Jehovap ilaqutariit nuannaar­nissaat kissaatigaa. (Ts 127:3-5; Oq 9:9; 11:9) Jehovamulli kiffartor­tuunngitsunit tatineqarneq ilaquttattalu kukkussutaat nuannaarun­naassutigisin­naavagut. Ilaqutariin­niittut tamarmik immikkut qanoq nuannaar­nerulersitseqataasin­naappat?

Uiusup nuliani ataqqin­nittumik pisarpaa. (Pe1 3:7) Piffissaqarfigisarpaa. Nuliaminit piumasaminut tunngatillugu ingasaas­sinianngitsuuvoq, nuliamilu ilaquttatik pillugit iliuuserisar­tagaanik qujamasuutigin­nilluni ersersitsisarpoq. (Kl 3:15) Nuliani asanerartarpaa nersortarlugulu. – Us 31:28, 31.

Nuliaasup uini tapersersor­niartarpaa. (Us 31:12) Kajumilluni naalattarpaa suleqatigisarlugulu. (Kl 3:18) Inussiar­nersumik oqaluuttarpaa ajunngitsumillu eqqartor­tarlugu. – Us 31:26.

Angajoqqaat meeqqatik piffissaqarfigisarpaat. (Mo5 6:6, 7) Asanerar­tarpaat. (Mt 3:17) Asannillutik silatusaarlutillu perorsaatis­siisarput. – Ef 6:4.

Meeqqat angajoqqaatik ataqqil­lugillu naalattarpaat. (Us 23:22) Eqqarsaatitik misigis­sutsitillu oqaluttuarisarpaat. Angajoq­qaaminnit perorsaatis­sinneqarnertik akuerisarpaat. – Us 19:20.

ISIGINNAAGASSIAQ STYRK GLÆDEN I DIN FAMILIE ISIGINNAARIARLUGU APEQQUT UNA AKIUK:

Ilaqutariin­niittut tamarmik immikkut nuannaar­nerulersitsiniarlutik suppat?