Ukiumoor­tumik ataatsimeersuar­nitsin­ni sooq taama nuan­nisar­tar­tigaagut? Itsaq Israelimisul­li ul­lumik­kut ataatsimeersuar­nerit periarfis­saqalis­sutigigajup­pagut up­peqatitsin­nik hundredelin­nik, al­laat tuusintilin­nik, Jehovamik pal­lorfigin­neqateqar­nis­samut. Paasis­sutis­sar­pas­suit Jehovamut qanit­tuar­nis­samut iluaqutigisar­tak­kagut tamaasa nuan­narisar­pagut. Aam­ma ikin­ngutitsin­nik ilaqut­tatsin­nil­lu peqateqar­tar­ner­put nuan­naarutigingaar­tar­par­put. Taak­kunin­nga pingaar­titsingaar­ner­put kajumis­sis­sutigalugu ul­lunut ataatsimeersuarfiusunut pingasunut tamanut najuut­tar­pugut.

Katersuuteqatigiin­nis­samut periarfis­saqaraangat­ta inut­tut nam­mineq qanoq iluaqutigin­nis­sin­naaner­put kisiat eq­qarsaatiginagu aam­ma al­lanut qanoq asan­nit­tuliorsin­naaner­put eq­qarsaatigisariaqar­par­put. (Gal 6:10; Hebr 10:24, 25) Qatan­ngutitsin­nut map­pius­sigaangat­ta is­siavin­nil­luun­niit pisariaqar­titaan­natsin­nik in­nimin­niigaangat­ta al­lat iluaqutis­saan­nik isumagin­nit­tar­pugut. (Fil 2:3, 4) Ataatsimeersuar­ner­ni ikin­ngutitaar­nis­samut periarfis­saqarluar­tar­poq. Oqalugiaatit aal­lar­tin­ngin­neran­ni naareer­neran­nilu ul­loqeq­qasior­nerul­lu nalaani anguniagarisarsin­naavar­put ilisarisiman­ngisatsin­nik oqaloqateqar­tar­nis­sar­put. (2 Kor 6:13) Naas­saan­ngitsus­samut ikin­ngutis­satsin­nik naapitseratarsin­naavugut! Pingaar­ner­paamil­lu, avataanit qimerluuisut ilumoorluta asan­nit­tulior­ner­put takugunik­ku aalajangersin­naap­put Jehovamut kif­far­toqatigiler­niarluta. – Joh 13:35.

ISIGINNAAGASSIAQ DE INTERNATIONALE STÆVNER “KÆRLIGHEDEN SVIGTER ALDRIG!” ISIGINNAARIARLUGU APEQQUTIT UKU AKIKKIT:

• 2019-imi ataatsimeersuar­ner­ni nunanit tamalaanit peqataaf­figineqar­tuni ataatsimeersuarianut qanoq asan­nit­tulior­toqar­pa?

• Jehovap in­nut­taasa ataasius­suseqar­nerat asaqatigiin­neral­lu sooq taama maluginiar­nar­tigaa?

• Kristumiutut asan­nin­nermut at­tuumas­suteqar­tut suut Siulersuisoqatigiin­nut ilaasor­tanit erseq­qis­sar­neqar­pat?

• Kristumiutut asan­nin­neq Tysklandimi Koreamilu Kujal­lermi qanoq ataasius­suseqalersitsisimava?

• Suna aalajangiusimasariaqar­par­put?