Ilumoorluni soqutigin­nin­neq tas­saavoq inuit al­lat eq­qarsaataan­nik, misigis­susiinik, pingaar­titaan­nik pisariaqar­titaan­nil­lu paasin­nis­sin­naaneq. Inuit ilumoor­tumik soqutigineqar­ner­tik malugisin­naasar­paat. Ilumoorluta al­lanik ikiuerusuk­kut­ta ilumoorluta al­lanik soqutigin­nin­nis­samut iluaqutigis­savar­put. Oqaluus­sif­figisagut ilumoorluta soqutigigaangatsigit Jehovap asan­nin­nera isumas­suineralu ilaar­tar­pagut, inuil­lu taman­na Jehova pil­lugu ilin­niarusulis­sutigisar­paat. – Fil 2:4.

Ilumoorluni soqutigin­nin­neq ilin­niar­titseriaasiin­naan­ngilaq. Ilumoorluta soqutigin­nin­ner­put ersersit­tar­par­put inus­siar­nerluta tusar­naaq­qis­saar­tar­nitsigut. Ersersit­tar­par­put oqaloriaatsitsigut, pis­sutsitsigut, us­sersor­nitsigut kiin­natsigul­lu. Oqaluus­sif­figisat­ta soqutigisaanik, up­perisaanik pis­sutsinil­lu atugaanik maluginiaasar­pugut. Oqaluus­sif­figisar­put atoriaan­naasaanik paasis­sutis­sit­tar­par­put ikior­tarlugulu, al­lan­nguinis­saanul­lu tatineq ajor­par­put. Oqaluus­sif­figisar­put uagutsin­nit ikior­neqar­nis­saminut akuersigaangat oqaluus­sinermi nuan­naar­neruler­tar­pugut.

ISIGINNAAGASSIAQ AJOQERSUGAN­NGORTITSINEQ NUANNAARUTIGIUK – PIKKORIN­NERULERIT ILUMOORLUTIT SOQUTIGIN­NIN­NIKKUT ISIGIN­NAARIARLUGU APEQQUTIT UKU AKIKKIT:

• Lærke kingusinaarmat Nel­liep qanoq ilumoorluni soqutigin­nin­nerminik ersersitsivigaa?

• Nel­lie ilumoorluni soqutigin­nin­nermik qanoq ersersitsiva Lærke atuaq­qis­saar­nis­saminut stres­ser­pal­laar­nerarmat?

• Nel­lie ilumoorluni soqutigin­nin­nermik qanoq ersersitsiva Lærke aaq­qis­suus­sil­laq­qin­ngin­nerarmat?