarpata issiavippit eqqaani torersaalaarsinnaavutit.

• Akulikitsumik naalagaaffilersaarfimmik eqqiaaqataasarnikkut aserfallatsaaliueqataasarnikkullu. Inuit arlallit ikiuukkaangata nuannernerusarpoq. – lv qupp. 107 § 18.

• Aningaasatigut tapersiinikkut. Qamannga pisumik ‘aningaasannguanik marlunnik’ tunissuteqarneq allaat Jehovamut iluarinartuuvoq. – Mark 12:41-44.

• Pisinnaaguit sumiiffinnik kiffartornermut atorneqartartunik sanaartoqataanikkut iluarsartuusseqataanikkullu. Sanaartornermik misilittagaqarneq ikiuunnissamut piumasaqaataanngilaq.