Ukiut tamaasa Jehovap innut­taasa eqqaaniaaqatigiin­nis­sar­tik qilanaarisar­paat. Eqqaaniaanis­saq sioq­qul­lugu kingor­nalu sapaatit-akun­nerisa ingerlaneranni uter­titsis­sut pil­lugu Jehovap unnersiutiginis­saanut qutsaviginis­saanullu periarfis­sanik immik­kut ittunik atorluaasar­pugut. (Ef 1:3, 7) Assersuutigalugu eqqaaniaanis­samut qaaq­qusiniarluta ilungersor­tar­pugut. Ilaat marsimi apriilimilu ikior­ti-pioneriusin­naajumal­lutik aaq­qiisin­naasar­put, nalunaaqut­tap-akun­nerinik 30-nik 50-inil­luun­niit anguniagaqarlutik. Eqqaaniaanerup siorna kingor­nalu oqaluus­seqataanerorusup­pit? Suut iluatsin­nis­samut iluaqutigisin­naavigit?

Siumut pilersaarusiorsimatil­luta angusaqarluar­nerugajup­pugut. (Us 21:5) Pilersaarusior­nis­samut mas­sak­kut pif­fis­saavoq eqqaaniaanis­saq qanil­liar­tupal­lam­mat. Eqqaaniaanerup nalaani kif­far­tor­nermi qanoq iliuuseqar­nerorusun­nerlutit eqqarsaatigiuk anguniak­katillu angujumal­lugit iliuuserisariaqak­kan­nik aalajangiil­lutit. Taava Jehova qin­nuigiuk iliuutsin­nik pil­luaq­quseq­qul­lugu. – Jo1 5:14, 15.

Eqqaaniaanis­sap nalaani sutigut kif­far­tor­nermi iliuuseqar­nerusin­naavit?