Takorlooruk Jiisusip nalaani Galilæami inooqataal­lutit. Tupiusaliorfik nal­lius­siar­torlugu Jerusalemiliar­putit. Il­loqarfik up­peqatin­nik ulap­put­tunik ungasis­sorsuarmit tikeraarfigineqarsimasunit ulik­kaar­poq. Jehovamut pil­leerusup­putit. Savaasaq al­lunaasamik nutsul­lugu il­loqarfim­mi aq­qusineeq­qak­kut inulerujus­suak­kut ilungersorlutit naalaf­fiup tungaanut ingerlaar­putit. Apuuk­kavit naalaf­fik pil­leerusut­tunik al­lanik us­sangar­neqarsimavoq. Kiisami tul­lin­nguuk­kavit savaasaq palasimut isaat­tus­san­ngor­pat. Taamaalisorli qatan­ngutivit inup­pas­suit akor­nan­niit­tup il­loqarfim­miit­tul­luun­niit il­lit pil­lutit un­nerluus­sutis­saqar­nera eq­qaaler­pat. Qanoq ilius­sanersutit Jiisusi nas­suiaavoq. (Matthæusi 5:24 atuaruk). Il­lit qatan­ngutivil­lu ajual­las­simasup saam­maas­seqatigiin­nis­samik, tas­sa eq­qis­sivis­sioqatigiin­nis­samik, Jiisusip najoq­qutas­siaa qanoq malis­savisiuk? Ataani im­mersugas­sanut akis­sutit eq­qor­tut krydsilik­kit.

ILLIT ...

• qatan­ngutit aatsaat kaman­neranut tun­ngavis­saqarsoriguk­ku oqaluuk­kiar­tus­savat

• isumaqaruit qatan­ngutit arrajaval­laar­toq imaluun­niit ajor­nar­torsium­mut pisooqataasoq eq­qarsar­tariaasia al­lan­ngor­tin­niarsaris­savat

• qatan­ngutit qanoq misiginerminik oqalut­tuar­toq tusar­naarluaq­qis­saas­savat, qanorlu misiginera paasisin­naan­ngik­kaluarluguluun­niit iliuuserisavit siuner­tarin­ngisamik kingunerlus­simaneri pil­lugit qaman­nga pisumik utoq­qatserfigas­savat

QATANNGUTIVIT ...

• qanoq ajual­latsis­simagit ilagiin­niit­tunut tapersersor­tis­sarsiorluni oqalut­tuaris­savaa

• naviis­savaatit, qanor­piaq ajual­latsis­simanerit nas­suiaq­qis­saas­savaa kuk­kus­sutin­nil­lu nas­sueq­qul­lutit

• or­nin­nis­saanut maniguun­nerit sapiis­suseqar­neril­lu maluginiarlugu qaman­nga pisumik isumak­keerfigis­savaatit

Ullumikkut pallorfiginninnitsinni uumasunik pilliisanngikkaluartugut uppeqatitsinnik eqqisseqateqarnerup Guutimillu akuerisaasumik pallorfiginninnerup imminnut attuumassuteqarnerat pillugu Jiisusip suna ilinniartitsissutigaa?