Anersaak­kut ittunik anguniagaqaraangatta nukigut silatusaar­tumik ator­tar­pagut. (Ko1 9:26) Naggatis­sap nalaani anguniagaqar­ner­put pif­fis­samik atorluaanis­samut iluaqutigis­savar­put. (Ef 5:15, 16) Ilaqutariit­tut Biibilimik misis­sueqatigiin­nis­sinni ukiumi kif­far­torfiusumi tul­liut­tumi sunik anguniagaqarusun­nerlusi oqaloqatigiis­sutigisin­naavarsi. Najoq­qutas­sami matumani anguniarsin­naasat pil­lugit allaaserisar­paaloqar­poq, taak­kualu arlaat angunias­sanerlugu qinunik­kut eqqarsaatigisin­naavarsi. – Ja 1:5.

Assersuutigalugu ilaqutariit arlar­tik pioneritut kif­far­tuler­nis­saanut tamarmik ikiorsin­naavaat? Nalunaaqut­tap-akun­neri angusas­satut piumasaqaatigineqar­tut angusin­naasas­sanerlugit nalor­niguit pioneri illit atuk­kan­nut assingusunik atugalik oqaloqatigiuk. (Us 15:22) Immaqa allaat ilaqutariit­tut Biibilimik misis­sueqatigiin­nis­sinni pionerimik apersuisin­naavusi. Pif­fis­samut pilersaarutitut atorsin­naasunik allat­tuigit. Sior­natigut pioneriusimaguit pis­sutsit maanna atuk­katit pioneriunis­samut naleq­qun­nersut eqqarsaatigiuk.

Ilissi ilaqutariis­sinni arlarsi qaam­mammi ataatsimi sivisunerusumil­luun­niit ikior­ti-pioneriusin­naava? Nukis­sakik­kuit immaqa ikior­ti-pioneriusin­naavutit ullut tamaasa sivikitsun­nguamik oqaluus­sisarlutit. Sapaatip-akun­nerata ingerlanerani oqaluus­sinis­samut pif­fis­sakik­kuit immaqa qaam­mat feeriarfiusoq tal­limanil­luun­niit weekendilik ikior­ti-pioneriuf­fis­satut toq­qarsin­naavat. Pif­fis­saq ikior­ti-pioneriuf­figiniak­kat qaam­matisiutinni allaguk pilersaarusiorlutillu. – Us 21:5.

ISIGINNAAGASSIAQ VÆR MODIG SOM … PIONER ISIGINNAARIARLUGU APEQQUT UNA AKIUK:

• Qatan­ngutip Aamandip misigisimasaa Jehovap pioneriujumal­lutik pil­liuteqar­tar­tunik asan­nil­luni isumas­suinera pil­lugu sumik ilin­niarfigaar­put?